IPL 2024: ఇకపై చైనా బ్రాండ్లకు నో ఎంట్రీ.. భారీ షాకిచ్చిన బీసీసీఐ.. ఎందుకంటే?
IPL Title Rights: కాగా, బీసీసీఐ తన టెండర్లో భారత్తో సత్సంబంధాలు లేని ఏ దేశంతోనూ ఎలాంటి బిడ్డర్కు సంబంధం ఉండకూడదని రాసుకొచ్చింది. ఇటువంటి బిడ్డర్ ఎవరైనా ముందుకు వస్తే, అతను తన వాటాదారులకు సంబంధించిన మొత్తం సమాచారాన్ని బోర్డుకి ఇవ్వాల్సి ఉంటుంది. ఆ తర్వాత మాత్రమే బిడ్పై ఏదైనా నిర్ణయం తీసుకోబడుతుందని తెలిపింది.
IPL Title Rights: ఇండియన్ ప్రీమియర్ లీగ్ 2024 కోసం బీసీసీఐ సిద్ధమైంది. ఇటీవల దుబాయ్లో మినీ వేలం ముగిసింది. అక్కడ ఆటగాళ్లపై డబ్బుల వర్షం కురిపించింది. ఇప్పుడు బీసీసీఐ మరో కీలక నిర్ణయం తీసుకుంది. IPL 2024 కోసం టైటిల్ స్పాన్సర్ కోసం అన్వేషణ కొనసాగుతోంది. ఈసారి BCCI టైటిల్ స్పాన్సర్షిప్ కోసం చైనాను నిషేధించడానికి సిద్ధమవుతోంది. ఇటీవలి కాలంలో భారత్తో మంచి సంబంధాలు లేకపోవడమే ఇందుకు కారణంగా నిలిచింది.
క్రిక్బజ్ నివేదిక ప్రకారం, ఐపీఎల్ టైటిల్ స్పాన్సర్షిప్ కోసం బీసీసీఐ వేసిన టెండర్లో భారత్తో స్నేహపూర్వక సంబంధాలు లేని దేశాలకు ప్రాధాన్యత ఇవ్వమని స్పష్టంగా పేర్కొంది.
టైటిల్ స్పాన్సర్షిప్కు బేస్ ప్రైస్ ఏడాదికి రూ.360 కోట్లుగా పేర్కొంది. ఆ తర్వాత బిడ్ ఆధారంగా టెండర్ ఇవ్వబడుతుంది. ఇంతకుముందు, చైనీస్ ఫోన్ కంపెనీ వివో ఐపీఎల్కు స్పాన్సర్గా ఉంది. అయితే 2020 సంవత్సరంలో ఇండియా-చైనా సరిహద్దులో పరిస్థితి క్షీణించినప్పుడు, వివోను తొలగించాలని బీసీసీఐ నిర్ణయించింది. టాటా ఒక సంవత్సరం టైటిల్ స్పాన్సర్గా ఉంది.
టెండర్లో బీసీసీఐ ఏం చెప్పిందంటే?
కాగా, బీసీసీఐ తన టెండర్లో భారత్తో సత్సంబంధాలు లేని ఏ దేశంతోనూ ఎలాంటి బిడ్డర్కు సంబంధం ఉండకూడదని రాసుకొచ్చింది. ఇటువంటి బిడ్డర్ ఎవరైనా ముందుకు వస్తే, అతను తన వాటాదారులకు సంబంధించిన మొత్తం సమాచారాన్ని బోర్డుకి ఇవ్వాల్సి ఉంటుంది. ఆ తర్వాత మాత్రమే బిడ్పై ఏదైనా నిర్ణయం తీసుకోబడుతుందని తెలిపింది.
ఇది మాత్రమే కాదు, ఫాంటసీ గేమ్స్, క్రిప్టోకరెన్సీ, బెట్టింగ్లకు సంబంధించిన కంపెనీలను కూడా బోర్డు నిషేధించింది. ఇది మాత్రమే కాదు, క్రీడలకు సంబంధించిన దుస్తులను తయారు చేయడంలో చురుకుగా ఉన్న కంపెనీలు టైటిల్ స్పాన్సర్షిప్ కోసం వేలం వేయలేవు. టైటిల్ స్పాన్సర్షిప్ కాంట్రాక్ట్ ఐదేళ్లపాటు ఉంటుంది. ఈ కాంట్రాక్ట్ IPL 2024 నుంచి IPL 2029 వరకు ఉంటుంది.
మరిన్ని క్రీడా వార్తల కోసం ఇక్కడ క్లిక్ చేయండి..