Harbhajan Singh: హర్భజన్ సింగ్ ఏ పార్టీలో చేరబోతున్నారు.. ఊపందుకున్న ఊహాగానాలు..
స్పిన్నర్ హర్భజన్ సింగ్ శుక్రవారం అన్ని రకాల క్రికెట్ ఫార్మట్ల నుంచి రిటైర్మెంట్ ప్రకటించాడు. అయితే ఈ నిర్ణయంతో ఆయన రాజకీయ రంగ ప్రవేశంపై ఊహాగానాలు వస్తున్నాయి...
స్పిన్నర్ హర్భజన్ సింగ్ శుక్రవారం అన్ని రకాల క్రికెట్ ఫార్మట్ల నుంచి రిటైర్మెంట్ ప్రకటించాడు. అయితే ఈ నిర్ణయంతో ఆయన రాజకీయ రంగ ప్రవేశంపై ఊహాగానాలు వస్తున్నాయి. అయితే రాజకీయాలకు సంబంధించి తనకు చాలా పార్టీల నుంచి ఆఫర్లు వస్తున్నాయని, అయితే దాని గురించి తాను ఇంకా నిర్ణయం తీసుకోలేదని హర్భజన్ చెప్పాడు. అంతకుముందు పంజాబ్ కాంగ్రెస్ చీఫ్ సిద్ధూతో కలిసి ఆయన దిగిన ఫోటో వైరల్‌గా మారింది. అతను కాంగ్రెస్‌లో చేరతారని ఊహాగానాలు వచ్చాయి.
‘నాకు ప్రతి పార్టీ రాజకీయ నాయకులు తెలుసు. ఏదైనా పార్టీలో చేరాలనుకుంటే ముందుగా చెబుతాను. రాజకీయాల ద్వారా పంజాబ్‌కు సేవ చేస్తారా లేదా అనే విషయంపై ఇంకా ఎలాంటి నిర్ణయం తీసుకోలేదు. నేను దాని గురించి ఇంకా ఏమీ ఆలోచించలేదు. వివిధ పార్టీల నుంచి చేరేందుకు నాకు ఆఫర్లు వచ్చాయి. నేను మాజీ క్రికెటర్‌గా నవజ్యోత్ సింగ్ సిద్ధూను కలిశాను. హర్భజన్ సింగ్ 23 ఏళ్ల పాటు క్రికెట్ ఆడాడు. క్రికెట్‌కు వీడ్కోలు పలికిన తర్వాత హర్భజన్ సింగ్ మంకీగేట్ వివాదం గురించి చెప్పాడు. 2008లో సిడ్నీ టెస్టు సందర్భంగా హర్భజన్ సింగ్, ఆస్ట్రేలియా క్రికెటర్ ఆండ్రూ సైమండ్స్ మధ్య వివాదం చోటుచేసుకుంది. ఆ తర్వాత దానికి మంకీగేట్ అని పేరు పెట్టారు.
హర్భజన్ సింగ్, ఆస్ట్రేలియా మాజీ ఆల్ రౌండర్ ఆండ్రూ సైమండ్స్ మధ్య వివాదం జాతి వివాదంగా మారడంతో కొత్త మలుపు తిరిగింది. టెస్ట్ మ్యాచ్ చివరి రోజు, హర్భజన్ సైమండ్స్‌ను ‘కోతి’ అని పిలిచి జాతిపరంగా అవమానించాడని అప్పటి ఆస్ట్రేలియా కెప్టెన్ రికీ పాంటింగ్ అంపైర్లు స్టీవ్ బక్నార్, మార్క్ బెన్సన్‌కు ఫిర్యాదు చేశాడు. సిడ్నీ టెస్టులో ఆస్ట్రేలియా 122 పరుగుల తేడాతో భారత్‌పై విజయం సాధించింది.
హర్భజన్ సింగ్ ఈ సంఘటన గురించి మాట్లాడాడు.” ఇది బహుశా తన కెరీర్‌లో అతిపెద్ద వివాదం అని చెప్పాడు. ఇది అవసరం లేని విషయమని, ఎవరు ఏం చెప్పారో మర్చిపోండి. సత్యానికి రెండు పార్శ్వాలు ఉంటాయని మీకు, నాకు తెలుసు.” అని హర్భజన్ అన్నాడు.
Read Also.. రోహిత్ శర్మను పడగొట్టాడు.. టీమిండియాకు నయా ‘సిక్సర్ల కింగ్’గా అవతరించాడు.. ఎవరో తెలుసా?