ఏపీ పంచాయతీ ఎన్నికల్లో బెదిరింపుల పర్వం.. తాజాగా సంచలనం రేపుతున్న ఓ ఎమ్మెల్యే ఆడియో రికార్డు

ఆంధ్రప్రదేశ్‌లో పంచాయతీ ఎన్నికలు రాజకీయ రణరంగానికి దారి తీస్తున్నాయి. తొలుత వైసీపీ, టీడీపీ మధ్య నడిచిన మాటల యుద్ధం అనంతరం వైసీపీ, ఎస్‌ఈసీగా మారింది సీన్‌. ఎలాగూ కోర్టు మెట్లు దాటి నామినేషన్ల స్వీకరణ వరకు ఎన్నికల ప్రక్రియ రావడంతో ఏకగ్రీవాలపై ప్రధాన పార్టీలు ఫోకస్‌ పెట్టాయి. వీలైనన్ని స్థానాలు ఎన్నికలు లేకుండానే తమ పార్టీ ఖాతాలో వేసుకోవాలని పార్టీలు పావులు కదుపుతున్నాయి.

ఈ నేపథ్యంలో పోటీ చేసే అభ్యర్థులను బడా నేతలు బెదిరిస్తున్నారంటూ అటు ఎస్‌ఈసీకి, ఇటు పోలసులకు ఫిర్యాదులు వెల్లువెత్తున్నాయి ఈ క్రమంలోనే అచ్చెన్నాయుడు బెదిరింపుల వ్యవహారం అరెస్ట్‌లదాకా వెళ్లింది. దీంతో ఆయనకు రిమాండ్‌ విధించింది కోర్టు.

అదే సీన్ ఇటు వైసీపీలోనూ కనిపిస్తోంది. పంచాయతీ ఎన్నికల్లో వార్నింగ్‌ల ఆడియో బయట పడటం సంచలనంగా మారింది. వైసీపీ ఎమ్మెల్యే కన్నబాబు రాజు ఓ అభ్యర్థి అల్లుడిని బెదిరిస్తున్న ఆడియో వెలుగులోకి వచ్చంది. పోటీ చేస్తే కంప్లైంట్ ఇప్పించి పక్కన పడేస్తానని… ఇబ్బందులు పడతారని అభ్యర్థి అల్లుడికి కన్నబాబు రాజు వార్నింగ్ ఇచ్చారు. కన్నబాబుదిగా చెబుతున్న ఆ ఆడియో ఇప్పుడు రాజకీయ వర్గాల్లో హాట్‌ టాపిక్‌గా మారింది.

మరిన్ని ఇక్కడ చదవండి :

బాధ్యతలు స్వీకరించిన చిత్తూరు కొత్త కలెక్టర్‌.. ఆ విషయంలో కఠినంగా ఉంటానన్న హరినారాయణన్‌