ప్రపంచంలోనే అత్యంత ఎత్తైన రైల్వే బ్రిడ్జి.. త్వరలోనే అందుబాటులోకి.. ఎక్కడుందో తెలుసా..
ప్రపంచంలో అనేక రైల్వే బ్రిడ్జిలు ఉన్నాయి. అందులో కొన్ని అల్లాంత ఎత్తున ఉన్నాయి. ఇప్పుడు ప్రపంచంలో ఉన్న అన్ని రైల్వే బ్రిడ్జిల కంటే ఎత్తైన రైల్వే బ్రిడ్జి సిద్ధమవుతుంది. అది ఎక్కడుంది.. దాని ప్రత్యేకతలు ఎంటో తెలసుకుందామా.
ప్రపంచంలోనే అత్యంత ఎత్తైన రైల్వే బ్రిడ్జి మన భారతదేశంలోని చీనాబ్ నదిపై నిర్మిస్తున్నారు. ఈ బ్రిడ్జి నిర్మాణ పనులు ప్రస్తుతం చివరి దశలో ఉన్నాయి. త్వరలోనే ఇది అందుబాటులోకి రానుంది. కాశ్మీర్ లోయను దేశంలోని ఇతర ప్రాంతాలతో అనుసంధానించడంలో చీనాబ్ రైలు వంతెన ముఖ్య పాత్ర పోషిస్తుంది.
ప్రస్తుతం కాశ్మీర్ నుంచి ఢిల్లీకి రావడానికి ట్రక్కులను 48 గంటల సమయం పడుతుంది. ఈ బ్రిడ్జి ప్రారంభమైతే రైళ్వ ద్వారా కేవలం 20-22 గంటల్లోనే కాశ్మీర్ సరుకులు ఢిల్లీకి చేరుకుంటాయి. దీంతో సరుకుల రవాణా ఖర్చు తగ్గుతుంది. వ్యాపారులకు లాభాలు పెరుగుతాయి. అలాగే కాశ్మీరీ సరుకులు చౌకగా లభిస్తాయి.
ఈ బ్రిడ్జి ద్వారా వివిధ రాష్ట్రాల్లో ఉండే ప్రజలు కాశ్మీరు చేరుకోవచ్చు. రైల్వే మంత్రిత్వ శాఖ తన అధికారిక ట్విట్టర్ ఖాతాలో చీనాబ్ రైలు బ్రిడ్జి ఫోటోస్ షేర్ చేసింది. అందులో వంతెన కింద మేఘాలు కనిపిస్తున్నాయి. ఇవి నెటిజన్లను ఆకట్టుకుంటున్నాయి.
చీనాబ్ నదిపై నిర్మించిన ప్రపంచంలోనే అత్యంత ఎత్తైన రైలు వంతెన ఎత్తు 359 మీటర్లు. ఇది అద్భుతమైన ఇంజనీరింగ్ నమూనాను ప్రతిబింభిస్తుంది. ఈ బ్రిడ్జి జమ్మూ, కాశ్మీర్ లోని రియాసి జిల్లాలో ఉంది. ఇది ప్రధాన లోయను దేశంలోని మిగిలిన ప్రాంతాలతో కలుపుతుంది. ఈ వంతెన పొడవు 1,315 మీటర్లు. దీని నిర్మాణానికి దాదాపు 1500 కోట్లు ఖర్చు అవుతుంది. ఈ వంతెన బలమైన గాలులతోపాటు. భూకంపాలను తట్టుకుంటుంది.
చీనాబ్ రైలు వంతెన డిసెంబర్ 2009లో సిద్ధమవుతుందని గతంలో తెలిపారు.. అయితే, సెప్టెంబరు 2008లో, వంతెన యొక్క స్థిరత్వం, భద్రత గురించిన ఆందోళనల కారణంగా ప్రాజెక్ట్ నిలిపివేశారు. ఆ తర్వాత 2010లో మరోసారి వంతెన పనులు ప్రారంభించారు. 2010లో మళ్లీ దీని పనులు ప్రారంభం కాగా, 5 ఏళ్లలో అంటే 2015 నాటికి పూర్తి చేయాలని లక్ష్యం నిర్దేశించగా, ఎప్పటికప్పుడు తలెత్తుతున్న పలు సమస్యలతో సాధ్యం కాలేదు.
జమ్మూ కాశ్మీర్‌లో నిర్మిస్తున్న ఈ వంతెనలో నాణ్యమైన ఉక్కు, కాంక్రీటును ఉపయోగిస్తున్నారు. గంటకు 266 కిలోమీటర్ల వేగంతో వీచే గాలులను సైతం తట్టుకోగలదంటే ఈ వంతెన బలాన్ని అంచనా వేయవచ్చు. ఈ వంతెన నిర్మాణ కాంట్రాక్టును ఆఫ్కాన్స్ సంస్థకు అప్పగించారు. దీని నిర్మాణంలో కొంకణ్ రైల్వే, DRDO కూడా ముఖ్యమైన పాత్ర పోషిస్తున్నాయి.
ప్రపంచంలోనే అత్యంత ఎత్తైన రైల్వే బ్రిడ్జి.. త్వరలోనే అందుబాటులోకి