Abhishek Sharma: 18 బంతుల్లో హాఫ్ సెంచరీ.. దుమ్మురేపిన అభిషేక్

Abhishek Sharma scores 18-ball fifty ఆదివారం అహ్మదాబాద్‌లో న్యూజిలాండ్‌తో జరిగిన టీ20 ప్రపంచ కప్ 2026 ఫైనల్లో భారత ఓపెనర్ అభిషేక్ శర్మ 18 బంతుల్లో అర్ధశతకం సాధించాడు . దీంతో భారత్ భారీ స్కోర్ దిశగా దూసుకు వెళ్లోంది.

Abhishek Sharma Sanju Samson

Venkata Chari |
Updated on: Mar 08, 2026 | 7:57 PM

టీ20 వరల్డ్ కప్ 2026 ఫైనల్‌లో భారత ఓపెనర్ అభిషేక్ శర్మ అద్భుత ప్రదర్శనతో ప్రేక్షకులను ఉర్రూతలూగించాడు. న్యూజీలాండ్‌పై జరిగిన కీలక మ్యాచ్‌లో అతడు కేవలం 18 బంతుల్లోనే అర్ధశతకం సాధించి చరిత్ర సృష్టించాడు. ఈ ఇన్నింగ్స్‌తో భారత జట్టుకు ప్రారంభంలోనే భారీ ఆధిక్యం తీసుకొచ్చాడు.

అహ్మదాబాద్‌లో జరిగిన ఈ ఫైనల్ మ్యాచ్‌లో అభిషేక్ శర్మ దూకుడైన బ్యాటింగ్‌తో కివీస్ బౌలర్లపై ఒత్తిడి తీసుకొచ్చాడు. అతడు తన ఇన్నింగ్స్‌లో 6 ఫోర్లు, 3 సిక్సర్లు బాది వేగంగా పరుగులు సాధించాడు.

ఈ అర్ధశతకం టీ20 వరల్డ్ కప్ చరిత్రలో మూడో వేగవంతమైన హాఫ్ సెంచరీలకు సమానంగా నిలిచింది. అంతేకాదు, ఈ టోర్నమెంట్‌లో నాకౌట్ మ్యాచ్‌లో నమోదైన అత్యంత వేగవంతమైన హాఫ్ సెంచరీగా రికార్డు సృష్టించింది.

భారత ఆటగాళ్లలో చూస్తే, టీ20 వరల్డ్ కప్‌లో అభిషేక్ కంటే వేగంగా అర్ధశతకం చేసిన ఆటగాడు ఒక్కరే. 2007 టీ20 వరల్డ్ కప్‌లో ఇంగ్లాండ్‌పై యువరాజ్ సింగ్ 12 బంతుల్లో హాఫ్ సెంచరీ సాధించి ప్రపంచ రికార్డు నెలకొల్పాడు.

అద్భుతంగా ఆడుతున్న అభిషేక్ శర్మ చివరకు 52 పరుగుల వద్ద రచిన్ రవీంద్ర బౌలింగ్‌లో ఔటయ్యాడు. అయినప్పటికీ అతని వేగవంతమైన ఇన్నింగ్స్ ఫైనల్ మ్యాచ్‌లో భారత్‌కు బలమైన ప్రారంభాన్ని అందించింది.