IPL 2022: ముంబై ఇండియన్స్ పరిస్థితికి ఇదే కారణం.. అసలు విషయం తేల్చి చెప్పిన సచిన్ టెండూల్కర్

Ipl 2022 Sachin

క్రికెట్‌లో ఏంటైంకు ఏం జరుగుతుందో ఏం తెలియదు. అద్భుతం అనుకున్న జట్లు, విఫలం అవ్వొచ్చు, పేలవం అనుకున్న జట్టు.. సూపర్బ్‌గా రాణించొచ్చు. ప్రస్తుతం ఐపీఎల్ 2022(IPL 2022)లో ముంబై ఇండియన్స్ పరిస్థితి కూడా ఇలానే ఉంది. ముంబై ఇండియన్స్ వంటి జట్టు మొదటి ఏడు మ్యాచ్‌లలో ఓడిపోయింది. ఇప్పటికీ విజయాల ఖాతా తెరవలేకపోయింది. అత్యధికంగా ఐదు ఐపీఎల్ టైటిల్స్ సాధించిన ముంబై ఇండియన్స్(Mumbai Indians) ఇంత పేలవంగా ఆడడం ఇదే తొలిసారి. స్పష్టంగా ముంబై ఇండియన్స్ చాలా తప్పులు చేస్తున్నారు. దాని కారణంగా వారు ఈ పరిస్థితిని ఎదుర్కొంటున్నారు. దిగ్గజ బ్యాట్స్‌మెన్ సచిన్ టెండూల్కర్ వీటిలో ఒకదాన్ని ప్రస్తావించడం ద్వారా రాబోయే మ్యాచ్‌ల్లో మెరుగుపడతామని ఆశాభావం వ్యక్తం చేశారు. ముంబై ఇండియన్స్ మాజీ కెప్టెన్, గత అనేక సీజన్లలో జట్టు మెంటార్‌గా ఉన్న సచిన్ టెండూల్కర్(Sachin Tendulkar) ముంబయి కీలక సమయాల్లో బాగా రాణించాల్సిన అవసరం ఉందని అభిప్రాయపడ్డాడు. భారత మాజీ ఓపెనర్ సచిన్ టెండూల్కర్ ప్రకారం, T20 చాలా చిన్న ఫార్మాట్. ఇక్కడ చిన్న పొరపాట్లు కూడా భారీగా మారుతాయి. ఈ సీజన్‌లో ముంబై బ్యాటింగ్‌ నుంచి బౌలింగ్‌ వరకు ఎన్నో తప్పిదాలు చేసింది. అందుకే ఈ జట్టు వరుసగా ఏడు మ్యాచ్‌ల్లో ఓడిపోయింది.

కీలక అవకాశాలను సద్వినియోగం చేసుకోవడం అవసరం..

ముంబై జట్టు మర్చిపోలేని ఓటమి వారి అతిపెద్ద ప్రత్యర్థి చెన్నై సూపర్ కింగ్స్‌పై జరిగింది. ఇందులో మహేంద్ర సింగ్ ధోని చివరి ఓవర్‌లో ముంబై నుంచి విజయాన్ని లాక్కున్నాడు. అదే మ్యాచ్‌లో సచిన్ టెండూల్కర్ స్టార్ స్పోర్ట్స్‌తో మాట్లాడుతూ జట్టు ప్రస్తుత పరిస్థితి గురించి ఇలా అన్నాడు. “ప్రస్తుతం ముంబై ఇండియన్స్ జట్టులా ఈ ఫార్మాట్‌లో అనుభవించని టీం లేదు. ఈ ఫార్మాట్ చాలా క్రూరమైనది కావచ్చు. మ్యాచ్‌లోని కీలక క్షణాలను సద్వినియోగం చేసుకోవడం ముఖ్యం. ఇందులో తప్పుకు ఆస్కారం లేదు. కొన్నిసార్లు రెండు లేదా మూడు పరుగుల తేడాతో ఓడిపోతారు. లేదా చివరి బంతికి ఓడిపోతారు” అంటూ చెప్పుకొచ్చాడు.

కొత్త టీమ్ సెటిల్ అవ్వడానికి సమయం పడుతుంది..

ఇది మాత్రమే కాదు, జట్టులో చాలా మంది యువ, కొత్త ఆటగాళ్లు ఉన్నందున, జట్టు బలమైన యూనిట్‌గా స్థిరపడటానికి పట్టే సమయం గురించి కూడా టెండూల్కర్ మాట్లాడాడు. మాస్టర్ బ్లాస్టర్ ప్రకారం, “ఒక విషయం స్పష్టంగా ఉంది. ప్రస్తుతం సవాల్లు ఉన్నప్పటికీ, ఆటగాళ్లు కష్టపడి పనిచేశారు. ఇది కొత్త, యువ జట్టు. ఇది స్థిరపడటానికి సమయం పడుతుంది. కానీ అలాంటి సమయాల్లో ఒకరికొకరు నిలబడటం ద్వారా మాత్రమే పరిష్కారాలను కనుగొనగలరు” అంటూ జట్టు బాధ్యతపై మాట్లాడారు.

సచిన్ బర్త్ డే గిఫ్ట్ ఇస్తారా?

ఈ సీజన్‌లో చాలా సందర్భాలలో ముంబై ఇండియన్స్ చాలా క్లోజ్‌గా ఓడిపోయింది. ఎన్నోసార్లు విజేతగా నిలిచిన తర్వాత వాటిని సద్వినియోగం చేసుకోవడంలో విఫలమవడంతో ముంబై భారం మోయాల్సి వచ్చింది. ఐపీఎల్ చరిత్రలో ఒక సీజన్ ప్రారంభంలో ఆడిన 7 మ్యాచ్‌ల్లోనూ ఓడిపోయిన తొలి జట్టుగా నిలిచింది. ముంబై తదుపరి మ్యాచ్ ఏప్రిల్ 24న లక్నో సూపర్ జెయింట్‌తో జరుగుతుంది. ఆ రోజు సచిన్ పుట్టినరోజు కావడంతో మ్యాచ్ కూడా హోమ్ గ్రౌండ్ వాంఖడే స్టేడియంలోనే జరగనుంది. ఇలాంటి పరిస్థితుల్లో ముంబై ఆటగాళ్లు సచిన్‌కు విజయాన్ని కానుకగా అందించాలనుకుంటున్నారు.

Also Read: IPL 2022: ధోనితో అట్లుంటది మరి.. 20వ ఓవర్ అంటే ప్రత్యర్థుల గుండె గుబేలే.. 40 ఏళ్ల వయసులోనూ దబిడదిబిడే..

DC vs RR Live Score, IPL 2022: 200 పరుగుల మార్క్‌ను దాటేసిన రాజస్థాన్‌..