Asia Cup 2025 : ఆసియా కప్ రికార్డుల్లో పాకిస్థాన్ టాప్… మరి మన ఇండియా పరిస్థితి ఏంటి భయ్యా ?
ఆసియా కప్లో ఎప్పుడూ భారత్, శ్రీలంకల ఆధిపత్యం కొనసాగింది. కానీ, ఈ టోర్నమెంట్లో అత్యధిక పరుగుల తేడాతో గెలిచిన రికార్డు మాత్రం పాకిస్థాన్ పేరిట ఉంది. మరి మన భారత్ ఏ స్థానంలో ఉంది? ఈ టోర్నమెంట్లో అతిపెద్ద విజయాలు సాధించిన జట్లు ఏవి? వివరంగా ఈ వార్తలో తెలుసుకుందాం.
Asia Cup 2025 : ఆసియా కప్ చరిత్రలో భారత్, శ్రీలంక ఆధిపత్యం ఎప్పుడూ కొనసాగుతూనే ఉంది. భారత్ ఎనిమిది సార్లు, శ్రీలంక ఆరు సార్లు ఈ టైటిల్ను గెలుచుకున్నాయి. ఇప్పటివరకు ఈ టోర్నమెంట్ 16 సార్లు జరిగింది, ఇందులో టీ20 ఫార్మాట్ను రెండుసార్లు ఉపయోగించారు. ఇప్పుడు 2025 ఎడిషన్ మూడోసారి టీ20 ఫార్మాట్లో జరగబోతోంది. ఈ సందర్భంగా టీ20 ఆసియా కప్ చరిత్రలో అతిపెద్ద విజయాల గురించి తెలుసుకుందాం.
టీ20లో అతిపెద్ద విజయం పాకిస్తాన్ది
టీ20 ఫార్మాట్లో ఆసియా కప్లో అతిపెద్ద విజయం రికార్డు పాకిస్తాన్ పేరిట ఉంది. 2022లో పాకిస్తాన్, హాంకాంగ్ను 155 పరుగుల తేడాతో ఓడించింది. ఈ జాబితాలో భారత్ రెండో స్థానంలో ఉంది. అదే ఏడాది అఫ్గానిస్థాన్ను భారత్ 101 పరుగుల తేడాతో ఓడించింది. టీ20 ఏషియా కప్లో 100 పరుగుల కన్నా ఎక్కువ తేడాతో గెలిచిన మ్యాచ్లు ఈ రెండే.
టాప్ 5 టీ20 ఆసియా కప్ విజయాలు:
పాకిస్తాన్ వర్సెస్ హాంకాంగ్: పాకిస్తాన్ 155 పరుగుల తేడాతో గెలుపు (2022)
భారత్ వర్సెస్ అఫ్గానిస్థాన్: భారత్ 101 పరుగుల తేడాతో గెలుపు (2022)
యూఏఈ వర్సెస్ ఒమన్: యూఏఈ 71 పరుగుల తేడాతో గెలుపు (2016)
అఫ్గానిస్థాన్ వర్సెస్ హాంకాంగ్: అఫ్గానిస్థాన్ 66 పరుగుల తేడాతో గెలుపు (2016)
బంగ్లాదేశ్ వర్సెస్ యూఏఈ: బంగ్లాదేశ్ 51 పరుగుల తేడాతో గెలుపు (2016)
ఇతర ముఖ్యమైన విజయాలు:
భారత్ వర్సెస్ బంగ్లాదేశ్: భారత్ 45 పరుగుల తేడాతో గెలుపు.
భారత్ వర్సెస్ హాంకాంగ్: భారత్ 40 పరుగుల తేడాతో గెలుపు.
బంగ్లాదేశ్ వర్సెస్ శ్రీలంక: బంగ్లాదేశ్ 23 పరుగుల తేడాతో గెలుపు.
శ్రీలంక వర్సెస్ పాకిస్తాన్: శ్రీలంక 23 పరుగుల తేడాతో గెలుపు.
యూఏఈ వర్సెస్ అఫ్గానిస్థాన్: యూఏఈ 16 పరుగుల తేడాతో గెలుపు.
వన్డే ఆసియా కప్లో రికార్డు
వన్డే ఫార్మాట్లో అతిపెద్ద విజయం రికార్డు భారత్ పేరిట ఉంది. 2008లో భారత్, హాంకాంగ్ను 256 పరుగుల తేడాతో ఓడించింది. వన్డే ఏషియా కప్ చరిత్రలో 250+ పరుగుల తేడాతో గెలిచిన ఏకైక మ్యాచ్ ఇదే.
భారత్ వర్సెస్ పాకిస్తాన్ హెడ్ టు హెడ్ రికార్డు
ఆసియా కప్ చరిత్రలో భారత్, పాకిస్తాన్ జట్లు ఇప్పటివరకు 19 సార్లు తలపడ్డాయి. ఇందులో భారత్ 10 మ్యాచ్లలో గెలవగా, పాకిస్తాన్ 6 మ్యాచ్లలో గెలిచింది. మిగతా మ్యాచ్లు ఫలితం లేకుండా ముగిశాయి. ఈ రెండు జట్ల మధ్య జరిగే మ్యాచ్ను అభిమానులు అత్యంత ఉత్కంఠగా చూస్తారు.
మరిన్ని క్రికెట్ వార్తల కోసం ఇక్కడ క్లిక్ చేయండి..