IND vs AFG: రోహిత్‌, కోహ్లీలకు లాస్ట్‌ ఛాన్స్‌.. నేడు బెంగళూరులో అఫ్గాన్‌తో చివరి టీ20

Rohit Sharma, Virat Kohli

భారత్, అఫ్గానిస్థాన్ మధ్య సిరీస్‌లో చివరి టీ20 మ్యాచ్‌ ఇవాళ (జనవరి 17) జరగనుంది. బెంగళూరులోని చిన్నస్వామి స్టేడియం వేదికగా జరిగే ఈ మ్యాచ్‌లోనూ విజయం సాధించి 3-0తో సిరీస్‌ను క్లీన్ స్వీప్ చేయాలనే లక్ష్యంతో టీమ్ ఇండియా ఉంది. మరోవైపు తొలి రెండు మ్యాచ్‌ల్లో ఘోరంగా ఓడిన అఫ్గానిస్థాన్ జట్టు.. చివరి మ్యాచ్‌లో గెలిచి వైట్‌వాష్‌ నుంచి తప్పించుకోవాలనుకుంటోంది. కాబట్టి ఈరోజు బెంగళూరు మైదానంలో ఉత్కంఠభరిత పోరు సాగుతుందని అంచనా. ఇప్పటికే అఫ్గానిస్థాన్‌తో జరిగిన మూడు మ్యాచ్‌ల సిరీస్‌ను భారత్ 2-0 తేడాతో కైవసం చేసుకుంది. మొహాలీలో జరిగిన తొలి టీ20లో 6 వికెట్ల తేడాతో గెలిచిన టీమిండియా, ఇండోర్‌లో జరిగిన రెండో టీ20లో 6 వికెట్ల తేడాతో ఘన విజయం సాధించింది. ఇప్పుడు మూడో మ్యాచ్‌లో విజయం సాధిస్తుందనే ధీమాతో రోహిత్ సేన ఉంది.

చిన్నస్వామి స్టేడియంలో జరిగే ఈ మ్యాచ్ భారత కాలమానం ప్రకారం రాత్రి 7 గంటలకు ప్రారంభమవుతుంది. అంతకు ముందు 6.30కి టాస్ ప్రక్రియ జరుగుతుంది. తొలి రెండు మ్యాచ్‌లు గెలిచి సిరీస్‌ను కైవసం చేసుకున్న టీమిండియా మూడో మ్యాచ్‌లో కొన్ని మార్పులు చేసే అవకాశం ఉంది. తొలి రెండు మ్యాచ్‌ల్లో అవకాశం లభించని ఆటగాళ్లు ఫైనల్ మ్యాచ్‌లో ఆడవచ్చు. ముఖ్యంగా వికెట్ కీపర్ సంజూ శాంసన్‌కు ఈ మ్యాచ్‌లో ఆడే అవకాశం ఉంది. ఎందుకంటే అనుభవజ్ఞుడైన వికెట్ కీపర్ అయినప్పటికీ శాంసన్‌కు బదులుగా జితేష్ శర్మకు తొలి రెండు మ్యాచ్‌ల్లో అవకాశం కల్పించారు. ఇప్పుడు ఫైనల్ మ్యాచ్‌లో జితేష్ ఔట్ అయ్యే అవకాశం ఉంది, బదులుగా సంజూ శాంసన్ వికెట్ కీపర్ అండ్‌ బ్యాటర్‌గా మూడో మ్యాచ్‌లో ఆడే ఛాన్స్ ఉంది.

ప్రాక్టీస్ లో టీమిండియా..

భారత జట్టు :

రోహిత్‌ శర్మ (కెప్టెన్‌), సంజూ శాంసన్‌ (వికెట్‌ కీపర్‌), యశస్వి జైస్వాల్‌, శుభ్‌మన్‌ గిల్‌, తిలక్‌ వర్మ, రింకూ సింగ్‌, అక్షర్‌ పటేల్‌, అర్షదీప్‌ సింగ్‌, అవేశ్‌ ఖాన్‌, కుల్‌దీప్‌ యాదవ్‌, ముఖేష్‌ కుమార్‌, జితేశ్‌ శర్మ, శివమ్‌ దూబే, వాషింగ్టన్ సుందర్, విరాట్ కోహ్లీ.

ఆఫ్ఘనిస్థాన్ జట్టు:

రహ్మానుల్లా గుర్బాజ్ (వికెట్ కీపర్), ఇబ్రహీం జద్రాన్ (కెప్టెన్), హజ్రతుల్లా జజాయ్, నజీబుల్లా జద్రాన్, మహ్మద్ నబీ, అజ్మతుల్లా ఒమర్‌జాయ్, ముజీబ్ ఉర్ రహ్మాన్, షరాఫుద్దీన్ అష్రఫ్, ఖైస్ అహ్మద్, హకీన్, ఫజ్ల్, ఫజ్ల్, నవీన్-. నూర్ అహ్మద్, మహ్మద్ సలీమ్ షఫీ, కరీం జనత్, ఇక్రమ్ అలీఖిల్, ఫరీద్ అహ్మద్ మాలిక్, రహమత్ షా, గుల్బాదిన్ నైబ్.

మరిన్ని క్రీడా వార్తల కోసం ఇక్కడ క్లిక్ చేయండి..