IND vs WI: నేటి నుంచే భారత్ vs వెస్టిండీస్ 2వ టెస్ట్.. ఒకే ఒక్క మార్పుతో బరిలోకి రోహిత్ సేన..

Ind Vs Wi 2nd Test

India Vs West Indies 2nd Test: భారత్, వెస్టిండీస్ మధ్య రెండో టెస్టు గురువారం (జులై 20) నుంచి ప్రారంభం కానుంది. పోర్ట్ ఆఫ్ స్పెయిన్‌లోని క్వీన్స్ పార్క్ ఓవల్ వేదికగా జరగనున్న ఈ మ్యాచ్ వెస్టిండీస్‌కు కీలకం. ఎందుకంటే 2 మ్యాచ్‌ల ఈ సిరీస్‌లో తొలి టెస్టులో టీమిండియా విజయం సాధించింది. 2వ మ్యాచ్‌లో భారత జట్టు డ్రా లేదా గెలిస్తే సిరీస్ కైవసం చేసుకుంటుంది. కాబట్టి, సిరీస్‌ను డ్రాతో ముగించాలంటే వెస్టిండీస్ ఈ మ్యాచ్‌లో తప్పక గెలవాలి. దీంతో కరీబియన్లకు 2వ టెస్టు డూ ఆర్ డై మ్యాచ్‌గా మారింది.

తొలి టెస్టు మ్యాచ్‌లో వెస్టిండీస్ జట్టు ఇన్నింగ్స్ 141 పరుగుల తేడాతో పరాజయం పాలైన భారత జట్టు ఈ మ్యాచ్‌లో కూడా విజయం సాధిస్తుందనే నమ్మకంతో ఉంది. తద్వారా భారత జట్టు ప్లేయింగ్ ఎలెవన్‌లో మార్పు వచ్చే అవకాశం ఉంది.

తొలి మ్యాచ్‌లో 12 వికెట్లు తీసిన రవిచంద్రన్ అశ్విన్‌కు ఈ మ్యాచ్‌లో విశ్రాంతిని ఇచ్చి, అక్షర్ పటేల్‌ను భర్తీ చేసే అవకాశం ఉంది. ఇది కాకుండా, మరే ఇతర మార్పులు జరిగే ఛాన్స్ ఉంది.

ఎందుకంటే తొలి టెస్టు మ్యాచ్‌లో అశ్విన్ మినహా టీమిండియా బౌలర్లు ఎవరూ 40 ఓవర్లు వేయలేదు. అశ్విన్ తొలి ఇన్నింగ్స్‌లో 24.3 ఓవర్లు వేయగా, రెండో ఇన్నింగ్స్‌లో 21.3 ఓవర్లు బౌలింగ్ చేశాడు.

టీమ్ ఇండియా పేసర్లకు కూడా ఎక్కువ ఓవర్లు లభించలేదు. అందువల్ల, రెండో టెస్టులో బౌలింగ్ లైనప్‌తో ప్రయోగాలు చేయడానికి అశ్విన్‌కు విశ్రాంతి ఇవ్వవచ్చు. దీని ప్రకారం అశ్విన్‌కు బదులుగా అక్షర్ పటేల్ ప్లేయింగ్ ఎలెవన్‌లో కనిపించినా ఆశ్చర్యపోనవసరం లేదు.

టీమ్ ఇండియా ప్రాబబుల్ ప్లేయింగ్ XI:

రోహిత్ శర్మ (కెప్టెన్), యశస్వి జైస్వాల్, ఇషాన్ కిషన్ (వికెట్ కీపర్), శుభ్‌మన్ గిల్, అజింక్యా రహానే, రవీంద్ర జడేజా, విరాట్ కోహ్లీ, జయదేవ్ ఉనద్కత్, అక్షర్ పటేల్, శార్దూల్ ఠాకూర్, మహ్మద్ సిరాజ్.

భారత టెస్టు జట్టు:

రోహిత్ శర్మ (కెప్టెన్), అజింక్యా రహానే (వైస్ కెప్టెన్), యశస్వి జైస్వాల్, కేఎస్ భరత్ (వికెట్ కీపర్), ఇషాన్ కిషన్ (వికెట్ కీపర్), ముఖేష్ కుమార్, రుతురాజ్ గైక్వాడ్, శుభ్‌మన్ గిల్,  విరాట్ కోహ్లీ, మహ్మద్ సిరాజ్, శార్దూల్ ఠాకూర్, రవిచంద్రన్ అశ్విన్, రవీంద్ర జడేజా, అక్షర్ పటేల్, నవదీప్ సైనీ, జయదేవ్ ఉనద్కత్.

మరిన్ని క్రీడా వార్తల కోసం ఇక్కడ క్లిక్ చేయండి..