Delhi Capitals: ఢిల్లీ క్యాపిటల్స్ అదృష్టాన్ని మార్చేది వీళ్లే.. ఏకంగా రూ. 8.40 కోట్లతో కొనేశారుగా..!

Ipl 2026 Delhi Capitals

Delhi Capitals Uncapped Players: గత ఐపీఎల్ సీజన్ ప్రారంభంలో వరుసగా నాలుగు విజయాలతో దూసుకెళ్లిన ఢిల్లీ, ఆ తర్వాత తడబడి టోర్నీ నుంచి నిష్క్రమించింది. అయితే, 2026 మినీ వేలంలో కేఎల్ రాహుల్ వంటి స్టార్లను జట్టులోకి చేర్చుకోవడమే కాకుండా, దేశవాళీ క్రికెట్‌లో సత్తా చాటుతున్న యువ ఆటగాళ్ల కోసం భారీగా ఖర్చు చేసింది. ఢిల్లీ టీమ్ తలరాతను మార్చగల ఆ ముగ్గురు అన్‌క్యాప్డ్ స్టార్లు ఓసారి చూద్దాం..

1. అబిషేక్ పోరెల్: నిలకడ కోసం నిరీక్షణ..

బెంగాల్ కుర్రాడు అబిషేక్ పోరెల్‌పై ఢిల్లీ యాజమాన్యం మొదటి నుంచి ఎంతో నమ్మకం ఉంచింది. గత రెండు సీజన్లలో తన దూకుడుతో ఆకట్టుకున్న పోరెల్, ఈసారి మరింత పరిణతి చెందిన ఆటగాడిగా కనిపిస్తున్నాడు. కేఎల్ రాహుల్ వంటి దిగ్గజాల నీడలో ఉంటూనే, ఈ లెఫ్ట్ హ్యాండ్ బ్యాటర్ తన మెరుపు బ్యాటింగ్‌తో ప్రత్యర్థులను ఆశ్చర్యపరచడానికి సిద్ధమయ్యాడు. ఢిల్లీ ఇతడిని రిటైన్ చేసుకోవడం వెనుక ఉన్న బలమైన నమ్మకాన్ని ఈ సీజన్‌లో పోరెల్ నిజం చేయాల్సి ఉంది.

2. ఆకిబ్ నబీ: రూ. 8.40 కోట్ల సంచలనం..

ఈ ఏడాది వేలంలో అందరి దృష్టిని ఆకర్షించిన పేరు జమ్మూ కాశ్మీర్ పేసర్ ఆకిబ్ నబీ. ఏకంగా రూ. 8.40 కోట్లు వెచ్చించి ఢిల్లీ ఇతడిని సొంతం చేసుకుంది. బంతిని ఇరువైపులా స్వింగ్ చేయగల సామర్థ్యం, పవర్‌ప్లేలో ఖచ్చితమైన లైన్ అండ్ లెంగ్త్‌తో బౌలింగ్ చేయడం నబీ ప్రత్యేకత. కేవలం బంతితోనే కాకుండా, లోయర్ ఆర్డర్‌లో బ్యాట్‌తోనూ మెరుపులు మెరిపించగల ఆల్ రౌండ్ సామర్థ్యం ఇతడిని జట్టులో మోస్ట్ వాల్యూబుల్ ప్లేయర్‌గా నిలబెట్టింది.

3. అశుతోష్ శర్మ: నమ్మదగ్గ ఫినిషర్..

పంజాబ్ కింగ్స్ తరపున వెలుగులోకి వచ్చిన అశుతోష్ శర్మను ఢిల్లీ ఒడిసిపట్టుకుంది. గత సీజన్‌లో 160 స్ట్రైక్ రేట్‌తో 204 పరుగులు చేసిన అశుతోష్, ఢిల్లీ జట్టులో ‘ఫినిషర్’ పాత్రకు సరైన న్యాయం చేస్తున్నాడు. ముఖ్యంగా స్పిన్ బౌలింగ్‌ను ఎదుర్కోవడంలో అశుతోష్ మెరుగుపడటం ఢిల్లీకి కలిసొచ్చే అంశం. టాప్ ఆర్డర్ విఫలమైనా మ్యాచ్‌ను ముగించగల సత్తా ఇతని సొంతం.