US: అమెరికాలో పిడుగుల అలజడి.. ఎయిర్పోర్టుల్లోనే నిలిచిపోయిన 2,600 విమానాలు
అమెరికాలో విచిత్ర వాతావరణ పరిస్థితులు వణుకు పుట్టిస్తున్నాయి. పిడుగుల వర్షాలు బీభత్సం సృష్టిస్తున్నాయి. ఈశాన్య అమెరికాలో భారీ వర్షాలు పడుతుండటంతో పలు చోట్ల వరదలొస్తున్నాయి. ఆయా ప్రాంతాల్లో ఇప్పటికే అధికారులు వరద హెచ్చరికలు జారీ చేశారు.
. దాంతో.. దాదాపు 2,600 విమాన సర్వీసులు రద్దు అయ్యాయి. మరో 8వేల విమానాలు ఆలస్యంగా నడుస్తున్నాయి. ముఖ్యంగా.. ఈశాన్య అమెరికాలో పరిస్థితులు గందరగోళం ఉన్నట్లు తెలుస్తోంది.
ఒక్క ఈశాన్య అమెరికాలోనే 1,320 విమాన సర్వీసులు క్యాన్సిల్ అయ్యాయి. వాటిలో 350 న్యూజెర్సీలోని న్యూఆర్క్ లిబర్టీ ఇంటర్నేషనల్ ఎయిర్పోర్ట్లోనే ఉన్నాయని తెలిపింది ఫెడరల్ ఏవియేషన్ అడ్మినిస్ట్రేషన్.
అలాగే.. జాన్ ఎఫ్ కెన్నడీ, లా గార్డియన్ ఎయిర్ పోర్టుల్లో పలు సర్వీసులు రద్దు చేశారు. ఇక.. లా గార్డియన్లో 270 సర్వీసులు రద్దు అయితే.. 292 ఆలస్యంగా రాకపోకలు సాగిస్తున్నాయి.
అమెరికాలోని ప్రస్తుత పరిస్థితుల నేపథ్యంలో చాలా విమానయాన సంస్థలు పలు సూచనలు చేశాయి. ప్రయాణికులు ఎయిర్పోర్టుకు బయల్దేరే ముందు.. మరోసారి విమాన సమయాలను, వాతావరణ పరిస్థితులను చెక్ చేసుకోవాలని సూచించాయి.
ఈశాన్య అమెరికాలో భారీ వర్షాలు పడుతుండటంతో పలు చోట్ల వరదలొస్తున్నాయి. ఆయా ప్రాంతాల్లో ఇప్పటికే అధికారులు వరద హెచ్చరికలు జారీ చేశారు. భారీ వర్షాలతో మెరుపు వరదలు సంభవించే అవకాశం ఉందని నేషనల్ వెదర్ సర్వీస్ పేర్కొంది. ఇక.. కనెటికట్, మస్సాచుసెట్స్, న్యూహాంప్షైర్, న్యూయార్క్, రోడే దీవిలో టోర్నడోలు వచ్చే ప్రమాదం కూడా ఉందని హెచ్చరికలు జారీ అయ్యాయి.