IND vs ENG: టీమిండియా గెలవాలంటే, 12 ఏళ్ల హిస్టరీ బ్రేక్ చేయాల్సిందే.. ఆ సీన్ రిపీటైతే కష్టమే..?
India vs England, 2nd Semi-Final, ICC Men's T20 World Cup 2026: టీమిండియా టాస్ ఓడిపోవడంతో అభిమానుల్లో ఆందోళన మొదలైంది. ఎందుకంటే, గత హిస్టరీ చూస్తే టాస్ గెలిచిన జట్లే మ్యాచ్ గెలిచాయి. ముఖ్యంగా నాకౌట్ మ్యాచ్ల్లో 2014 నుంచి ఇదే సీన్ రిపీటవుతోంది. మరి నేడు సూర్యసేన ఆ రికార్డ్ బ్రేక్ చేస్తుందా లేదా అనేది చూడాలి.
IND vs ENG: ముంబైలోని ప్రతిష్టాత్మక వాంఖడే స్టేడియంలో నేడు జరుగుతున్న ఐసీసీ పురుషుల టీ20 ప్రపంచ కప్ 2026 రెండో సెమీఫైనల్లో ఇంగ్లాండ్ కెప్టెన్ హ్యారీ బ్రూక్ టాస్ గెలిచి ముందుగా బౌలింగ్ ఎంచుకున్నాడు. ఈ నిర్ణయంతో భారత జట్టు తొలుత బ్యాటింగ్ చేయనుంది. అయితే, భారత్ కెప్టెన్ సూర్యకుమార్ యాదవ్ మాట్లాడుతూ.. తాము కూడా ముందుగా బ్యాటింగ్ చేయడానికే మొగ్గు చూపుతున్నామని, బోర్డుపై భారీ స్కోరు ఉంచడమే తమ లక్ష్యమని ధీమా వ్యక్తం చేశారు.
టాస్ ఎందుకు కీలకం?
టీ20 ప్రపంచ కప్లో రాత్రి వేళ జరిగే నాకౌట్ మ్యాచ్లలో టాస్ గెలిచిన జట్టుకు గణాంకాల పరంగా స్పష్టమైన ప్రయోజనం కనిపిస్తోంది. ముఖ్యంగా 2014 నుంచి జరిగిన రాత్రి మ్యాచ్లను పరిశీలిస్తే, ముందుగా బౌలింగ్ చేసిన జట్లే అత్యధికంగా విజయం సాధించాయి. రెండో ఇన్నింగ్స్లో ‘డ్యూ’ (మంచు కురవడం) ప్రభావం వల్ల బౌలింగ్ చేయడం కష్టమవుతుంది, ఇది ఛేజింగ్ చేసే జట్టుకు కలిసి వస్తుంది.
గత రికార్డుల ప్రకారం:
రాత్రి మ్యాచ్లు: 2014 నుంచి జరిగిన దాదాపు అన్ని రాత్రి నాకౌట్ మ్యాచ్లలో సెకండ్ బ్యాటింగ్ చేసిన జట్లే గెలుపొందాయి.
పగటి మ్యాచ్లు: ముందుగా బ్యాటింగ్ చేసిన జట్టు కేవలం రెండు సార్లు మాత్రమే విజయం సాధించింది. ఆ రెండూ పగటిపూట జరిగినవే కావడం గమనార్హం.
జట్ల వివరాలు..
భారత జట్టు ఎటువంటి మార్పులు లేకుండా అదే పటిష్టమైన కూర్పుతో బరిలోకి దిగుతోంది. సంజు శామ్సన్, అభిషేక్ శర్మ, సూర్యకుమార్ యాదవ్లపై భారీ ఆశలు ఉన్నాయి. మరోవైపు, ఇంగ్లాండ్ జట్టు రెహాన్ అహ్మద్ స్థానంలో జేమీ ఓవర్టన్ను తీసుకుని ఒక మార్పుతో బరిలోకి దిగుతోంది.
తుది జట్లు (Playing XI):
భారత్: అభిషేక్ శర్మ, సంజు శామ్సన్ (కీపర్), ఇషాన్ కిషన్, సూర్యకుమార్ యాదవ్ (కెప్టెన్), తిలక్ వర్మ, హార్దిక్ పాండ్యా, శివమ్ దూబే, అక్షర్ పటేల్, అర్ష్దీప్ సింగ్, వరుణ్ చక్రవర్తి, జస్ప్రీత్ బుమ్రా.
ఇంగ్లాండ్: ఫిల్ సాల్ట్, జోస్ బట్లర్ (కీపర్), జాకబ్ బెథెల్, హ్యారీ బ్రూక్ (కెప్టెన్), టామ్ బాంటన్, సామ్ కర్రన్, విల్ జాక్స్, జేమీ ఓవర్టన్, లియామ్ డాసన్, జోఫ్రా ఆర్చర్, ఆదిల్ రషీద్.
ఈ మ్యాచ్లో గెలిచిన జట్టు మార్చి 8న అహ్మదాబాద్లో జరిగే ఫైనల్లో న్యూజిలాండ్తో తలపడుతుంది. భారత్ తన బ్యాటింగ్ పవర్తో ఈ “టాస్ సెంటిమెంట్”ను తిరగరాస్తుందో లేదో చూడాలి!