IPL 2026: సెంచరీతో దుమ్మురేపిన మహమ్మద్ సిరాజ్.. ఆ ఇద్దరికి ఇచ్చిపడేశాడుగా..!
Mohammed Siraj: ఐపీఎల్ 2026 స్టేడియంలో మహమ్మద్ సిరాజ్ కేవలం ఒక ఫాస్ట్ బౌలర్ మాత్రమే కాదు, అతను ప్రత్యర్థి బ్యాటర్లను కట్టడి చేయగల 'రన్ కంట్రోలర్' కూడా. ఈ సీజన్లో గుజరాత్ టైటాన్స్ తరపున ఆడిన సిరాజ్, తాను ఆడిన 10 మ్యాచ్లలో తన పదునైన బౌలింగ్తో కొత్త రికార్డులను నెలకొల్పాడు.
IPL 2026: ఇండియన్ ప్రీమియర్ లీగ్ సీజన్-19లో టీమ్ ఇండియా పేసర్ మహమ్మద్ సిరాజ్ తన డేంజరస్ బౌలింగ్తో కొత్త సంచలనం సృష్టిస్తున్నాడు. ఈసారి, గుజరాత్ టైటాన్స్ జట్టు తరపున ఆడుతున్న సిరాజ్, ప్రత్యర్థి బ్యాటర్లకు పరుగులు ఇవ్వడానికి వెనుకాడటంతో ‘డాట్ బాల్స్’ రారాజుగా నిలిచాడు.
డాట్ బాల్ సెంచరీ..
ప్రస్తుత ఐపీఎల్లో ఇప్పటివరకు అత్యధికంగా 109 డాట్ బాల్స్ వేసిన బౌలర్ల జాబితాలో సిరాజ్ అగ్రస్థానంలో ఉన్నాడు. అతను వేసిన 222 బంతుల్లో సగం బంతులకు ప్రత్యర్థి బ్యాట్స్మెన్ పరుగులు చేయడంలో విఫలమవ్వడం అతని కచ్చితత్వానికి నిదర్శనం.
సిరాజ్ ప్రదర్శన..
పవర్ప్లే ప్రభావం: సిరాజ్ పవర్ప్లే ఓవర్లలో అత్యుత్తమ బౌలింగ్ దాడిని నిర్వహిస్తున్నాడు. అతను ఇప్పటివరకు పవర్ప్లేలో ఓవర్కు సగటున కేవలం 6.00 పరుగులు మాత్రమే ఇచ్చాడు.
నిలకడ: గత 2025 సీజన్లో 151 డాట్ బాల్స్తో జాబితాలో అగ్రస్థానంలో నిలిచిన సిరాజ్, ఈసారి కూడా అదే ఫామ్ను కొనసాగిస్తున్నాడు.
ఇటీవలి మ్యాచ్: పంజాబ్ కింగ్స్తో జరిగిన మ్యాచ్లో, అతను 4 ఓవర్లలో కేవలం 28 పరుగులకే 2 కీలక వికెట్లు తీసి రాణించాడు. ఈ సమయంలో, అతను సరిగ్గా 11 డాట్ బాల్స్ వేశాడు.
ఈ 11 డాట్ బాల్స్తో, మహమ్మద్ సిరాజ్ ఐపీఎల్ 2026లో డాట్ బాల్ సెంచరీని పూర్తి చేశాడు. ఈ జాబితాలో అగ్రస్థానంలో ఉన్న రాజస్థాన్ రాయల్స్ పేసర్ జోఫ్రా ఆర్చర్, గుజరాత్ టైటాన్స్ పేసర్ కగిసో రబాడాలను కూడా అతను అధిగమించాడు.
డాట్ బాల్ బౌలర్ల జాబితా (మే 4, 2026 నాటికి):
మహమ్మద్ సిరాజ్ (గుజరాత్ టైటాన్స్): 109 డాట్ బాల్స్
జోఫ్రా ఆర్చర్ (రాజస్థాన్ రాయల్స్): 107 డాట్ బాల్స్
కాగిసో రబాడా (గుజరాత్ టైటాన్స్): 105 డాట్ బాల్స్
సిరాజ్ ఎన్ని వికెట్లు తీశాడు?
మహ్మద్ సిరాజ్ ఈ ఏడాది ఐపీఎల్లో ఇప్పటివరకు 10 మ్యాచ్లు ఆడాడు. అతను 37 ఓవర్లు బౌలింగ్ చేసి మొత్తం 11 వికెట్లు కూడా పడగొట్టాడు. ఇక్కడ వికెట్ల సంఖ్య తక్కువగా అనిపించినప్పటికీ, విశేషం ఏమిటంటే సిరాజ్ 222 బంతుల్లో 109 డాట్ బాల్స్ వేశాడు.
మరిన్ని క్రీడా వార్తల కోసం ఇక్కడ క్లిక్ చేయండి..