IPL 2022: కసి తీర్చుకున్న డేవిడ్ వార్నర్.. హైదరాబాద్ని వీర బాదుడు బాదేశాడుగా..!
IPL 2022: ఐపీఎల్ 2022లో భాగంగా నిన్న ఢిల్లీ క్యాపిటల్స్, సన్రైజర్స్ హైదరాబాద్ మధ్య మ్యాచ్ జరిగిన సంగతి తెలిసిందే. ఈ మ్యాచ్లో ఢిల్లీ 21 పరుగుల తేడాతో విజయం సాధించింది.
IPL 2022: ఐపీఎల్ 2022లో భాగంగా నిన్న ఢిల్లీ క్యాపిటల్స్, సన్రైజర్స్ హైదరాబాద్ మధ్య మ్యాచ్ జరిగిన సంగతి తెలిసిందే. ఈ మ్యాచ్లో ఢిల్లీ 21 పరుగుల తేడాతో విజయం సాధించింది. అయితే ఈ మ్యాచ్లో అందరి దృష్టి సన్రైజర్స్ మాజీ ఆటగాడు ప్రస్తుత ఢిల్లీ ప్లేయర్ డేవిడ్ వార్నర్పైనే ఉంది. వాస్తవానికి సన్రైజర్స్ హైదరాబాద్ టీమ్తో వార్నర్ ఐపీఎల్లో ఉన్నత శిఖరాలను అధిరోహించాడని చెప్పవచ్చు. 2016లో తన కెప్టెన్సీలో హైదరాబాద్ని ఐపీఎల్ ఛాంపియన్గా నిలిపిన వార్నర్ ఈ ఫ్రాంచైజీకి అత్యధిక పరుగులు చేసిన ఆటగాడిగా రికార్డు సృష్టించాడు. కానీ గత సీజన్లో జట్టు విఫలమవడంతో కెప్టెన్సీ నుంచి తొలగించారు. ఆ తర్వాత ఫ్రాంచైజీకి, వార్నర్కు మధ్య విభేదాలు తీవ్రరూపం దాల్చడంతో ట్విట్టర్ వేదికగా మాటల యుద్దం జరిగింది. అనంతరం మెగా ఆక్షన్లో ఢిల్లీ క్యాపిటల్స్ డేవిడ్ వార్నర్ను దక్కించుకుంది. అయితే నిన్నటి మ్యాచ్లో అతడి ఆటతీరు తనకి జరిగిన అవమానానికి కసి తీర్చుకున్నట్లుగా కనిపించిందని ప్రేక్షకులు భావిస్తున్నారు.
బ్రబౌర్న్ స్టేడియంలో SRHపై వార్నర్ కేవలం 54 బంతుల్లో అజేయంగా 92 పరుగులు చేసి జట్టు విజయంలో కీలక పాత్ర పోషించాడు. వార్నర్ దాదాపు ప్రతి సీజన్లో 500 నుంచి 600 కంటే ఎక్కువ పరుగులు చేసిన అతికొద్ది మంది బ్యాట్స్మెన్లలో ఒకరు. వార్నర్ 2014 నుంచి 2020 వరకు ప్రతి సీజన్లో వరుసగా 500కు పైగా పరుగులు చేశాడు. 2021లో మాత్రమే 195 పరుగులు చేశాడు. కానీ ఇప్పుడు మళ్లీ అదే ఫామ్ వార్నర్లో కనిపిస్తుంది. ఈ దిగ్గజ ఓపెనర్ ఇప్పటివరకు కేవలం 8 ఇన్నింగ్స్లలో 4 అర్ధ సెంచరీలతో సహా 356 పరుగులు చేశాడు. దాదాపు 157 స్ట్రైక్ రేట్తో బ్యాటింగ్ చేస్తున్నాడు. ఈ పరిస్థితుల్లో మళ్లీ 500కి పైగా పరుగులు చేయడం ఖాయం అనిపిస్తోంది.
మరిన్ని ఐపీఎల్ వార్తల కోసం ఇక్కడ క్లిక్ చేయండి