వన్డే క్రికెట్ హిస్టరీలోనే తోపు మ్యాచ్.. చివరి బంతి వరకు ఉత్కంఠే.. మైండ్లోంచి పోవట్లే భయ్యా..!
ఆస్ట్రేలియా (Australia), జింబాబ్వే (Zimbabwe) జట్ల మధ్య జరిగిన చివరి వన్డే మ్యాచ్ చివరి బంతి వరకు ఉత్కంఠను రేకెత్తించింది. కేవలం ఒక్క వికెట్ తేడాతో ఆసీస్ విజయం సాధించగా, ఈ రసవత్తర పోరు చూసిన క్రీడాభిమానులు సోషల్ మీడియా వేదికగా తమ ఆనందాన్ని వ్యక్తం చేశారు.
Australia vs Zimbabwe: హరారే వేదికగా ముగిసిన మూడు వన్డేల సిరీస్లో ఆఖరి మ్యాచ్ ఎంతో రోమాంచితంగా సాగింది. ముందుగా బ్యాటింగ్ చేసిన జింబాబ్వే జట్టు నిర్ణీత ఓవర్లలో 271 పరుగులు సాధించింది. ఇన్నోసెంట్ కైయా, క్రెయిగ్ ఎర్విన్, కెప్టెన్ సికందర్ రజా అర్ధశతకాలతో రాణించి తమ జట్టుకు గౌరవప్రదమైన స్కోరును అందించారు. ఈ లక్ష్య ఛేదనలో ఆస్ట్రేలియా జట్టు ఆరంభంలోనే రెండు వికెట్లు కోల్పోయి కష్టాల్లో పడింది. ఆ సమయంలో క్రీజులోకి వచ్చిన జోష్ ఇంగ్లిస్ (Josh Inglis) అద్భుతమైన శతకంతో జట్టును ఆదుకున్నాడు. కెరీర్లో రెండో వన్డే సెంచరీ నమోదు చేసిన ఆయన ఒకవైపు వికెట్లు పడుతున్నప్పటికీ పట్టుదలగా ఆడాడు. ఆయన వెనుదిరిగే సమయానికి ఆసీస్ విజయానికి ఇంకా నలభై ఐదు పరుగులు అవసరమయ్యాయి.
చివరి వికెట్ పతనమైన దశలో క్రీజులోకి వచ్చిన నాథన్ ఎల్లిస్ (Nathan Ellis) అద్భుతమైన పోరాటపటిమ కనబరిచాడు. అంతకుముందు బౌలింగ్లో మూడు వికెట్లు తీసిన ఈ పేసర్, బ్యాటింగ్లో అజేయంగా 36 పరుగులు చేశాడు. నంబర్ 11 బ్యాటర్ స్పెన్సర్ జాన్సన్తో కలిసి 27 పరుగుల కీలక భాగస్వామ్యాన్ని నెలకొల్పి జట్టును విజయ తీరాలకు చేర్చాడు. చివరి ఓవర్లో గెలుపునకు 9 పరుగులు అవసరం కాగా, కెప్టెన్ సికందర్ రజా బంతిని మాధేవరే చేతికి ఇచ్చాడు. తొలి బంతికే సిక్స్ బాదిన ఆస్ట్రేలియా, చివరకు ఒక బంతి మిగిలి ఉండగానే ఒక్క వికెట్ తేడాతో విజయం సాధించి సిరీస్ను క్లీన్ స్వీప్ చేసింది. ఈ మ్యాచ్లో ఆల్రౌండ్ ప్రదర్శన కనబరిచిన నాథన్ ఎల్లిస్ సిరీస్ మొత్తం తొమ్మిది వికెట్లు పడగొట్టి లీడింగ్ వికెట్ టేకర్గా నిలిచాడు. జింబాబ్వే జట్టు ప్రదర్శనను ప్రశంసిస్తూ నెటిజన్లు సోషల్ మీడియాలో పోస్టులు పెడుతున్నారు.
Australia have No King, No Prince, No Hitman, No Spiderman, No Shaktimaan kind of nonsense in their team.
Australia even with their limited resources find ways to game of cricket which is what makes the team to be envied and feared!
Well done Nathan Ellis and Australian Team on… pic.twitter.com/8edMWYPSwi
— Troll cricket unlimitedd (@TUnlimitedd) September 20, 2026
మరిన్ని క్రికెట్ వార్తల కోసం ఇక్కడ క్లిక్ చేయండి..