Eng Vs Pak: ఈ ఇంగ్లాండ్ ఆటగాళ్ల ఊచకోత.. దెబ్బకు పాకిస్తాన్ డమాల్.. స్వదేశం చెత్త రికార్డు..
17 ఏళ్ల తర్వాత పాకిస్థాన్ గడ్డపై టెస్టు సిరీస్ ఆడేందుకు వెళ్లిన ఇంగ్లాండ్ క్రికెట్ జట్టు రావల్పిండి వేదికగా జరిగిన తొలి టెస్టులో..
England Vs Pakistan
17 ఏళ్ల తర్వాత పాకిస్థాన్ గడ్డపై టెస్టు సిరీస్ ఆడేందుకు వెళ్లిన ఇంగ్లాండ్ క్రికెట్ జట్టు రావల్పిండి వేదికగా జరిగిన తొలి టెస్టులో అద్భుత విజయాన్ని అందుకుంది. 74 పరుగుల తేడాతో ఆతిధ్య జట్టు పాకిస్థాన్ను స్వదేశంలో ఓడించడమే కాకుండా సిరీస్లో 1-0 ఆధిక్యాన్ని అందుకుంది. ఇక ఈ ఇంగ్లాండ్ విజయంలో ఆరుగురు ప్లేయర్స్ మ్యాచ్ విన్నర్స్గా నిలిచారు. మరి వారెవరో తెలుసుకుందాం..
వీరే మ్యాచ్ విన్నర్స్..
- ఇంగ్లాండ్ యువ బ్యాట్స్మెన్ హ్యారీ బ్రూక్ రెండు ఇన్నింగ్స్ల్లోనూ అద్భుతంగా బ్యాటింగ్ చేశాడు. తొలి ఇన్నింగ్స్లో 116 బంతుల్లో 19 ఫోర్లు, 5 సిక్సర్ల సాయంతో 153 పరుగులు బాదేశాడు. అలాగే రెండో ఇన్నింగ్స్లో, అతడు 65 బంతులు ఎదుర్కొని 11 ఫోర్లు, మూడు సిక్సర్లతో 87 పరుగులు చేశాడు. అతడి మెరుపు ఇన్నింగ్స్లు జట్టుకు మంచి స్కోర్ అందించడంలో తోడ్పడ్డాయి.
- జాక్ క్రౌలీ కూడా తొలి ఇన్నింగ్స్లో సెంచరీ, రెండో ఇన్నింగ్స్లో హాఫ్ సెంచరీ సాధించాడు. క్రాలీ తొలి ఇన్నింగ్స్లో 122 పరుగులు, రెండో ఇన్నింగ్స్లో 50 పరుగులు చేశాడు.
- బెన్ డకెట్, ఒలీ పోప్ తొలి ఇన్నింగ్స్లో సెంచరీలు చేశారు. బెన్ 107 పరుగులు, పోప్ 108 పరుగులు చేశారు. ఈ ఇన్నింగ్స్ల సహకారంతోనే ఇంగ్లండ్ జట్టు భారీ స్కోరు చేయగలిగింది.
- బౌలింగ్ విషయానికొస్తే, విల్ జాక్స్ తన మొదటి టెస్ట్ మ్యాచ్ ఆడుతుండగా, మొదటి ఇన్నింగ్స్లో ఆరు వికెట్లు పడగొట్టి పాకిస్తాన్ను కోలుకోలేని దెబ్బ తీశాడు.
- రెండో ఇన్నింగ్స్లో ఒలీ రాబిన్సన్, జేమ్స్ అండర్సన్ చెరో నాలుగు వికెట్ల తీసి ఇంగ్లాండ్ విజయంలో కీలక పాత్ర పోషించారు. డెడ్ పిచ్పై వీరిద్దరూ అద్భుతంగా బౌలింగ్ చేసి వికెట్లు తీశారు.