RCB vs PBKS Final: అనుష్క శర్మ హార్ట్ బ్రేక్.. కోహ్లీ ఔట్‌తో ఏం చేసిందంటే?

Virat Kohli Anushka Sharma Ipl 2025 Rcb Vs Pbks

Royal Challengers Bengaluru vs Punjab Kings, Final: అహ్మదాబాద్‌లోని నరేంద్ర మోదీ స్టేడియం వేదికగా జరుగుతున్న ఐపీఎల్ 2025 ఫైనల్ మ్యాచ్‌లో రాయల్ ఛాలెంజర్స్ బెంగళూరు (RCB) వర్సెస్ పంజాబ్ కింగ్స్ (PBKS) జట్లు తలపడుతున్నాయి. ఈ ఉత్కంఠభరితమైన పోరులో ఆర్‌సీబీ కీలక బ్యాటర్ విరాట్ కోహ్లీ 43 పరుగుల వద్ద ఔటవ్వడం అభిమానులను తీవ్ర నిరాశకు గురిచేసింది. ముఖ్యంగా, స్టేడియంలో మ్యాచ్ వీక్షిస్తున్న విరాట్ కోహ్లీ సతీమణి, ప్రముఖ బాలీవుడ్ నటి అనుష్క శర్మ, కోహ్లీ వికెట్ కోల్పోయిన తీరు చూసి తీవ్ర భావోద్వేగానికి గురయ్యారు. ఆమె హృదయం బద్దలైనట్లుగా, నిశ్చేష్టురాలిగా కనిపించింది.

ఫైనల్ మ్యాచ్ ఒత్తిడి స్పష్టంగా కనిపిస్తున్న వేళ, విరాట్ కోహ్లీ ఆర్‌సీబీ ఇన్నింగ్స్‌ను చక్కదిద్దే ప్రయత్నం చేశాడు. అయితే, తన ఇన్నింగ్స్‌లో కొన్ని చక్కటి బౌండరీలు కొట్టినప్పటికీ, పూర్తి ఆధిపత్యం ప్రదర్శించడంలో కాస్త తడబడినట్లు కనిపించాడు. కీలక సమయంలో, పంజాబ్ బౌలర్ అజ్మతుల్లా ఒమర్జాయ్ బౌలింగ్‌లో అతడికే క్యాచ్ ఇచ్చి కోహ్లీ (35 బంతుల్లో 43 పరుగులు, 3 ఫోర్లు) పెవిలియన్ చేరాడు.

కోహ్లీ ఔటైన వెంటనే కెమెరాలు అనుష్క శర్మ వైపు తిరిగాయి. ఆమె ముఖంలో తీవ్రమైన నిరాశ, బాధ స్పష్టంగా కనిపించాయి. ఆర్‌సీబీ జట్టుకు కోహ్లీ ఎంత కీలకమో తెలిసిన అనుష్క, ఈ కీలక సమయంలో అతను ఔటవ్వడంతో కొద్దిసేపు దిగ్భ్రాంతికి గురైనట్లుగా కనిపించింది. ఆమె కళ్లలో నీళ్లు తిరిగాయని, పెదాలపై మాట కరువైందని నెటిజన్లు కామెంట్లు చేస్తున్నారు. ప్రతి కీలక మ్యాచ్‌లోనూ భర్తకు మద్దతుగా నిలిచే అనుష్క, ఈసారి కూడా ఎంతో ఆశతో మ్యాచ్ వీక్షించడానికి వచ్చారు. అయితే, కోహ్లీ అనుకున్నంత స్థాయిలో రాణించకపోవడంతో ఆమెతో పాటు కోట్లాది ఆర్‌సీబీ అభిమానులు కూడా నిరాశ చెందారు. కోహ్లీ ఔట్ ఆర్‌సీబీ ఇన్నింగ్స్‌పై తీవ్ర ప్రభావం చూపించింది.

190కే పరిమితమైన ఆర్‌సీబీ..

టాస్ ఓడి ముందుగా బ్యాటింగ్ చేసిన ఆర్‌సీబీ 20 ఓవర్లలో 9 వికెట్లు కోల్పోయి 190 పరుగులు చేసింది. దీంతో పంజాబ్ కింగ్స్‌కు 191 పరుగుల టార్గెట్ అందించింది. జితేష్ వేగంగా బ్యాటింగ్ చేసి 10 బంతుల్లో 240 స్ట్రైక్ రేట్‌తో 24 పరుగులు చేశాడు. పంజాబ్ తరపున కైల్ జామిసన్ 3 వికెట్లు, అర్ష్‌దీప్ 3 వికెట్లు పడగొట్టాడు. చివరి ఓవర్‌లో అర్ష్‌దీప్ మూడు వికెట్లు పడగొట్టాడు.