IPL 2023: అత్యధిక డాట్ బాల్స్‌తో సత్తా చాటిన నలుగురు భారత ఆటగాళ్లు.. టాప్ 5లో ఎవరున్నారంటే?

Mohammed Shami

Most Dot Balls In IPL 2023: ఐపీఎల్ 2023లో గుజరాత్ టైటాన్స్ స్టార్ ఫాస్ట్ బౌలర్ మహ్మద్ షమీ అద్భుతమైన లయలో కనిపిస్తున్నాడు. టోర్నీలో ఇప్పటివరకు అత్యధిక వికెట్లు తీసిన బౌలర్‌గా షమీ నిలిచాడు. ఇది కాకుండా, అతను IPL 2023లో అత్యధిక డాట్ బాల్స్ విసిరిన విషయంలో RCB పేసర్ మహ్మద్ సిరాజ్‌ను కూడా ఓడించాడు. మహ్మద్ షమీ ఇప్పటివరకు 119 డాట్ బాల్స్ వేయగా, సిరాజ్ 112 డాట్ బాల్స్‌తో రెండవ స్థానంలో ఉన్నాడు.

షమీ ఇప్పుడు ఐపీఎల్ 2023లో 9 మ్యాచ్‌ల్లో మొత్తం 35 ఓవర్లు బౌలింగ్ చేశాడు. అందులో అతను 119 డాట్ బాల్స్ వేసి మొత్తం 17 వికెట్లు పడగొట్టాడు.

అదే సమయంలో RCB స్టార్ పేసర్ మహ్మద్ సిరాజ్ కూడా టోర్నమెంట్‌లో 9 మ్యాచ్‌లు ఆడాడు. అతను కూడా 35 ఓవర్లు బౌలింగ్ చేశాడు. ఇందులో అతను 112 డాట్ బాల్స్ బౌల్ చేశాడు. కాగా సిరాజ్ ప్రస్తుతం 15 వికెట్లు తీశాడు.

ఇప్పటి వరకు పూర్తయిన 44 మ్యాచ్‌ల తర్వాత IPL 2023లో అత్యధిక డాట్ డెలివరీలు వేసిన బౌలర్లను ఓసారి చూద్దాం..

మహ్మద్ షమీ (గుజరాత్ టైటాన్స్) – 9 మ్యాచ్‌లు, 35 ఓవర్లు, 119 డాట్ బాల్స్, 17 వికెట్లు.

మహ్మద్ సిరాజ్ (RCB) – 9 మ్యాచ్‌లు, 35 ఓవర్లు, 112 డాట్ బాల్స్, 15 వికెట్లు.

అర్ష్‌దీప్ సింగ్ (పంజాబ్ కింగ్స్) – 9 మ్యాచ్‌లు, 33 ఓవర్లు, 77 డాట్ బాల్స్, 15 వికెట్లు.

అన్రిచ్ నార్కియా (ఢిల్లీ క్యాపిటల్స్) – 8 మ్యాచ్‌లు, 32 ఓవర్లు, 77 డాట్ బాల్స్, 7 వికెట్లు.

తుషార్ దేశ్‌పాండే (చెన్నై సూపర్ కింగ్స్) – 9 మ్యాచ్‌లు, 33.2 ఓవర్లు, 76 డాట్ బాల్స్, 17 వికెట్లు.

మహ్మద్ షమీ గుజరాత్ టైటాన్స్ తరపున ఆడుతున్నాడు. ఈ సీజన్‌లో అతని జట్టు కూడా గొప్ప ఫామ్‌లో ఉంది. ప్రస్తుతం ఆ జట్టు పాయింట్ల పట్టికలో నంబర్ వన్ స్థానంలో ఉంది. ఇప్పటి వరకు ఆడిన 9 మ్యాచ్‌ల్లో ఆ జట్టు 6 గెలుపొందగా, 3 మ్యాచ్‌ల్లో ఓడిపోయింది. గుజరాత్ నెట్ రన్ రేట్ +0.532గా నిలిచింది.

గమనిక- పైన అందించిన అన్ని గణాంకాలు మే 3వ తేదీన చెన్నై సూపర్ కింగ్స్ వర్సెస్ లక్నో సూపర్ జెయింట్స్.. అలాగే పంజాబ్ వర్సెస్ ముంబై మధ్య జరుగుతున్న మ్యాచ్‌లు మినహాయించబడ్డాయి.

మరిన్ని క్రీడా వార్తల కోసం ఇక్కడ క్లిక్ చేయండి..