Vitamin B12 Food: విటమిన్ B12 లోపంతో బాధపడుతున్నారా? అయితే, ఈ ఆహారాన్ని మీ డైట్‌లో చేర్చండి..
Vitamin B12 Food: శరీరంలో ఎర్ర రక్త కణాలు ఏర్పడటంలో విటమిన్ B12 పాత్ర చాలా కీలకం. విటమిన్ B12 లోపం వల్ల మానసిక సమస్యలు, ఎముకలు, కీళ్ల నొప్పులు, రక్తహీనత పెరుగుతుంది.
గుడ్లు: ప్రతీ రోజు గుడ్డును తినాలి. తద్వారా శరీరంలో విటమిన్ B12 లోపాన్ని తగ్గించుకోవచ్చు. రోజుకో బాయిల్డ్ ఎగ్ భోజనంతో పాటు తింటే అనేక ఆరోగ్య ప్రయోజనాలు ఉంటాయి. శరీరంలో పోషకాలు పెంచుకోవడానికి సూప్‌లు, స్టైర్ ఫ్రైస్‌లో బాయిల్డ్ ఎగ్‌లను కూడా తినాలి.
పనీర్: పనీర్‌లో విటమిన్ B12 పుష్కలంగా ఉంటుంది. శాకాహారులకు ఇది మంచిది. భోజనంలో పనీర్ వంటకాలు తినడం ద్వారా విటమిన్ B12 శరీరానికి పుష్కలంగా అందుతుంది.
మజ్జిగ: పాల ఉత్పత్తులలో విటమిన్ B12 పుష్కలంగా ఉంటుంది. మజ్జిగ జీర్ణక్రియకు మేలు చేస్తుంది. మజ్జిగ ఇంట్లో తయారు చేసుకోవచ్చు లేదా దుకాణంలో కొనుగోలు చేయవచ్చు.
చేప: చేపలోనూ విటమిన్ B12 పుష్కలంగా ఉంటుంది. ట్యూనా, సాల్మన్, సార్డినెస్, ట్రౌట్ వంటి చేపల్లో ఈ విటమిన్ ఉంటుంది. US డిపార్ట్‌మెంట్ ఆఫ్ అగ్రికల్చర్ ప్రకారం.. సాల్మొన్‌లో అధిక మొత్తంలో ప్రోటీన్ ఉంటుంది. ఇది శరీరంలో విటమిన్ బి12 లోపాన్ని తగ్గిస్తుంది.
చికెన్: చికెన్‌లో విటమిన్ B12 అధికంగా ఉంటుంది. చికెన్‌ను తినడం వలన అనేక ఆరోగ్య ప్రయోజనాలు ఉంటాయి. ఇందులో లీన్ ప్రోటీన్స్ కూడా ఉంటాయి.