హెచ్ఐవీ వంటి సుఖ వ్యాధులకు అడ్డుకట్ట వేయడంలో ఉపయోగపడే కండోమ్స్తో ప్రమాదం కూడా పొంచి ఉందని తాజాగా అధ్యయనంలో వెల్లడైంది. కండోమ్స్, లూబ్రికెంట్స్తో భవిష్యత్తులో వంధ్యత్వం, క్యాన్సర్ వచ్చే ప్రమాదాలు ఉంటాయని తేలింది.
వినియోగదారుల భద్రత వేదిక మామావేషన్ సంస్థ ఓ అధ్యయనంలో ఈ విషయాలను వెల్లడించింది. కండోమ్స్ తయారీలో పర్యావరణంతో కలిసిపోని, పీఎఫ్ఏఎస్ వంటి శాశ్వత రసాయాలను ఉపయోగిస్తున్నట్లు ఇందులో తెలిపారు.
ఈ ప్రమాదకర రసాయనాలను ట్రోజన్ ఆల్ట్రా థిన్ కండోమ్స్, కే-వై జెల్లీ క్లాసిక్ లూబ్రికెంట్ వంటి ప్రఖ్యాత బ్రాండ్ ఉత్పత్తులు సహా పలు కంపెనీల ఉత్పత్తుల్లో పీఎఫ్ఏఎస్ ఎక్కువ మోతాదులో వాడుతున్నట్టు గుర్తించామని పరిశోధకులు చెబుతున్నారు.
కండోమ్స్ తయారీలో ఉపయోగించే పర్-అండ్ పాలీఫ్లూలోఆల్కైల్ సబ్స్టాన్సెస్ను పీఎఫ్ఏఎస్ కెమికల్స్గా పిలుస్తారు. ఇవి ఏన్నేళ్లయినా నీరు, అగ్గి, నూనె, గ్రీజు వంటి పదార్థాలతో కలిసిపోవు. అందుకే వీటిని శాశ్వత రసాయనాలుగా పిలుస్తారు. వీటిని కార్పెంటింగ్, పెయింట్లు, ఫైర్ ఫైటింగ్ ఫోమ్స్లో వీటిని ఎక్కువగా వాడుతారు.
ఇలాంటి కెమికల్స్ కలిసిన కండోమ్స్, లూబ్రికెంట్స్ను వాడితే భవిష్యత్తుల్లో పలు ప్రమాదాలకు దారి తీస్తుందని హెచ్చరిస్తున్నారు. వంధ్యత్వం, క్యాన్సర్తో పాటు కాలేయం, థైరాయిడ్ సమస్యలు, సంతాన లోపాలు, రోగనిరోధక శక్తి తగ్గిపోవడం లాంటి సమస్యలు వస్తాయని చెబుతున్నారు.