IPL 2026: ఫ్యాన్స్‌కు గుడ్‌న్యూస్.. ఐపీఎల్ 2026 టిక్కెట్స్ కావాలా.. ఇదిగో పూర్తి వివరాలు?

Ipl 2026 Tickets

IPL Ticket Price 2026: క్రికెట్ అభిమానులు ఎప్పుడెప్పుడా అని ఎదురుచూస్తున్న ఐపీఎల్ 19వ సీజన్ టికెట్ల విక్రయాలు ప్రారంభమయ్యాయి. బీసీసీఐ ఇప్పటికే మొదటి 20 మ్యాచ్‌ల షెడ్యూల్‌ను విడుదల చేయడంతో, ఫ్యాన్స్ తమ ఫేవరెట్ టీమ్ మ్యాచ్‌లను నేరుగా స్టేడియం నుండి చూసేందుకు సిద్ధమవుతున్నారు. అయితే, ఈసారి టికెట్ల బుకింగ్ ప్రక్రియలో కొన్ని మార్పులు ఉన్నాయి.

ఆన్‌లైన్‌లో టికెట్లు ఎక్కడ లభిస్తాయి?

ప్రతి ఫ్రాంచైజీకి వేర్వేరు టికెటింగ్ భాగస్వాములు ఉన్నారు. ప్రధానంగా మూడు డిజిటల్ ప్లాట్‌ఫారమ్‌ల ద్వారా మీరు టికెట్లను బుక్ చేసుకోవచ్చు:

ముంబై ఇండియన్స్ (MI), గుజరాత్ టైటాన్స్ (GT), లక్నో సూపర్ జెయింట్స్ (LSG), కేకేఆర్ (KKR) మ్యాచ్‌ల టికెట్లు బుక్ మై షో ద్వారా కొనుగోలు చేయవచ్చు.

ఈ ఏడాది కొత్తగా జొమాటో డిస్ట్రిక్ట్ యాప్ (Zomato District App) ద్వారా సన్‌రైజర్స్ హైదరాబాద్ (SRH), ఢిల్లీ క్యాపిటల్స్ (DC), పంజాబ్ కింగ్స్ (PBKS), రాజస్థాన్ రాయల్స్ (RR) టికెట్లను విక్రయిస్తున్నారు.

పంజాబ్, ఢిల్లీ హోమ్ మ్యాచ్‌ల కోసం పేటీఎం ఇన్‌సైడర్ (Paytm Insider) అధికారిక భాగస్వామిగా కొనసాగుతోంది.

అధికారిక వెబ్‌సైట్లు: ఆర్‌సీబీ (rcb.in), సీఎస్‌కే (chennaisuperkings.com) వంటి జట్లు తమ సొంత వెబ్‌సైట్ల ద్వారా టికెటింగ్ లింకులను అందిస్తాయి.

జట్టు వారీగా టికెట్ ధరల వివరాలు (అంచనా)..

స్టేడియంలో సీటింగ్ కెపాసిటీ, వ్యూ, లగ్జరీ సౌకర్యాలను బట్టి ధరలు మారుతుంటాయి. ప్రస్తుతం అందుబాటులో ఉన్న సమాచారం ప్రకారం ధరలు ఇలా ఉన్నాయి:

గుజరాత్ టైటాన్స్ ఐపీఎల్ 2026 టిక్కెట్ల ధర (అహ్మదాబాద్) – రూ. 1,000 – రూ. 25,000

కోల్‌కతా నైట్ రైడర్స్ ఐపీఎల్ 2026 టిక్కెట్ల ధర (కోల్‌కతా) – రూ. 1,200 – రూ. 8,500

లక్నో సూపర్ జెయింట్స్ ఐపీఎల్ 2026 టిక్కెట్ల ధర (లక్నో) – రూ. 1,000 – రూ. 40,000

రాజస్థాన్ రాయల్స్ ఐపీఎల్ 2026 టిక్కెట్ల ధర (గౌహతి/జైపూర్) – రూ. 2,700 – రూ. 4,200

చెన్నై సూపర్ కింగ్స్ ఐపీఎల్ 2026 టిక్కెట్ల ధర (చెన్నై) – నిర్ణయించవలసి ఉంది

ఢిల్లీ క్యాపిటల్స్ ఐపీఎల్ 2026 టిక్కెట్ల ధర (ఢిల్లీ) – నిర్ణయించవలసి ఉంది

ముంబై ఇండియన్స్ ఐపీఎల్ 2026 టిక్కెట్ల ధర (ముంబై) – నిర్ణయించవలసి ఉంది

పంజాబ్ కింగ్స్ ఐపీఎల్ 2026 టిక్కెట్ల ధర (ముల్లన్‌పూర్) – నిర్ణయించవలసి ఉంది

రాయల్ ఛాలెంజర్స్ బెంగళూరు ఐపీఎల్ 2026 టిక్కెట్ల ధర (బెంగళూరు) – నిర్ణయించవలసి ఉంది

సన్‌రైజర్స్ హైదరాబాద్ ఐపీఎల్ 2026 టిక్కెట్ల ధర (హైదరాబాద్) – నిర్ణయించవలసి ఉంది

టికెట్ బుకింగ్ సమయంలో జాగ్రత్తలు..

ఐపీఎల్ టికెట్లకు విపరీతమైన డిమాండ్ ఉన్నందున, అధికారిక ప్లాట్‌ఫారమ్‌ల ద్వారా మాత్రమే కొనుగోలు చేయాలని నిపుణులు సూచిస్తున్నారు. బ్లాక్ టికెట్లు లేదా అనధికారిక వెబ్‌సైట్ల జోలికి వెళ్లి మోసపోవద్దని హెచ్చరిస్తున్నారు. ఆఫ్‌లైన్ టికెట్ల కోసం ఆయా స్టేడియాల వద్ద నిర్ణీత కౌంటర్లను కూడా ఏర్పాటు చేయనున్నారు.

మరిన్ని క్రీడా వార్తల కోసం ఇక్కడ క్లిక్ చేయండి..