LSG vs DC IPL Match Result: సిక్సులతో మెక్‌గర్క్ శివతాండవం.. ఎట్టకేలకు ఢిల్లీ ఖాతాలో రెండో విజయం..

Lsg Vs Dc Resulrt

Lucknow Super Giants vs Delhi Capitals Result, ఐపీఎల్‌ 2024: ఎట్టకేలకు ఢిల్లీ జట్టు రెండో విజయం సాధించింది. లక్నోతో జరిగిన మ్యాచ్లో 6 వికెట్ల తేడాతో ఘన విజయం సాధించింది. దీంతో పాయింట్ల పట్టికలో 9వ స్థానానికి చేరుకుంది. ఈ క్రమంలో బెంగళూరు జట్టు చివరి స్థానంలో స్థిరపడింది. ఇండియన్ ప్రీమియర్ లీగ్ (IPL)లో ఢిల్లీ క్యాపిటల్స్ (DC) జట్టు లక్నో సూపర్ జెయింట్స్ (LSG)పై తొలి విజయం సాధించింది. ప్రస్తుత సీజన్‌లోని 26వ మ్యాచ్‌లో ఆ జట్టు 6 వికెట్ల తేడాతో సూపర్‌జెయింట్‌ను ఓడించింది. రెండు వరుస పరాజయాల తర్వాత ఢిల్లీకి ఇది తొలి విజయం కాగా, లక్నో మూడు వరుస విజయాల తర్వాత ఓటమి పాలైంది.

శుక్రవారం లక్నోలో 168 పరుగుల లక్ష్యాన్ని ఢిల్లీ 18.1 ఓవర్లలో 4 వికెట్లు కోల్పోయి సాధించింది. అంతకుముందు లక్నో సొంత మైదానం ఎకానా స్టేడియంలో టాస్ గెలిచి బ్యాటింగ్ చేసి 20 ఓవర్లలో 7 వికెట్లకు 167 పరుగులు చేసింది.

DC తరపున అరంగేట్రం చేసిన జాక్ ఫ్రేజర్-మాగెర్క్ 35 బంతుల్లో 55 పరుగులతో అర్ధ సెంచరీ సాధించగా, కెప్టెన్ రిషబ్ పంత్ 41 పరుగులు చేశాడు. రవి బిష్ణోయ్‌కి రెండు వికెట్లు దక్కాయి.

లక్నో తన సొంత మైదానంలో టాస్ గెలిచి ముందుగా బ్యాటింగ్ ఎంచుకుంది. దీంతో ఆ జట్టు నిర్ణీత 20 ఓవర్లలో 7 వికెట్ల నష్టానికి 167 పరుగులు చేసింది. జట్టులోని ఆయుష్ బదోని 31 బంతుల్లో ఫిఫ్టీ సాధించాడు. అతను కూడా 8వ వికెట్‌కు అర్షద్ ఖాన్‌తో కలిసి 73 పరుగులు జోడించాడు. కెప్టెన్ కేఎల్ రాహుల్ 39 పరుగులు చేశాడు. కుల్దీప్ యాదవ్ 20 పరుగులిచ్చి 3 వికెట్లు తీశాడు. ఖలీల్ అహ్మద్ 2 వికెట్లు తీశాడు.

ఇరుజట్ల ప్లేయింగ్ 11 ఇదే..

ఢిల్లీ క్యాపిటల్స్ (ప్లేయింగ్ XI): పృథ్వీ షా, డేవిడ్ వార్నర్, షాయ్ హోప్, రిషబ్ పంత్ (కీపర్/కెప్టెన్), ట్రిస్టన్ స్టబ్స్, అక్షర్ పటేల్, జేక్ ఫ్రేజర్-మెక్‌గర్క్, కుల్దీప్ యాదవ్, ముఖేష్ కుమార్, ఇషాంత్ శర్మ, ఖలీల్ అహ్మద్.

లక్నో సూపర్ జెయింట్స్ (ప్లేయింగ్ XI): క్వింటన్ డి కాక్, కేఎల్ రాహుల్(కీపర్/కెప్టెన్), దేవదత్ పడిక్కల్, మార్కస్ స్టోయినిస్, నికోలస్ పూరన్, ఆయుష్ బడోని, కృనాల్ పాండ్యా, అర్షద్ ఖాన్, రవి బిష్ణోయ్, నవీన్-ఉల్-హక్, యశ్ ఠాకూర్.

రెండు జట్ల ఇంపాక్ట్ ప్లేయర్లు..

ఢిల్లీ క్యాపిటల్స్: ఝే రిచర్డ్‌సన్, అభిషేక్ పోరెల్, కుమార్ కుషాగ్రా, సుమిత్ కుమార్, ప్రవీణ్ దూబే.

లక్నో సూపర్ జెయింట్స్: కృష్ణప్ప గౌతం, దీపక్ హుడా, మణిమారన్ సిద్ధార్థ్, అమిత్ మిశ్రా, మాట్ హెన్రీ.

మరిన్ని క్రీడా వార్తల కోసం ఇక్కడ క్లిక్  చేయండి..