Black Coffee: ఉదయం పూట ఖాళీ కడుపుతో బ్లాక్ కాఫీ తాగుతున్నారా? ఐతే ఈ సమస్యలు పొంచి ఉన్నట్లే..
బరువు తగ్గడానికి, ఫిట్‌గా ఉండటానికి ఖాళీ కడుపుతో బ్లాక్ కాఫీ తాగుతున్నారా? జాగ్రత్త.. ఆరోగ్యానికి చాలా ప్రమాదమని ఆరోగ్య నిపుణులు హెచ్చిరిస్తున్నారు..
బరువు తగ్గడానికి, ఫిట్‌గా ఉండటానికి ఖాళీ కడుపుతో బ్లాక్ కాఫీ తాగుతున్నారా? జాగ్రత్త.. ఆరోగ్యానికి చాలా ప్రమాదమని ఆరోగ్య నిపుణులు హెచ్చిరిస్తున్నారు.
కాఫీలో కెఫిన్ ఉంటుంది. ఇది నిద్రకు ఆటంకం కలిగిస్తుంది. కెఫిన్ వల్ల ఇతర ఆరోగ్య సమస్యలు తలెత్తుతాయి. బ్లాక్ కాఫీ తాగాలనుకుంటే, మితంగా మాత్రమే తాగాలి.
ఖాళీ కడుపుతో బ్లాక్ కాఫీ తాగితే, జీర్ణవ్యవస్థపై చెడు ప్రభావం చూపుతుందని అనేక పరిశోధనల్లో వెల్లడైంది. ఫిట్‌గా ఉండటానికి బ్లాక్ కాఫీ తాగాలనుకుంటే, చాలా తక్కువ మోతాదులో మాత్రమే తాగాలి. రాత్రిపూట అస్సలు తాగకూడదు.
ఖాళీ కడుపుతో కాఫీ తాగడం వల్ల రక్తంలో చక్కెర స్థాయిలు మార్పులు లోనవుతాయి? నిపుణుల అభిప్రాయం ప్రకారం.. కాఫీలో ఉండే కెఫిన్ శరీరంలోని ఇన్సులిన్ స్థాయిలను తగ్గిస్తుంది.
అధిక రక్తపోటుతో బాధపడేవారు ఖాళీ కడుపుతో బ్లాక్ కాఫీ అస్సలు తాగకూడదు. కాఫీలో ఉండే కెఫిన్ బీపీని పెంచుతుంది.