IND Vs NZ: చరిత్ర సృష్టించిన సన్‌రైజర్స్ బ్యాట్స్‌మెన్.. కోహ్లీ రికార్డు బద్దలు.. టీ20ల్లో రన్ మిషన్.!

టీ20 క్రికెట్‌లో న్యూజిలాండ్ బ్యాట్స్‌మెన్ మార్టిన్ గుప్తిల్ అరుదైన రికార్డు నెలకొల్పాడు. అత్యధిక పరుగులు చేసిన బ్యాటర్ల జాబితాలో విరాట్ కోహ్లీని అధిగమించి అగ్రస్థానాన్ని దక్కించుకున్నాడు. టీమిండియాతో జరుగుతున్న రెండో టీ20లో గుప్తిల్ 16 పరుగుల వ్యక్తిగత స్కోర్ వద్ద ఈ ఫీట్ అందుకున్నాడు.

ఇక ఈ మ్యాచ్‌లో గుప్తిల్ 31 పరుగులు చేసి పెవిలియన్ చేరాడు. టీ20ల్లో మార్టిన్ గుప్తిల్ ఇప్పటివరకు 111 మ్యాచ్‌లు ఆడి 3246 పరుగులు సాధించాడు. ఈ జాబితాలో రెండో స్థానంలో ఉన్న టీమిండియా వన్డే కెప్టెన్ విరాట్ కోహ్లీ 95 మ్యాచ్‌ల్లో 3227 పరుగులు చేశాడు. ఆ తర్వాత రోహిత్‌ శర్మ 118 మ్యాచ్‌ల్లో 3086 పరుగులతో మూడో స్థానంలో కొనసాగుతున్నాడు. ఇక నాలుగో స్థానంలో ఆస్ట్రేలియా వన్డే కెప్టెన్ ఆరోన్ ఫించ్ 2608 పరుగులతో ఉన్నాడు.