AFG vs SL: లంకకు భారీ షాక్.. మూడో విజయంతో సెమీ ఫైనల్ రేసులో ఆఫ్గాన్..
ప్రపంచకప్‌ 2023లో ఆఫ్ఘనిస్తాన్ మూడో విజయం సాధించింది. సోమవారం జరిగిన మ్యాచ్‌లో ఆ జట్టు 1996 ప్రపంచ చాంపియన్ శ్రీలంకపై 7 వికెట్ల తేడాతో విజయం సాధించింది. ఈ సీజన్‌లో ఇప్పటివరకు 3 మాజీ ఛాంపియన్ జట్లను ఆఫ్ఘనిస్తాన్ ఓడించింది. అంతకుముందు ఆ జట్టు పాకిస్థాన్‌, ఇంగ్లండ్‌లను కూడా ఓడించింది. ఇప్పుడు ఆఫ్ఘనిస్తాన్ 6 మ్యాచ్‌లలో 6 పాయింట్లను కలిగి ఉంది . ఆ జట్టు సెమీ-ఫైనల్ రేసులో నిలిచింది.
Updated on: Oct 31, 2023 | 6:01 AM
ఇప్పుడు ఆఫ్ఘనిస్తాన్ 6 మ్యాచ్‌లలో 6 పాయింట్లను కలిగి ఉంది . ఆ జట్టు సెమీ-ఫైనల్ రేసులో నిలిచింది. మరోవైపు, ఈ ఓటమితో శ్రీలంక జట్టు దాదాపు టాప్-4 రేసు నుంచి నిష్క్రమించింది. 6 మ్యాచ్‌ల్లో ఆజట్టుకు 4 పాయింట్లు మాత్రమే ఉన్నాయి.
పూణె మైదానంలో జరుగుతున్న ఈ మ్యాచ్‌లో అఫ్గానిస్థాన్ టాస్ గెలిచి ముందుగా బౌలింగ్ ఎంచుకుంది. తొలుత బ్యాటింగ్ చేసిన టీమిండియా 49.3 ఓవర్లలో 241 పరుగులకు ఆలౌటైంది. అనంతరం అఫ్గానిస్థాన్ 45.2 ఓవర్లలో 3 వికెట్లు కోల్పోయి విజయం సాధించింది.
View this post on Instagram
ఆఫ్ఘనిస్థాన్‌లో రహ్మత్ షా (62 పరుగులు), కెప్టెన్ హష్మతుల్లా షాహిదీ (58 పరుగులు), అజ్మతుల్లా ఒమర్జాయ్ (73), ఓపెనర్ ఇబ్రహీం జద్రాన్ (39 పరుగులు) ముఖ్యమైన ఇన్నింగ్స్‌లు ఆడారు. అంతకు ముందు ఫజల్‌హాక్ ఫరూఖీ 4 వికెట్లు, ముజీబ్ ఉర్ రెహ్మాన్ 2 వికెట్లు తీశారు.
సెమీ ఫైనల్ రేసులో ఆఫ్ఘనిస్తాన్..
శ్రీలంకపై ఈ విజయంతో అఫ్గానిస్థాన్ జట్టు పాయింట్ల పట్టికలో 5వ స్థానానికి ఎగబాకింది. ఆడిన 6 మ్యాచ్‌ల్లో 3 విజయాలు నమోదు చేసిన అఫ్ఘాన్ జట్టుకు మరో 3 మ్యాచ్‌లు మిగిలి ఉన్నాయి. ఈ మ్యాచ్‌ల్లో విజయం సాధించడం ద్వారా సెమీ ఫైనల్‌కు చేరుకునే అవకాశం ఉంది.
ఇక్కడ ఆఫ్ఘనిస్తాన్ జట్టు తదుపరి ప్రత్యర్థులు నెదర్లాండ్స్, ఆస్ట్రేలియా, దక్షిణాఫ్రికా. ఇప్పటికే పటిష్టమైన ఇంగ్లండ్, పాక్ జట్ల చేతిలో ఓడిపోయిన అఫ్గాన్ జట్టు తదుపరి మ్యాచ్ ల్లో గెలిచి సెమీఫైనల్ కు చేరుకుంటుందో లేదో వేచి చూడాలి.
ఆఫ్ఘనిస్తాన్ (ప్లేయింగ్ XI): రహ్మానుల్లా గుర్బాజ్, ఇబ్రహీం జద్రాన్, రహ్మత్ షా, హష్మతుల్లా షాహిదీ (కెప్టెన్), అజ్మతుల్లా ఒమర్జాయ్, ఇక్రమ్ అలీఖిల్ (వికెట్ కీపర్), మహ్మద్ నబీ, రషీద్ ఖాన్, ముజీబ్ ఉర్ రహమాన్, నవీన్-ఉల్-హక్వీన్, ఫూల్-హకీ.
శ్రీలంక (ప్లేయింగ్ XI): పాతుమ్ నిస్సాంక, కుసల్ పెరీరా, కుసల్ మెండిస్ (కెప్టెన్), సదీర సమరవిక్రమ, చరిత్ అసలంక, ధనంజయ డి సిల్వా, ఏంజెలో మాథ్యూస్, మహిష్ థిక్షన్, కసున్ రజిత, దుష్మంత చమీర, దిల్షన్ మధుశంక.
మరిన్ని క్రీడా వార్తల కోసం ఇక్కడ క్లిక్ చేయండి..
