Ugadi 2025: ఉగాది రోజున ఏ టైంలో వేప పువ్వు పచ్చడి తినాలి? ఏ పనులు చేయడం శుభప్రదం.. ఏమి చేయకూడదో తెలుసా..

Ugadi 2025

ఉగాది అంటే నక్షత్ర గమనం… యుగం ప్రారంభమైన రోజు.. యుగాది కాలక్రమంలో ఉగాదిగా మారింది. ఈ ఉగాదితోనే తెలుగు సంవత్సరం మొదలు అవుతుంది. ఒకొక్క తెలుగు సంవత్సరాన్ని ఒకొక్క పేరుతో పిలుస్తారు. ఆ సంవత్సరాన్ని అదే పేరుతో పిలుస్తారు. ఇప్పుడు క్రోధినామ సంవత్సరం జరుగుతుంది. ఈ సంవత్సరం మార్చి 29న ముగుస్తుంది. అదే సమయంలో కొత్త సంవత్సరం శ్రీ విశ్వావసు నామ సంవత్సరం మార్చి 30 నుంచి మొదలు కానుంది. ఈ ఉగాది పండగను తెలుగు రాష్ట్రాల ప్రజలు మాత్రమే కాదు ప్రపంచ వ్యాప్తంగా ఉన్న తెలుగువారు అందరూ సంప్రదాయంగా జరుపుకుంటారు. ఈ రోజు ఉగాది పండగ రోజున పూజ ఏ సమయంలో చేయాలి? ఉగాది రోజున ఏ పనులు చేయాలి? ఏ పనులు చేయకూడదు ఈ రోజు తెలుసుకుందాం..

చైత్ర శుద్ధ పాడ్యమి తిధి 2025 మార్చి 30వ తేదీ ఆదివారం రోజున ఉగాది పండగను జరుపుకోనున్నారు. ఈ రోజు తెలుగు నూతన సంవత్సరాది ఉగాది.. శ్రీ విశ్వావసు నామ సంవత్సరం మొదలు కానుంది. ఈ రోజున ఉగాది పండగ సందర్భంగా ఉదయం 5 గంటల నుంచి 7.30 గంటల వరకు పూజ చేసుకునేందుకు శుభ సమయం. అంతేకాదు ఉదయం 9 గం.నుంచి 11.30 గం. కొత్త బట్టలు ధరించి.. యజ్ఞోపవీత ధారణ చేయవచ్చు. అంతేకాదు ఈ సముయం ఉగాది పచ్చడి తినడానికి శుభ సమయం అని చెబుతున్నారు పండితులు.

ఉగాది రోజున ఏదైనా కొత్త వస్తువు కొనడం శుభప్రదం అని కొందరు భావిస్తారు. ఈ నేపధ్యంలో ఉగాది రోజున ఉదయం 9 గం. నుంచి సాయంత్రం 3 గం. మధ్యలో పసుపు, బెల్లం, చింతపండు, బంగారం, వెండి మొదలైన శుభకరమైన వస్తువులను కొనుగోలు చేయవచ్చు.

ఉగాది రోజున ఏ పనులు చేయడం శుభప్రదం అంటే

1. ఉగాది రోజును శుభప్రదంగా పరిగణిస్తారు.. కనుక ముందు రోజే ఇంటిని శుభ్రం చేసుకోవాలి.
2. ఉగాది రోజున తెల్లవారు జామునే అంటే బ్రాహ్మి ముహూర్తంలో నిద్ర లేవాలి
3. ఇంటిని శుభ్రం చేసి కాలకృత్యాలు తీర్చుకోవాలి. ఇంటి ముందు ముగ్గు వేయాలి
4. అభ్యంగ స్నానం చేయాలి. అంటే నువ్వుల నూనెతో నలుగు పెట్టుకుని కుంకుడు కాయలతో తలకు స్నానం చేయాలి.
5. కొత్త బట్టలు మంగళకరం.. కనుక కొత్త బట్టలను ధరించాలి. నుదుట బొట్టుని పెట్టుకోవాలి.
6. ఇంటి గుమ్మాలకు వేప కొమ్మలు, మామిడి ఆకులతో తోరణాలు కట్టాలి. ఇంటిపై
7. దేవుడికి పూజ చేసి వేప పువ్వుతో చేసిన వేప పువ్వు పచ్చడిని తినాలి.

ఉగాది పర్వదినాన పొరపాటున కూడా చేయకూడని పనులు

ఉగాది పండగ అంటే ఒక సెంటిమెంట్.. ఈ రోజు ఎలా గడుస్తుందో.. అదే విధంగా ఏడాది మొత్తం ఉంటుందని ఓ నమ్మకం. కనుక ఉగాది రోజున కొన్ని పనులు చేయకూడదు. లేదంటే దురదృష్టం వెంటాడుతుందని పండితులు చెబుతున్నారు..

1. ఉగాది ముందు రోజు సాయంత్రం పొరపాటున కూడా ఇంటిని శుభ్రం చేసి చెత్తను ఇంటి నుంచి బయటకు వేయవద్దు. ఇలా చేయడం వలన సంపద బయటకు పోతుందని నమ్మకం.
2. ఉగాది రోజున పొరపాటున కూడా ఇతరులతో గొడవలు, వాగ్వాదాలు చేయవద్దు.
3. అప్పుడు ఇవ్వడం లేదా అప్పులు తీసుకోవడం వంటి పనులు కూడా చేయవద్దు.
4. ఉగాది రోజున తామసిక ఆహారం తీసుకోవద్దు. మాంసాహారం తినొద్దు, మద్యం సేవించవద్దు.
5. జుట్టు కత్తిరించడం లేదా గోళ్లు కత్తిరించడం కూడా మంచిది కాదు.
6. ఉగాది రోజున చినిగిన దుస్తులు దరించ వద్దు.

మరిన్ని ఆధ్యాత్మిక వార్తల కోసం ఇక్కడ క్లిక్ చేయండి

నోట్ : ఈ వార్తలలో ఇవ్వబడిన సమాచారం మత విశ్వాసాలపై ఆధారపడి ఉంది. పాఠకుల ఆసక్తి మేరకు.. పలువురు పండితుల సూచనలు, వారి తెలిపిన అంశాల ఆధారంగా అందించినవి మాత్రమే.. వీటిలో ఎలాంటి శాస్త్రీయ ఆధారాలు లేవని పాఠకులు గమనించాలి. టీవీ9 తెలుగు దీనిని ధృవీకరించలేదు