IPL 2023: ఐసీసీ, బీసీసీఐ మధ్య బిగ్ ఫైట్.. ఆ తేదీలపై తర్జన భర్జనలు.. ఎందుకో తెలుసా?
ICC World Test Championship: ఐసీసీ వరల్డ్ టెస్ట్ ఛాంపియన్షిప్ రెండవ ఎడిషన్ ప్రస్తుతం జరుగుతోంది. ఫైనల్స్లో ఆడే రెండు జట్లు ఎవరనే దానిపై అందరి దృష్టి నెలకొంది.
ICC World Test Championship: ఐసీసీ టెస్ట్ క్రికెట్లో ప్రపంచ ఛాంపియన్షిప్ను ప్రారంభించినప్పటి నుంచి, ఈ ఫార్మాట్పై ప్రజల్లో ఆసక్తి పెరిగింది. తమ జట్టు వన్డే, టీ20 ప్రపంచకప్ను గెలుస్తుందని అభిమానులు ఎలా ఆశిస్తారో, టెస్టు ఛాంపియన్షిప్ విషయంలోనూ ఇవే అంచనాలు వినిపిస్తుంటాయి. ఈ ఛాంపియన్షిప్ రెండవ ఎడిషన్ ప్రస్తుతం జరుగుతోంది. దాని ఫైనల్ తేదీల గురించి కీలక వార్తలు వస్తున్నాయి. దీనితో పాటు, IPL-2023 తేదీలపై కూడా కీలక వార్తలు వినిపిస్తున్నాయి.
క్రిక్బజ్ వెబ్సైట్ నివేదిక ప్రకారం, ఐసీసీ వరల్డ్ టెస్ట్ ఛాంపియన్షిప్ ఫైనల్ జూన్ మొదటి వారంలో నిర్వహించనున్నారు. ఈ టైటిల్ మ్యాచ్ జూన్ 7 నుంచి 11 వరకు ఆడవచ్చని తెలుస్తోంది. రిజర్వ్ డే కోసం కూడా నిబంధన ఉంటుంది. ఇంగ్లండ్లోని ఓవల్ వేదికగా ఈ మ్యాచ్ జరగనుంది. అయితే, తేదీలకు సంబంధించి ఐసీసీ ఇంకా అధికారికంగా ఎలాంటి ప్రకటన చేయలేదు.
- మ్యాచ్ ప్రారంభ తేదీ ఐపీఎల్ పూర్తయ్యే తేదీకి చాలా దగ్గరగా ఉంటుంది. బీసీసీఐ ఐపీఎల్ తేదీలపై తర్న భర్జలు పడుతోంది. లీగ్ జూన్ 4 లేదా మే 28 న ముగియవచ్చని అంటున్నారు.
- లీగ్ జూన్ వరకు వెళితే, ప్రపంచ టెస్ట్ ఛాంపియన్షిప్లో టీమిండియా ఫైనల్ ఆడుతుందని భావించి, ఐపీఎల్ తేదీల విషయంలో బీసీసీఐ జాగ్రత్తగా నిర్ణయం తీసుకుంటుంది. క్రిక్బజ్ నివేదిక ప్రకారం, బీసీసీఐ ఐపీఎల్-2023ని మార్చి 31 లేదా ఏప్రిల్ 1 నుంచి ప్రారంభించవచ్చని తెలుస్తోంది.
- ప్రస్తుతం ప్రపంచ టెస్టు ఛాంపియన్షిప్లో భారత జట్టు నాలుగో స్థానంలో ఉంది. ఆస్ట్రేలియా, దక్షిణాఫ్రికా, శ్రీలంక తర్వాతి స్థానంలో ఉంది. బంగ్లాదేశ్తో రెండు టెస్టులు, ఆస్ట్రేలియాతో నాలుగు టెస్టుల్లో ఆశించిన ఫలితాలతో టీమిండియా ఫైనల్ ఆడగలదని అంచనాలు వినిపిస్తున్నాయి.
- ఐసీసీ వరల్డ్ టెస్ట్ ఛాంపియన్షిప్ మొదటి ఎడిషన్లో భారత్ ఫైనల్కు చేరుకుంది. అయితే న్యూజిలాండ్ చేతిలో ఓటమిని ఎదుర్కోవాల్సి వచ్చింది.
మరిన్ని క్రీడా వార్తల కోసం ఇక్కడ క్లిక్ చేయండి..