Team India: క్లిష్ట దశలో కెరీర్.. కట్చేస్తే.. భారత ప్లేయర్కు లైఫ్ లైన్ ఇచ్చిన సెలెక్టర్లు.. ఎవరంటే?
IND vs WI: వెస్టిండీస్తో టెస్టు తర్వాత భారత క్రికెట్ జట్టు వన్డే, టీ20 సిరీస్లు ఆడాల్సి ఉంది. ప్రస్తుతం 2 మ్యాచ్ల టెస్టు సిరీస్లో టీమిండియా 1-0 ఆధిక్యంలో కొనసాగుతోంది. ఇంతలో సెలక్టర్లు ఓ ఆటగాడికి 'లైఫ్ లైన్' ఇచ్చారు.
Updated on: Jul 20, 2023 | 12:34 PM
టెస్టు తర్వాత, భారత క్రికెట్ జట్టు వెస్టిండీస్తో వన్డే, టీ20 సిరీస్లు ఆడాల్సి ఉంది. ప్రస్తుతం డాషింగ్ ఓపెనర్ రోహిత్ శర్మ సారథ్యంలోని టీమిండియా రెండు టెస్టుల సిరీస్లో 1-0 ఆధిక్యంలో కొనసాగుతోంది. అయితే, టీమిండియా సెలెక్టర్లు కెరీర్ ప్రశ్నార్థకంలో నిలిచిన ఓ ఆటగాడికి ‘లైఫ్ లైన్’ ఇచ్చారు. దీంతో ఈ సిరీస్లో సత్తా చాటితో.. మరికొన్నాళ్లు కెరీర్ సాగే ఛాన్స్ ఉంది. లేదంటే, ఈ టీ20 సిరీస్ చివరిదిగా మారనుంది.
5 మ్యాచ్ల టీ20 సిరీస్..
భారత్, వెస్టిండీస్ మధ్య 5 మ్యాచ్ల టీ20 సిరీస్ (IND vs WI T20I) జరగనుంది. ఇందుకోసం భారత క్రికెట్ కంట్రోల్ బోర్డు (బీసీసీఐ) 15 మంది సభ్యులతో కూడిన జట్టును ప్రకటించింది. కష్టతరమైన దశలో ఉన్న చైనామన్ ప్లేయర్కి కూడా అవకాశం వచ్చింది. వెటరన్ ఆటగాడు అజిత్ అగార్కర్ చీఫ్ సెలక్టర్ అయిన తర్వాత బీసీసీఐ సీనియర్ సెలక్షన్ కమిటీ తొలి జట్టును ఎంపిక చేసింది.
కెప్టెన్గా రోహిత్ ఔట్..
ఈ సిరీస్లో టీమిండియా కెప్టెన్సీని రోహిత్ శర్మకు బదులుగా ఆల్ రౌండర్ హార్దిక్ పాండ్యాకు అప్పగించారు. అదే సమయంలో వైస్ కెప్టెన్గా సూర్యకుమార్ యాదవ్ను నియమించారు. ఇషాన్ కిషన్, సంజూ శాంసన్లకు వికెట్ కీపర్లుగా అవకాశం లభించింది.
చైనామన్ బౌలర్కు ‘లైఫ్ లైన్’..
ఇదిలా ఉంటే కెరీర్లో కష్టతరమైన దశలో ఉన్న డాషింగ్ స్పిన్నర్ కుల్దీప్ యాదవ్కు టీ20 సిరీస్లో ఛాన్స్ వచ్చింది. కుల్దీప్ యాదవ్కు వన్డే, టీ20 రెండు టీమ్లలో అవకాశం ఇచ్చినా అన్ని మ్యాచ్ల్లో ఆడడం కష్టంగా ఉంది. టీ20 టీమ్లోని స్పిన్నర్ల గురించి మాట్లాడితే అక్షర్ పటేల్, యుజ్వేంద్ర చాహల్, కుల్దీప్ యాదవ్, రవి బిష్ణోయ్లకు అవకాశం దక్కింది. ప్రతి మ్యాచ్లో ప్లేయింగ్-11ని మార్చినట్లయితే, అది మంచి ప్రదర్శన చేసే ఆటగాళ్లపై ప్రభావం చూపుతుంది. ఆసక్తికరమైన విషయం ఏమిటంటే, ఎంపికల కారణంగా, కుల్దీప్ ఇటీవలి కాలంలో మంచి ప్రదర్శన చేసినప్పటికీ చాలా మ్యాచ్లు ఆడలేకపోయాడు.
వన్డేల్లో అద్భుత ప్రదర్శన..
కాన్పూర్కు చెందిన 28 ఏళ్ల కుల్దీప్ 2017లోనే మూడు ఫార్మాట్లలో అరంగేట్రం చేశాడు. ఒకానొక సమయంలో కుల్దీప్, చాహల్ జోడీ ఎంతో పేరుగాంచారు. వీరికి కుల్-చా అని పేరు పెట్టారు. వీరిద్దరూ కలిసి తమ ప్రదర్శనతో అందరినీ ఆశ్చర్యపరిచారు. అయితే క్రమంగా ఇద్దరిలో ఒకరికి మాత్రమే అవకాశం రావడాలు మొదలుపెట్టాయి. కుల్దీప్ ఇప్పటి వరకు 8 టెస్టులు, 81 వన్డేలు, 28 టీ20లు ఆడాడు. టెస్టుల్లో 34 వికెట్లు, వన్డేల్లో 134, టీ20 అంతర్జాతీయ ఫార్మాట్లో 46 వికెట్లు పడగొట్టాడు.
వెస్టిండీస్ సిరీస్ కోసం భారత టీ20 జట్టు: శుభమన్ గిల్, ఇషాన్ కిషన్ (WK), యశస్వి జైస్వాల్, ఉమ్రాన్ మాలిక్, తిలక్ వర్మ, , సంజు శాంసన్ (wk), సూర్యకుమార్ యాదవ్ (vc), హార్దిక్ పాండ్యా (c), అక్షర్ పటేల్, అర్ష్దీప్ సింగ్, యుజ్వేంద్ర చాహల్, కుల్దీప్ యాదవ్, రవి బిష్ణోయ్, అవేష్ ఖాన్, ముఖేష్ కుమార్.
మరిన్ని క్రీడా వార్తల కోసం ఇక్కడ క్లిక్ చేయండి..
