Team India: ఎవరి కాల్స్‌కు రిప్లై ఇవ్వట్లే.. ఆయన కెరీర్ ముగిసినట్లే: టీమిండియా మాజీ క్రికెటర్ షాకింగ్ కామెంట్స్..

Ishan Kishan Team India

Ishan Kishan Cricket Career: ప్రస్తుతం భారత్ ఐదు టెస్టు మ్యాచ్‌ల సిరీస్‌లో ఇంగ్లండ్‌తో తలపడుతోంది. రెండు మ్యాచ్‌లు ముగిశాయి. ఇరుజట్లు తలో విజయంతో సమంగా నిలిచాయి. ఇక మూడో టెస్టు కోసం ఇరుజట్లు తీవ్రంగా శ్రమిస్తున్నాయి. అయితే, మిగిలిన మూడు టెస్టులకు బీసీసీఐ ఇంకా జట్టును ప్రకటించలేదు. ఈ సిరీస్‌కు వికెట్ కీపర్-బ్యాటర్ ఇషాన్ కిషన్ ఎంపిక కాలేదు. మానసిక అలసట కారణంగా ఈ సంవత్సరం ప్రారంభంలో దక్షిణాఫ్రికాతో జరిగిన టెస్ట్ సిరీస్ నుంచి విరామం కోరినప్పటి నుంచి కిషన్ రహస్యంగా భారత జట్టుకు దూరంగా ఉన్నాడు.

2వ టెస్టు మ్యాచ్ అనంతరం విలేకరుల సమావేశంలో రాహుల్ ద్రవిడ్, కిషన్ భారత జట్టులో చోటు దక్కించుకోవడానికి దేశవాళీ క్రికెట్ ఆడాలని సూచించాడు. కాగా, కిషన్‌పై భారత మాజీ ఓపెనర్ ఆకాష్ చోప్రా షాకింగ్ ప్రకటన చేశాడు.

తన యూట్యూబ్ ఛానెల్‌లో పోస్ట్ చేసిన వీడియోలో, ఆకాష్ చోప్రా మాట్లాడుతూ, ఫస్ట్ క్లాస్ క్రికెట్ ఆడటానికి ఇషాన్ కిషన్ తనను తాను అందుబాటులో ఉంచుకోవాలని రాహుల్ ద్రవిడ్ చేసిన ప్రకటన ఖచ్చితంగా సరైనదని తెలిపాడు.

ఈ మేరకు ఆయన మాట్లాడుతూ.. “రాహుల్ చెప్పింది పూర్తిగా నిజమే. కిషన్ మొదట అందుబాటులో ఉండి దేశవాళీ క్రికెట్ ఆడాలి. ఎందుకంటే అతను ఏ క్రికెట్ ఆడకపోతే భారతదేశం ఎంపిక చేసుకోదు. ఇది జూన్-జులై కాలంలో సహాయపడుతుంది” అని చోప్రా తెలిపాడు.

ఇషాన్ కిషన్ బయటకు రావాలి. అతను ఎవరి ఫోన్‌కి కూడా సమాధానం ఇవ్వడం లేదు. ప్రస్తుతం రంజీ ట్రోఫీ జరుగుతుండటంతో కిషన్‌కు అందుబాటులో ఉండాలి. తాను ఫస్ట్ క్లాస్ క్రికెట్ ఆడతానని చెప్పాల్సి ఉంటుందని భారత మాజీ ఓపెనర్ అన్నాడు.

ప్రస్తుతం ఇషాన్ కిషన్ కెరీర్ కష్టాల్లో ఉంది. ఇదే వైఖరి కొనసాగితే కెరీర్‌కు ఆటంకం ఏర్పడే అవకాశం ఉంది. టీ20 ప్రపంచకప్‌ సమీపిస్తున్నందున అతడిని ఎంపిక చేయడం అసాధ్యం. సన్నిహితుల ప్రకారం, కిషన్ ప్రస్తుతం బరోడాలో ఉన్నాడు. కిరణ్ మోర్ అకాడమీలో హార్దిక్ పాండ్యా దగ్గర శిక్షణ తీసుకుంటున్నాడు.

చివరి మూడు టెస్టులకు భారత జట్టు..

రోహిత్ శర్మ (కెప్టెన్), జస్ప్రీత్ బుమ్రా (వైస్ కెప్టెన్), యశస్వి జైస్వాల్, శుభమన్ గిల్, కెఎల్ రాహుల్*, రజత్ పటీదార్, సర్ఫరాజ్ ఖాన్, ధ్రువ్ జురెల్ (కీపర్), కెఎస్ భరత్ (కీపర్), ఆర్ అశ్విన్, రవీంద్ర జడేజా*, అక్షర్ పటేల్, వాషింగ్టన్ సుందర్, కుల్దీప్ యాదవ్, మొహమ్మద్. సిరాజ్, ముఖేష్ కుమార్, ఆకాష్ దీప్.

మరిన్ని క్రీడా వార్తల కోసం ఇక్కడ క్లిక్ చేయండి..