food for weight loss : బరువు తగ్గడం కోసం ఈ ఫుడ్స్ తింటున్నారా? వీటి వల్ల లాభమా.. నష్టమా? తెలుసుకోండి!
ప్రస్తుత ఆధునిక యుగంలో ఫిట్ నెస్ కు చాలా ప్రాధాన్యం పెరిగింది. ఉరుకులు పరుగుల జీవన విధానంలో సమతుల్య ఆహారం తీసుకోక చాలా మంది ఊబకాయంతో బాధపడుతుంటారు.
ప్రస్తుత ఆధునిక యుగంలో ఫిట్ నెస్ కు చాలా ప్రాధాన్యం పెరిగింది. ఉరుకులు పరుగుల జీవన విధానంలో సమతుల్య ఆహారం తీసుకోక చాలా మంది ఊబకాయంతో బాధపడుతుంటారు. మరికొందరు అవసరానికి మించి అధిక బరువు ఉండి ఇబ్బందులు పడుతుంటారు. శరీరంలో పేరుకుపోయిన కొవ్వులను తగ్గించడానికి జిమ్ ల బాట పడుతుంటారు. కానీ ఒక్క జిమ్ తోనే మీరు అనుకున్న ఫలితం రాకపోవచ్చని నిపుణులు చెబుతున్న మాట. శరీరక వ్యాయామంతో పాటు నెగిటివ్ కేలరీ ఉన్న ఆహార పదార్థాలు తీసుకోవడం ద్వారా కూడా వెయిట్ లాస్ అవ్వచ్చని నిపుణులు చెబుతున్నారు.
నెగిటివ్ కేలరీ ఫుడ్స్ అంటే.. అధిక ఫైబర్, నీటి శాతం అధికంగా కలిగి ఉన్న ఆహార పదార్థాలు సాధారణంగా తక్కువ కేలరీలు కల్గి ఉంటాయి. ఇలాంటివి తిన్నప్పడు అరగడానికి శరీరం అధికశక్తిని వినియోగిస్తాయి. అటువంటి వాటిని నెగిటివ్ కేలరీ ఫుడ్స్ అంటారు. సాధారణంగా ఇటువంటివి అన్ని ఆకుకూరలు, కాయగూరల్లో అధికంగా ఉంటాయి. వీటిని తినడం ద్వారా ఏ విధమైన సైడ్ ఎఫెక్ట్స్ ఉండే అవకాశం ఉండదని నిపుణులు చెబుతున్నారు. తేలికగా దొరికే నెగిటివ్ కేలరీ ఫుడ్స్ ఇవే..
Apple
టోమాటో.. సాధారణంగా వంటగదిలో టోమాటో లేకుండా ఉండదు. దీనిలో నీటి శాతం అధికంగా ఉంటుంది. అలాగే అధిక మోతాదులో పోటాషియం, విటమిన్ సీ తో పాటు లైకోపీన్ అనే యాంటీ ఆక్సిడెంట్ ఉంటుంది. ఇది స్కిన్ కేన్సర్ నుంచి రక్షణ ఇస్తుంది. ప్రతి 100 గ్రాములకు 19 కిలకేలరీలను శరీరానికి అందిస్తుంది. ఇది శరీర బరువును అదుపులో ఉండేందుకు సాయపడుతుంది.
కేరట్.. కేరట్లో విటమిన్ ఏ పుష్కలంగా ఉంటుంది. ఇది కంటి కి మేలు చేస్తుంది. ప్రతి 100 గ్రాముల కేరట్ కు41 కిలో కే లరీలు శరీరానికి అందుతుంది. వీలైనంత ఎక్కువగా కేరట్ తీసుకోవడం మేలు.
బ్రొకలి.. ఆకుకూర రకానికి చెందిన బ్రోకలి మెదడు ఆరోగ్యానికి చాలా మంచిది. దీనిలో ఉండే ఇన్ గ్రేడియంట్స్ బరువు తగ్గడానికి భాగా ఉపయగపడతాయి. ప్రతి 100 గ్రాములకు 34 కిలోకేలరీలు శరీరానికి ఇస్తుంది. వెయిట్ లాస్ కు మంచి ఉపయుక్తమైన పదార్థం ఇది.
కీర దోస.. కీర దోసలో మంచి పోషక గుణాలతో పాటు నీటి శాతం అధికంగా ఉంటుంది. గడుపును ఆరోగ్యంగా ఉంచడంతో పాటు శరీరానికి అవసరమైన విటమిన్స్, మినరల్స్ ను అందిస్తుంది. ప్రతి 100 గ్రాములకు 15 కిలోకేలరీలు అందుతుంది.
పుచ్చకాయ.. వేసవిలో అధికంగా వినయోగించే పుచ్చకాయలోకూడా వెయిట్ లాస్ ఉపయోగపడే ఇన్ గ్రేడియంట్స్ ఉంటాయి. దీనిలో విటమిన్ ఏ బీ6, సీ ఉంటాయి. ఇది శరీరాన్ని డీ హైడ్రేట్ అవ్వకుండా కాపాడుతుంది. అలాగే బీపీని కూడా అదుపులో ఉంచుతుంది. ప్రతి 100 గ్రాముకు 30 కిలో కేలరీలు శరీరానికి అందుతాయి.
బెర్రీస్.. పలు రకాలపై బెర్రీస్ అంటే బ్లూ బెర్రీస్, స్ట్రా బెర్రీస్, రాస్బెర్రీస్ వంటి వి యాంటీ ఆక్సిడెంట్లను కలిగి ఉంటాయి. ఇవి శరీరానికి మేలు చేసి వెయిట్ లాస్ అవ్వడానికి ఉపకరిస్తాయి.
వీటితో పాటు సెలెరీ, లెట్టస్, జుక్కిని వంటి పదార్థాలు కూడా ఆరోగ్యానికి మంచి చేయడం తోపాటు శరీర బరువును అదుపులో ఉంచేందుకు సాయపడతాయి.
బరువు తగ్గడం కోసం తీసుకునే ఆహారంతో కూడా తగిన జాగ్రత్తలు తీసుకోవాలి అంటున్నారు నిపుణులు.