కరోనా భయం.. స్పిరిట్యువల్ ఈవెంట్ రద్దు చేసుకున్న పోప్ ఫ్రాన్సిస్

ఇరాన్, ఇటలీ తదితర దేశాలను వణికిస్తున్న కరోనా.. ఇప్పుడు వాటికన్ సిటీని కూడా తాకినట్టు కనిపిస్తోంది. ఇక్కడ పోప్ ఫ్రాన్సిస్ విపరీతమైన దగ్గు, జలుబుతో బాధ పడుతుండడంతో తాను పాల్గొనవలసిన ఓ ఆధ్యాత్మిక కార్యక్రమాన్ని రద్దు చేసుకున్నారు. రోమ్ సమీపంలోని ఈ వాటికన్ సిటీలో ఓ పోప్ ఈ విధమైన  కార్యక్రమాన్ని రద్దు చేసుకోవడం ఇదే మొదటిసారి. 83 ఏళ్ళ పోప్ ఫ్రాన్సిస్ 2013 లోనే ఈ అత్యున్నత పదవికి ఎన్నికయ్యారు.

అటు-ఈ కార్యక్రమంలో పాల్గొనరాదని ఆయన చివరి క్షణంలో నిర్ణయం తీసుకున్నారని అధికారులు తెలిపారు. సెయింట్ పీటర్స్ బెర్గ్ లో  ఈ కార్యక్రమం తొలిసారిగా పోప్ లేకుండానే జరిగింది. దురదృష్టవశాత్తూ  తన అస్వస్థత కారణంగా ఈ ఏడాది రీట్రీట్ లో పార్టిసిపేట్ చేయలేకపోతున్నానని, తాను ఉన్నచోటి నుంచే ప్రసంగాలు చేస్తానని ఫ్రాన్సిస్ చెప్పారు. అయితే ఆయన మాట్లాడుతున్నంతసేపు దగ్గుతూనే ఉన్నారట. ఇలా ఉండగా.. ఇటలీలో 1100 కరోనా కేసులు నమోదయ్యాయి. ఈ వ్యాధితో 29 మంది మరణించారు. హఠాత్తుగా పోప్ అనారోగ్యంబారిన పడడం ఆందోళన కలిగిస్తోంది.