Ice swimming: గడ్డకట్టిన నదులు, సరస్సుల్లో ఈత కొడుతోన్న ప్రజలు.. ఈ శీతాకాల క్రీడ వెనుక ఆరోగ్య రహస్యం అంటోన్న చైనీయులు
శీతాకాలం వస్తే చాలు వెచ్చదనం కోసం స్వెటర్స్ బయటకు తీస్తాం.. చన్నీరుకు బదులు వేడి నీటితో స్నానం చేయడానికి ఇష్టపడతాం.. అయితే ఆ దేశంలో ఉష్ణోగ్రత మైనస్ 8 డిగ్రీలున్నా మంచు సరస్సులో సంతోషముగా ఈత కొడుతున్నారు. దీనికి కూడా ఓ భారీ రీజన్ చెబుతున్నారు.
భారత్ సహా ప్రపంచంలోని చాలా దేశాల్లో చలి విజృంభిస్తోంది. చాలా దేశాల్లో ఉష్ణోగ్రత సున్నా కంటే దిగువకు పడిపోయింది. దీని కారణంగా, నదులు, సరస్సులు కూడా గడ్డకట్టడం ప్రారంభించాయి. చైనాలోని ప్రజలు ఈ గడ్డకట్టిన సరస్సులలో ఈత కొడుతున్నారు. గడ్డకట్టిన సరస్సులో ఈత కొట్టడం చూస్తే ఎవరైనా ఆశ్చర్యపోతారు.
గడ్డకట్టిన నదులు, సరస్సులు, ఈత కొలనులలో ఈత కొట్టడం.. చైనాలో ప్రసిద్ధ శీతాకాలపు క్రీడ. షెన్యాంగ్‌లోని ఘనీభవించిన సరస్సులో కూడా ప్రజలు ఈత కొడుతూ కనిపించారు. ఈ సమయంలో చైనాలో కొన్ని చోట్ల ఉష్ణోగ్రత మైనస్ 8 డిగ్రీలకు పడిపోయింది.
చైనాలో ఘనీభవించిన సరస్సులో ఈత కొట్టే ఈ ఆట సెప్టెంబరులో మొదలై దాదాపు 6 నెలల పాటు కొనసాగుతుంది. దీంతో షెన్యాంగ్‌లో ప్రజల్లో ఉత్కంఠ నెలకొంది.
చైనాలోని షెన్యాంగ్‌లో గడ్డకట్టిన చాలా సరస్సులలో ప్రజలు ఈత కొడుతున్నారు. దీని కోసం, ప్రజలు మొదట సరస్సులు, ఈత కొలనులు, నదుల పైన గడ్డకట్టిన మంచును సుత్తి మరియు ఇతర వస్తువులతో విచ్ఛిన్నం చేస్తారు. అప్పుడు ప్రజలు అందులోకి దూకి ఈత కొడతారు.
ఈ చలికాలంలో మంచు-గడ్డకట్టిన సరస్సులు, రిజర్వాయర్లలో ఈత కొట్టడం కోసం చైనాలోని 8 నగరాల్లో శీతాకాలపు స్విమ్మింగ్ అసోసియేషన్లు ఉన్నాయి. వీటిలో షెన్యాంగ్, డాలియన్, డాంగ్‌డాంగ్ ఉన్నాయి.
చైనాలోని మంచు-గడ్డకట్టిన సరస్సులలో ఈత కొట్టడం వెనుక ప్రధాన కారణం ఏమిటంటే.. ఇలా చేయడం ద్వారా చలికి వ్యతిరేకంగా రోగనిరోధక శక్తిని పెంచుతుందని ప్రజలు నమ్ముతారు.
ఈ రోజుల్లో చైనాలోని చాలా నగరాల్లో ఈ వింటర్ గేమ్ క్రేజ్ మహిళల సహా చిన్న పిల్లల్లో కూడా కనిపిస్తోంది.