IND vs SA 1st Test: 5వికెట్లతో చెలరేగిన బుమ్రా.. 159 పరుగులకే సౌతాఫ్రికా ఆలౌట్..

Jasprit Bumrah

India vs South Africa, 1st Test: భారత్, దక్షిణాఫ్రికా మధ్య జరుగుతున్న సిరీస్‌లోని తొలి టెస్ట్ మ్యాచ్ కోల్ కతాలోని ఈడెన్ గార్డెన్స్ స్టేడియంలో జరుగుతోంది. దక్షిణాఫ్రికా టాస్ గెలిచి బ్యాటింగ్ ఎంచుకుంది. శుక్రవారం మ్యాచ్ మొదటి రోజు, చివరి సెషన్‌లో దక్షిణాఫ్రికా 159 పరుగులకు ఆలౌట్ అయింది.

జస్ప్రీత్ బుమ్రా 5 వికెట్లు పడగొట్టాడు. కేశవ్ మహారాజ్ (0), సైమన్ హార్మర్ (5), టోనీ డి జార్జి (24), ఐడెన్ మార్క్రామ్ (31), ర్యాన్ రికెల్టన్ (23) లను అవుట్ చేశాడు.

టీ-బ్రేక్ కు ముందు, అక్షర్ పటేల్ కార్బిన్ బోస్ (3 పరుగులు) ను ఎల్బీగా పెవిలియన్ చేర్చాడు. మహమ్మద్ సిరాజ్ మార్కో జాన్సెన్ (0), వికెట్ కీపర్ కైల్ వెర్రెయిన్ (16 పరుగులు) లను అవుట్ చేయగా, కుల్దీప్ యాదవ్ రెండు వికెట్లు పడగొట్టి వియాన్ ముల్డర్ (24 పరుగులు), కెప్టెన్ టెంబా బావుమా (3 పరుగులు) లను అవుట్ చేశాడు.

రెండు జట్ల ప్లేయింగ్ XI..

భారత్: యశస్వి జైస్వాల్, కేఎల్ రాహుల్, వాషింగ్టన్ సుందర్, శుభ్‌మన్ గిల్ (కెప్టెన్), రిషబ్ పంత్, రవీంద్ర జడేజా, ధ్రువ్ జురెల్, అక్షర్ పటేల్, కుల్దీప్ యాదవ్, మహ్మద్ సిరాజ్, జస్ప్రీత్ బుమ్రా.

దక్షిణాఫ్రికా: ఐడెన్ మార్క్రామ్, టోనీ డి జార్జి, ర్యాన్ రికెల్టన్, టెంబా బావుమా (కెప్టెన్), ట్రిస్టన్ స్టబ్స్, కైల్ వెర్రెయిన్ (వికెట్ కీపర్), వియాన్ ముల్డర్, సైమన్ హార్మర్, కేశవ్ మహరాజ్, మార్కో జాన్సెన్, కార్బిన్ బాస్.