Uric Acid: యూరిక్ యాసిడ్ సమస్యను అదుపు చేసే ఆహారాలివే.. మీ డైట్‌లో తప్పక చేర్చుకోండి!
పట్టుమని 30 ఏళ్లు నిండకుండానే కొందరికి చేతులు, కాళ్ళలో విపరీతమైన నొప్పితో బాధపడుతుంటారు. వేళ్లు, మణికట్టుతో సహా కీళ్ల నొప్పులు బాధిస్తుంటాయి. ఇలాంటి నొప్పిని విస్మరించవద్దని నిపుణులు హెచ్చరిస్తున్నారు. యురిక్ యాసిడ్ సమస్యలు కూడా చిన్న వయసులోనే రావచ్చని నిపుణులు అంటున్నారు. ప్యూరిన్ అధికంగా ఉండే ఆహారాన్ని ఎక్కువగా తినడం వల్ల శరీరంలో యూరిక్ యాసిడ్ స్థాయిలు పెరుగుతాయి..
పట్టుమని 30 ఏళ్లు నిండకుండానే కొందరికి చేతులు, కాళ్ళలో విపరీతమైన నొప్పితో బాధపడుతుంటారు. వేళ్లు, మణికట్టుతో సహా కీళ్ల నొప్పులు బాధిస్తుంటాయి. ఇలాంటి నొప్పిని విస్మరించవద్దని నిపుణులు హెచ్చరిస్తున్నారు. యురిక్ యాసిడ్ సమస్యలు కూడా చిన్న వయసులోనే రావచ్చని నిపుణులు అంటున్నారు. ప్యూరిన్ అధికంగా ఉండే ఆహారాన్ని ఎక్కువగా తినడం వల్ల శరీరంలో యూరిక్ యాసిడ్ స్థాయిలు పెరుగుతాయి. ఒంట్లో ప్యూరిన్ పెరిగితే కీళ్ళు, ఆర్థరైటిస్‌ వంటి నొప్పులు కలిగిస్తుంది. కిడ్నీలు కూడా పాడవుతాయి.
శరీరంలో యూరిక్ యాసిడ్ స్థాయిని నియంత్రించడానికి, ఆహారంపై ప్రత్యేక జాగ్రత్తలు తీసుకోవాలి. ముఖ్యంగా ప్యూరిన్-రిచ్ కూరగాయలకు దూరంగా ఉండాలి. యూరిక్ యాసిడ్ సమస్య ఉంటే పప్పులు, వివిధ రకాల కూరగాయలు తినకూడదు. చేపలు, మాంసం, గుడ్లు, రెడ్ మీట్ వీటిల్లో ప్యూరిన్ అధికంగా ఉంటుంది. ఇవి యూరిక్ యాసిడ్ సమస్యలను పెంచుతుంది. మాంసాహారాలకు దూరంగా ఉండాలి.
సోయాబీన్స్‌లో ప్రోటీన్, కాల్షియం పుష్కలంగా ఉంటాయి. అందుకే పిల్లల నుంచి వృద్ధుల వరకు అందరూ సోయాబీన్స్ తినాలని నిపుణులు సూచిస్తుంటారు. కానీ యూరిక్ యాసిడ్ సమస్యతో బాధపడేవారు సోయాబీన్స్ తినకూడదు. అన్ని సోయా ఉత్పత్తులకు దూరంగా ఉండాలని నిపుణులు సిఫార్సు చేస్తున్నారు.
యూరిక్ యాసిడ్ సమస్యలు ఉంటే శీతల పానీయాలను నివారించాలి. ఇందులో ప్యూరిన్లు తక్కువగా ఉంటాయి. ఇందులో ఫ్రక్టోజ్ ఎక్కువగా ఉంటుంది. ఫలితంగా శీతల పానీయాలు, సోడా ఎక్కువగా తాగడం వల్ల యూరిక్ యాసిడ్ సమస్య పెరుగుతుంది.
ప్రాథమికంగా క్రమరహిత జీవనశైలి, అధిక ఒత్తిడి.. అధిక రక్తపోటు స్థాయిలకు కారణం అవుతాయి. అంతేకాకుండా ఊబకాయం, మధుమేహం సమస్యలు కూడా రక్తపోటును పెంచుతాయి. యూరిక్ యాసిడ్ స్థాయిలను అదుపులో ఉంచుకోవడానికి నిమ్మ, పెరుగు, పచ్చిమిర్చి, పసుపు వంటి పుల్లని ఆహారాలు తీసుకోవాలి. ఇవి యూరిక్ యాసిడ్‌ను అదుపులో ఉంచుతాయి.