IPL 2024: ముంబై జట్టులోకి నయా బుమ్రా.. మొదటి మ్యాచ్‌లోనే బరిలోకి దిగనున్న 12వ తరగతి ప్లేయర్

Mumbai Indians

ఇండియన్ ప్రీమియర్ లీగ్ 17వ ఎడిషన్ ప్రారంభం కానున్న తరుణంలో కొన్ని జట్లలో భారీ మార్పులు చోటుచేసుకున్నాయి. గాయం లేదా ఇతర కారణాలతో లీగ్‌కు దూరమైన ఆటగాళ్లను వీలైనంత త్వరగా ఇతరులతో భర్తీ చేయాలని ఫ్రాంచైజీలు భావిస్తున్నాయి. ఇందులో భాగంగా ముంబై ఇండియన్స్ తమ జట్టులోకి కొత్త ఆటగాడిని తీసుకుంది. గాయం కారణంగా ఐపీఎల్ 2024 నుంచి వైదొలిగిన శ్రీలంక పేసర్ దిల్షాన్ మధుశంక స్థానంలో దక్షిణాఫ్రికా పేసర్ క్వేనా మపాకను ముంబై ఇండియన్స్ ఎంపిక చేసింది. ఆశ్చర్యకరంగా అతని వయసు 17 ఏళ్లు మాత్రమే. ఇటీవల జరిగిన U-19 ప్రపంచకప్‌లో, మపాక బొంబట్ 6 మ్యాచ్‌ల్లో 21 వికెట్లు పడగొట్టాడు. క్వేనా మపాకా కూడా జస్ప్రీత్ బుమ్రా వంటి అద్భుతమైన యార్కర్ బౌలర్. అలాగే బంతిని మంచి వేగంతో స్వింగ్ చేస్తాడు. మాపాక వయస్సు 17 సంవత్సరాలు. ప్రస్తుతం 12వ తరగతి విద్యార్థి. కానీ అతనికి చాలా ప్రతిభ ఉంది. కాబట్టి ముంబై మొదటి మ్యాచ్‌లోనే మపాక బరిలోకి దిగే అవకాశం ఉంది.

గుజరాత్ టైటాన్స్ కూడా మహ్మద్ షమీ స్థానంలో ఫాస్ట్ బౌలర్ సందీప్ వారియర్‌ను ఎంపిక చేసింది. అతను గతంలో కోల్‌కతా నైట్ రైడర్స్ (కేకే204ఆర్) తరపున ఆడాడు. 2019లో ఐపీఎల్‌లోకి అడుగుపెట్టిన సందీప్ ఇప్పటివరకు కేవలం 5 మ్యాచ్‌లు మాత్రమే ఆడి 2 వికెట్లు తీశాడు.షమీ పాదాల గాయంతో బాధపడుతున్నాడు. అతను ఇటీవల శస్త్రచికిత్స చేయించుకున్నాడు. ఈ కారణంగా జూన్‌లో జరిగే T20 ప్రపంచ కప్‌లో ఆడలేడు. గుజరాత్ ఫ్రాంచైజీ రూ.50 లక్షలకు సందీప్‌ను తీసుకుంది. ఇక IPL 2022 మెగా వేలానికి ముందు KKR సందీప్‌ని విడుదల చేసింది.

ముంబై ఇండియన్స్ జట్టు:

హార్దిక్ పాండ్యా (కెప్టెన్), రోహిత్ శర్మ, సూర్యకుమార్ యాదవ్, ఇషాన్ కిషన్ (వికెట్ కీపర్), డెవాల్డ్ బ్రీవిస్, టిమ్ డేవిడ్, తిలక్ వర్మ, అర్జున్ టెండూల్కర్, కుమార్ కార్తికేయ, ఆకాష్ మధ్వల్, నెహాల్ వధేరా, షామ్స్ ములానీ, విష్ణు వినోద్, పీయూష్ చావ్లా, రొమారియో షెపర్డ్, గెరాల్డ్ కోయెట్జీ, దిల్షన్ మధుశంక, శ్రేయాస్ గోపాల్, నువాన్ తుషార, అన్షుల్ కాంబోజ్, నమన్ ధీర్, మహ్మద్ నబీ, శివాలిక్ శర్మ, ల్యూక్ వుడ్.

మరిన్ని క్రీడా వార్తల కోసం ఇక్కడ క్లిక్ చేయండి..