Passion Fruit Benefits: ఈ పండు పోషకాల పవర్‌హౌజ్‌.. తింటే బోలెడన్ని ఆరోగ్య ప్రయోజనాలు!
సాధారణంగా మనందరం ఎక్కువగా తినే పండ్లు మామిడి, జామ, యాపిల్, అరటి, నారింజ, బత్తాయి, దానిమ్మ, పియర్, పుచ్చకాయ వంటి పండ్లను ఎక్కువగా తింటుంటాం. కానీ, కొన్ని ప్రత్యేకమైన, చాలా అరుదుగా లభించే పండ్లు కూడా ఉన్నాయి. అలాంటి అరుదైన పండ్లు ఆరోగ్యానికి ఎంతో మేలు చేస్తాయి. అలాంటిదే పాషన్ ఫ్రూట్. దీనినే కృష్ణా పండు అని కూడా అంటారు. ఈ రోజుల్లో దీని ట్రెండ్ ప్రజల్లో బాగా పెరిగింది. ఈ పాషన్ ఫ్రూట్ లోపల గుజ్జు, గింజలతో కూడి ఉంటుంది. దీని తొక్క మాత్రం గట్టిగా చూడటానికి కాస్త మారేడు కాయకు దగ్గరగా ఉంటుంది. ఇది రుచిగా ఉండటమే కాకుండా ఆరోగ్యానికి కూడా ఎంతో మేలు చేస్తుంది. పాషన్ ఫ్రూట్ తినటం వల్ల కలిగే ఆరోగ్య ప్రయోజనాల గురించి ఇక్కడ తెలుసుకుందాం.
ఈ పాషన్ ఫ్రూట్‌లో విటమిన్లు, ఖనిజాలు, యాంటీఆక్సిడెంట్లు వంటి పోషకాలు పుష్కలంగా ఉన్నాయి. దీన్ని తినడం వల్ల బ్లడ్ షుగర్, ఊబకాయం వంటి సమస్యల నుంచి ఉపశమనం లభిస్తుంది. ప్రస్తుత రోజుల్లో కివీ, అవకాడో, బ్లూబెర్రీ వంటి అన్యదేశ పండ్ల వినియోగ ధోరణి ప్రజల్లో పెరిగింది. అదేవిధంగా ప్యాషన్ ఫ్రూట్ అంటే కృష్ణా పండుకి కూడా డిమాండ్ పెరిగింది. విటమిన్లు, ఖనిజాలు, యాంటీఆక్సిడెంట్లు వంటి అనేక పోషకాలు పుష్కలంగా ఉన్న పాషన్ ఫ్రూట్ తినడం వల్ల చాలా ప్రయోజనాలు ఉన్నాయి. ఇది రక్తంలో చక్కెర స్థాయిని అదుపులో ఉంచుతుంది, బరువు తగ్గడంలో సహాయపడుతుంది. గుండెను ఆరోగ్యంగా ఉంచుతుంది.
డయాబెటిక్ రోగులకు పాషన్ ఫ్రూట్ చాలా ఉపయోగకరంగా ఉంటుంది. ఇది రక్తంలో చక్కెర స్థాయిని అదుపులో ఉంచుతుంది. గ్లైసెమిక్ ఇండెక్స్ తక్కువగా ఉంటుంది. దీని కారణంగా చక్కెర పెరగదు. దీనితో పాటు, ఫైబర్ పుష్కలంగా ఉంటుంది. ఇది శరీరంలో ఇన్సులిన్ స్థాయిని అదుపులో ఉంచుతుంది.
ప్యాషన్ ఫ్రూట్‌లో పొటాషియం, ఎలక్ట్రోలైట్స్ ఉంటాయి. ఇవి గుండెను ఆరోగ్యంగా ఉంచుతాయి. ఇది కాకుండా, ఇందులో ఉండే ఫైబర్ మంచి కొలెస్ట్రాల్‌ను పెంచడంలో, చెడు కొలెస్ట్రాల్‌ను తగ్గించడంలో సహాయపడుతుంది . ఇటువంటి సమ్మేళనాలు పాషన్ ఫ్రూట్ విత్తనాలలో లభిస్తాయి. ఇవి సరైన రక్త ప్రసరణను నిర్వహిస్తాయి. ఇందులో ఉండే పిసెటానాల్, స్కిర్పుసిన్ బి అనే సమ్మేళనం గుండె జబ్బుల నుండి ఉపశమనం కలిగిస్తుంది. రక్త ప్రసరణను సక్రమంగా నిర్వహిస్తుంది.
ప్యాషన్ ఫ్రూట్‌లో చాలా యాంటీఆక్సిడెంట్లు ఉంటాయి. ఇది బరువు తగ్గడానికి సహాయపడుతుంది. దీన్ని తీసుకోవడం ద్వారా, శరీరంలోని జీవక్రియ వేగంగా జరుగుతుంది, ఇది ఆహారాన్ని జీర్ణం చేయడంలో సహాయపడుతుంది మరియు బరువును అదుపులో ఉంచుతుంది.
రోగనిరోధక శక్తిని బలోపేతం చేస్తుంది. పాషన్ ఫ్రూట్‌లో విటమిన్ ఎ, సి, బీటా కెరోటిన్ వంటి పోషకాలు ఉన్నాయి, ఇవి రోగనిరోధక శక్తిని బలోపేతం చేస్తాయి. దీంతో సీజనల్‌ వారిగా వచ్చే అనేక వ్యాధుల బారిన పడకుండా ఉండేలా శరీరాన్ని రక్షిస్తుంది.