కుంభ సంక్రాంతి నాడు ఇలా చేస్తే అదృష్టం..! ఈ తప్పులు మాత్రం అస్సలు చేయొద్దు

Kumbha Sankranti 2026

జ్యోతిషశాస్త్రం, హిందూ మతంలో సంక్రాంతికి ప్రత్యేక ప్రాముఖ్యత ఉంది. సూర్యుడు ఒక రాశి నుంచి మరొక రాశిలోకి మారే రోజును సంక్రాంతి అంటారు. ఫిబ్రవరి 13, 2026న సూర్యుడు మకర రాశి నుంచి కుంభ రాశిలోకి ప్రవేశిస్తాడు. దీన్ని కుంభ సంక్రాంతి అని పిలుస్తారు. ఈ రోజు దానధర్మాలు, పవిత్ర నదిలో స్నానం వంటి కార్యాలు ఎంతో శుభంగా భావిస్తారు. కానీ కొన్ని పనులు గ్రంథాల ప్రకారం అశుభంగా కూడా ఉంటాయి. కుంభ సంక్రాంతి నాడు ఏమి చేయాలో, ఏమి చేయకూడదో తెలుసుకుందాం.

కుంభ సంక్రాంతి నాడు ఏమి చేయకూడదు?

సంక్రాంతి సమయంలో సూర్యశక్తిలో మార్పు ఉంటుంది అని నమ్ముతారు, అందుకే కొన్ని పనులు నిషేధం:

తామస ఆహారాలు తినకండి

ఈ రోజున మాంసం, మద్యం, ఉల్లిపాయ, వెల్లుల్లి వంటి తామస ఆహారాలు తినడం మంచిది కాదు. ఇలా చేస్తే పుణ్య ఫలితాలు తగ్గిపోతాయని భావిస్తారు.

కొత్త పనిని ప్రారంభించవద్దు

సంక్రాంతి పరివర్తన సమయంలో పెద్ద పెట్టుబడి, కొత్త వ్యాపారం, కొత్త ప్రాజెక్ట్ మొదలుపెట్టకండి.

కోపం, చెడ్డ మాటలు మానుకోండి

ఈ రోజు ఎవరికైనా అవమానించడం, గొడవలు చేయడం తప్పు.
మీ మాటలు నియంత్రించుకోవడం చాలా ముఖ్యం.

4. ఆలస్యంగా నిద్రపోకండి

సూర్యోదయం తర్వాత ఆలస్యంగా నిద్రపోవడం అశుభంగా భావిస్తారు. ఇది జాతకంలో సూర్యుడిని బలహీనంగా చేస్తుందని నమ్ముతారు.

5. స్నానం చేయకుండా ఉండకండి

ఈ రోజున స్నానం చేయకపోవడం కూడా అశుభం. ఉదయం లేచి పవిత్ర నదిలో లేదా ఇంట్లో గంగా నీటితో స్నానం చేయడం శుభం.

6. పేదవాడిని అవమానించొద్దు

ఖాళీ చేతులతో వచ్చే బిచ్చగాడిని లేదా పేదవాడిని అవమానించొద్దు. అలా చేయడం వల్ల పితృదోషం వచ్చే అవకాశం ఉంటుంది.

శుభప్రదంగా ఉండాలంటే ఏమి చేయాలి?

దానం చేయడం.. ఈ రోజు నువ్వులు, బెల్లం, బట్టలు, ధాన్యాలు దానం చేయడం చాలా శుభం. సూర్య భగవానుని పూజ.. ఓం సూర్యాయ నమః మంత్రాన్ని జపించి, రాగి కుండలో నీటిని నింపి సమర్పించడం మంచిది. గోసేవ.. ఈ రోజున ఆవుకు పచ్చి మేత లేదా బెల్లం తినిపించడం శుభంగా భావిస్తారు.

(Disclaimer : ఈ వార్తలోని సమాచారం మత విశ్వాసాలపై ఆధారపడి ఉంది. దీనిని టీవీ9 తెలుగు ధృవీకరించదు.)