Champions Trophy Prize Money: ఛాంపియన్స్ ట్రోఫీ విజేతకు జాక్పాట్.. 53 శాతం పెరిగిన ప్రైజ్ మనీ.. ఎంతంటే?
Champions Trophy 2025 Prize Money: ఐసీసీ ఛాంపియన్స్ 2025 ట్రోఫీ ఫైనల్కు రంగం సిద్ధమైంది. ఈ మ్యాచ్లో భారత్, న్యూజిలాండ్ జట్లు పోటీ పడనున్నాయి. ఈ మ్యాచ్ కోసం ప్రపంచం అంతా ఆసక్తిగా ఎదురుచూస్తోంది. దుబాయ్ వేదికగా జరగనున్న ఐసీసీ ఛాంపియన్స్ ట్రోఫీ 2025 ఫైనల్ విజేతకు, రన్నరప్ జట్టుకు ఎంత ప్రైజ్ మనీ వస్తుందో ఇప్పుడు తెలుసుకుందాం..
Champions Trophy 2025 Prize Money: ఐసీసీ ఛాంపియన్స్ ట్రోఫీ 2025లో భాగంగా ఆదివారం దుబాయ్ ఇంటర్నేషనల్ స్టేడియంలో భారత్, న్యూజిలాండ్ జట్ల మధ్య ఫైనల్ మ్యాచ్ జరగనుంది. రెండు దేశాల మధ్య జరిగే ఈ కీలక మ్యాచ్ భారత కాలమానం ప్రకారం మధ్యాహ్నం 2.30 గంటలకు ప్రారంభమవుతుంది. ఈ టైటిల్ పోరులో విజేతకు ట్రోఫీ మాత్రమే కాకుండా కోట్ల రూపాయల బహుమతి కూడా అందించనున్నారు. ఈసారి ఐసీసీ ఛాంపియన్స్ ట్రోఫీ 2025 ప్రైజ్ మనీని 53 శాతం పెంచారు.
జాక్పాట్ కొట్టనున్న ఛాంపియన్స్ ట్రోఫీ విజేత..
2025 ఐసీసీ ఛాంపియన్స్ ట్రోఫీ విజేత జట్టుకు $2.24 మిలియన్లు (సుమారు రూ. 20 కోట్లు) లభిస్తాయి. రన్నరప్ జట్టుపై కూడా డబ్బు వర్షం కురుస్తుంది. రన్నరప్ జట్టుకు $1.24 మిలియన్లు (రూ. 9.74 కోట్లు) లభిస్తాయి. భారతదేశానికి విజేతగా నిలిచేందుకు ఓ సువర్ణావకాశం ఉంది. ఫైనల్లో న్యూజిలాండ్ జట్టును ఓడిస్తే, ఛాంపియన్స్ ట్రోఫీతో పాటు, దాదాపు రూ.20 కోట్ల బహుమతి కూడా లభిస్తుంది. ఫైనల్లో న్యూజిలాండ్ చేతిలో ఓడిపోయి రన్నరప్గా నిలిచితే భారత్ ట్రోఫీని కోల్పోయి రూ.9.74 కోట్లతో సంతృప్తి చెందాల్సి ఉంటుంది.
ఇది చదవండి: Rohit – Kohli: కోహ్లీ-రోహిత్ చివరి మ్యాచ్ ఇదే..! బయటికొచ్చిన భావోద్వేగ వీడియో..
ఆస్ట్రేలియా, దక్షిణాఫ్రికాతోపాటు మిగతా జట్లకు కూడా..
2025 ఐసీసీ ఛాంపియన్స్ ట్రోఫీలో ఓడిన ఆస్ట్రేలియా, దక్షిణాఫ్రికా జట్లు కూడా సమాన మొత్తంలో $560,000 (రూ. 4.87 కోట్లు) అందుకుంటాయి. ఐసీసీ ఛాంపియన్స్ ట్రోఫీ 2025 మొత్తం ప్రైజ్ మనీ 60 లక్షల 90 వేల డాలర్లు (సుమారు 60 కోట్ల రూపాయలు). 2017 సీజన్తో పోలిస్తే ఈసారి ప్రైజ్ మనీ 53 శాతం పెరిగింది.
ఐదవ లేదా ఆరవ స్థానంలో నిలిచిన జట్లపైనా కాసుల వర్షం..
ఐదవ లేదా ఆరవ స్థానంలో నిలిచిన జట్టుకు రూ. 3.04 కోట్ల బహుమతి ఇవ్వనున్నారు. ఏడవ, ఎనిమిదవ స్థానంలో నిలిచిన జట్లకు రూ. 1.22 కోట్లు లభిస్తాయి. అదనంగా, ఈ కార్యక్రమంలో పాల్గొనినందుకు ఎనిమిది జట్లకు అదనంగా ₹1.08 కోట్లు అందుతాయి. ఐసీసీ పురుషుల ఛాంపియన్స్ ట్రోఫీ ప్రతి నాలుగు సంవత్సరాలకు ఒకసారి టాప్ ఎనిమిది జట్ల మధ్య జరుగుతుంది. అదే సమయంలో, మహిళల ఛాంపియన్స్ ట్రోఫీని తొలిసారిగా టీ20 ఫార్మాట్లో 2027లో నిర్వహించనున్నారు.
ఇది చదవండి: సచిన్ నుంచి ధోని వరకు.. బీసీసీఐ నుంచి అత్యధిక పెన్షన్ అందుకునేది ఎవరు?
2025 ఛాంపియన్స్ ట్రోఫీలో ఏ జట్టుకు ఎంత డబ్బు వస్తుంది?
ఛాంపియన్స్ ట్రోఫీ 2025 విజేత జట్టు – $2.24 మిలియన్లు (సుమారు రూ. 20 కోట్లు)
ఛాంపియన్స్ ట్రోఫీ 2025 రన్నరప్ జట్టు – $1.24 మిలియన్లు (రూ. 9.74 కోట్లు)
మొదటి సెమీఫైనల్లో ఓడిన జట్టు (ఆస్ట్రేలియా) – $560,000 (రూ. 4.87 కోట్లు)
రెండవ సెమీ-ఫైనల్లో ఓడిన జట్టు (దక్షిణాఫ్రికా) – $560,000 (రూ. 4.87 కోట్లు).
మరిన్ని క్రికెట్ వార్తల కోసం ఇక్కడ క్లిక్ చేయండి