ప్రపంచంలోనే బంగారు పూతతో నిర్మించిన భవనాలు ఇవే.. ఎక్కడెక్కడున్నాయో తెలుసా..
భూగ్రహం మీద అత్యంత విలువైన.. ఖరీదైన లోహాలలో బంగారం ఒకటి. కేవలం అభరణాలకే కాకుండా.. ఆలయాలు, భవన నిర్మాణానికి కూడా దీనిని ఉపయోగిస్తారు. ఈ ప్రపంచంలో కొన్ని భవనాలకు బంగారు పూత పూసారు. అవి అవెక్కడ ఉన్నాయో తెలుసుకుందామా.
క్యోలోలోని గోల్డెన్ పెవిలియన్.. దీనిని 14వ శతాబ్ధపు యోధుడికి రిటైర్మెంట్ విల్లాగా ఉపయోగించేవారు. దీనిని కింకకుజీ అని కూడా పిలుస్తారు. భవనం మొదటి రెండు అంతస్తులు బంగారు ఆకులతో కప్పబడి ఉంటాయి. క్యోటోలో ఉన్నప్పుడు తప్పక చూడవలసిన ప్రదేశాలలో ఇది ఒకటి. 1950 లో ఆలయ సన్యాసి చేత కాలిపోయిన తరువాత బంగారు పైకప్పును 1955 లో పునర్నిర్మించారు. శీతాకాలంలో లేదా వసంత చెర్రీ-వికసించే సమయంలో దీనిని సందర్శించడానికి సరైన సమయం.
మన దేశంలోని అమృత సర్ లోని గోల్డెన్ టెంపుల్.. ఇది ప్రపంచంలోనే అత్యంత అందమైన బంగారు నిర్మాణాలలో ఒకటి. ఈ ఆలయాన్ని శ్రీ దర్బార్ సాహిబ్ లేదా శ్రీ హర్మాండిర్ సాహిబ్ అని కూడా పిలుస్తారు. ఇది పూర్తిగా బంగారు నిర్మాణంతో కప్పబడి ఉంటుంది. సిక్కులు ఆధ్యాత్మికంగా భావిస్తారు. ఉత్తర, దక్షిణ, తూర్పు మరియు పడమర వైపు ముఖంగా తలుపులు కలిగి ఉంది. ప్రతి తలుపుకు పైన ఉన్న గోపురాలను అలంకరించడానికి 2018 లో సుమారు 160 కిలోల బంగారాన్ని మళ్లీ ఉపయోగించినట్లు నివేదికలలో ఉంది.
థాయ్‌లాండ్‌లోని బ్యాంకాక్‌లోని గ్రాండ్ ప్యాలెస్ ఒకటి. ఇక్కడ విశాలమైన గ్రాండ్ భవనాలు, అందమైన ఉద్యానవనాలు ఉన్నాయి. దీనిని 1782 లో నిర్మించారు. థాయ్ రాజ కుటుంబానికి సుమారు 150 సంవత్సరాలు ఇందులో నివసించింది. ఇవాళ ఇది ఒక పెద్ద క్రౌడ్ పుల్లర్. 14 వ శతాబ్దానికి చెందిన వాట్ ఫ్రా కైవ్‌ను కలిగి ఉంది. ఇక్కడ ఫ్రా మోండోప్ వంటి అనేక బంగారు పూతతో కూడిన భవనాలను చూడవచ్చు, వీటి గోడలు బంగారు పతకాలతో అలంకరించబడి ఉంటాయి.
మయన్మార్‌లోని యాంగోన్‌లో శ్వేదాగన్ పగోడా. గోల్డెన్ పగోడా లేదా గ్రేట్ డాగోన్ అని కూడా పిలువబడే ఈ ఆలయం బౌద్ధుల అత్యంత పవిత్రమైన ప్రదేశాలలో ఒకటి. శ్వేదాగన్ పగోడా అధికారుల ప్రకారం, ఈ అందమైన మైలురాయి బంగారంతో కప్పబడి ఉంది. దాని పైకప్పుతో పాటు 4531 వజ్రాలు ఉన్నాయి. ఇది 72 క్యారెట్ల వజ్రాలకు సమానం. 2000 సంవత్సరాలకు పైగా ఉన్న ఈ నిర్మాణంలో బుద్ధుడి వెంట్రుకల తంతువులు వంటి పవిత్ర అవశేషాలు కూడా ఉన్నాయని నమ్ముతారు.
డోమ్ ఆఫ్ ది రాక్, జెరూసలేం. డోమ్ ఆఫ్ ది రాక్ బంగారు పూతతో కూడిన పైకప్పును కలిగి ఉంది. ఇది ఓల్డ్ సిటీ ఆఫ్ జెరూసలేం లోని టెంపుల్ మౌంట్ లో ఉన్న ఒక మందిరం. ఈ యునెస్కో ప్రపంచ వారసత్వ ప్రదేశం జెరూసలేం యొక్క దిగ్గజ మైలురాయిలలో ఒకటి. చరిత్రకారుల ప్రకారం 'దాదాపు అన్ని విధాలుగా ఇస్లామిక్ సంస్కృతి యొక్క ప్రత్యేకమైన స్మారక చిహ్నం' గా మిగిలిపోయింది. బంగారు పూతతో కూడిన పైకప్పును మొదట 1959, 1961 మధ్య నిర్మించారు. అయితే జోర్డాన్ రాజు హుస్సేన్ 8.2 మిలియన్ డాలర్ల విరాళం ఇచ్చిన తరువాత ఈ నిర్మాణానికి మళ్ళీ బంగారు పూతా ఇచ్చారట