Women Health: పీరియడ్స్ సక్రమంగా రావడంలేదా? అయితే ఇది కారణం కావచ్చు
నేటి జీవనవిధానం వల్ల చాలా మంది అమ్మాయిలు పీరియడ్స్ సమస్యలతో బాధపడుతున్నారు. కొందరికి నెలకు రెండు సార్లు పీరియడ్స్ వస్తుంటే.. మరికొందరికేమో రెండు, మూడు నెలలకు ఒకసారి వస్తుంది. ఇలా ఎందుక జరుగుతుందో తెలియక తీవ్ర ఆందోళనకు గురవుతుంటారు..
జీవనశైలి, ఆహారపుటలవాట్లలో వచ్చిన మార్పుల వల్ల యువతను అనేక రకాల ఆరోగ్య సమస్యలు వేధిస్తున్నాయి. వాటిల్లో క్రమరహిత రుతుక్రమం ఒకటి. చాలా వరకు ఋతు చక్రాలు 28 రోజులు ఉన్నప్పటికీ, 21-35 రోజుల మధ్యలో వస్తుంటుంది. కానీ 35 రోజుల కంటే ఎక్కువ రోజులు పీరియడ్స్ ఆలస్యం అయితే మాత్రం అప్రమత్తంగా ఉండాలి.
గుడ్లలో ఒమేగా త్రీ ఫ్యాటీ యాసిడ్స్ కూడా ఉంటాయి. అలాగే పెరుగు, పాలు కూడా తినవచ్చు. సోయాబీన్స్, బాదం, వాల్ నట్స్, హాజెల్ నట్స్, చియా సీడ్స్, ఫ్లాక్స్ సీడ్స్.. వంటి ఆహారాల్లో ఒమేగా త్రీ ఫ్యాటీ యాసిడ్స్ పుష్కలంగా ఉంటాయి.
ఒత్తిడి మీ రెగ్యులర్ పీరియడ్స్కు అంతరాయం కలిగించవచ్చు. కొన్ని సందర్భాల్లో తీవ్ర ఒత్తిడికి లోనైనప్పుడు, 2 నెలల వరకు పీరియడ్స్ రాకుండా నిలిచిపోతాయి. ఈ ఒత్తిడి హార్మోన్ల వల్ల కూడా ఊబకాయానికి దారితీస్తుంది.
మహిళల్లో రక్తహీనత, ఐరన్ లోపం చాలా సాధారణం. ఈ రకమైన సమస్య శరీరంలో రక్త ప్రవాహాన్ని ప్రభావితం చేస్తుంది. ఇది పీరియడ్స్కు అంతరాయం కలిగించవచ్చు.
సాధారణ శరీర బరువు కంటే తక్కువగా ఉండటం అండోత్సర్గముతో సహా ముఖ్యమైన శరీర విధులలో మార్పులకు కారణమవుతుంది. అందువల్ల, తక్కువ బరువు ఉన్న స్త్రీలు తరచుగా రుతుక్రమ సమస్యలతో బాధపడవచ్చు. అలాగే మధుమేహం, ఉదరకుహర వ్యాధులు, కొన్ని రకాల ప్రేగు సమస్యలతో బాధపడుతున్న వారిలో హార్మోన్ల అసమతుల్యత కారణంగా ఋతు సమస్యలు ఎక్కువగా వస్తాయి. మీకూ పీరియడ్స్ ఆలస్యంగా వస్తుంటే వెంటనే వైద్యులను సంప్రదించడం మంచిది.