Tips to Increase Children Height: మీ పిల్లలు వయసుకు తగ్గా ఎత్తు పెరగాలంటే ఇలా చేయండి..
వయసుకు తగ్గరీతిలో పిల్లలు ఎత్తు పెరగకపోతే తల్లిదండ్రులు ఆందోళన చెందుతుంటారు. అలాగే ఎత్తుకు తగ్గ బరువు కూడా ఉండాలి. అయితే కొంతమంది చిన్నారుల్లో పెరుగుదల మందకొడిగా ఉంటుంది. ఈ తర్వాత ఒక వయసొచ్చాక ఆగిపోవడం వల్ల సరైన ఎత్తు పెరగక పొట్టిగా కనిపిస్తుంటారు. పిల్లలు ఎత్తు పెరగాలంటే అందుకు అవసరమైన..
వయసుకు తగ్గరీతిలో పిల్లలు ఎత్తు పెరగకపోతే తల్లిదండ్రులు ఆందోళన చెందుతుంటారు. అలాగే ఎత్తుకు తగ్గ బరువు కూడా ఉండాలి. అయితే కొంతమంది చిన్నారుల్లో పెరుగుదల మందకొడిగా ఉంటుంది. ఈ తర్వాత ఒక వయసొచ్చాక ఆగిపోవడం వల్ల సరైన ఎత్తు పెరగక పొట్టిగా కనిపిస్తుంటారు. పిల్లలు ఎత్తు పెరగాలంటే అందుకు అవసరమైన పోషకాహారాలను వారికి అందించాలి. నిజానికి ఎత్తు పెరగడం వెంటనే సాధ్యమయ్యే పని కాదు. కృత్రిమంగా వచ్చేదీ కూడా కాదు.
క్యారెట్, బీన్స్, బెండకాయ, బచ్చలికూర, బఠానీలు, అరటిపండు, సోయాబీన్, పాలు.. వంటి పౌష్టికాహారం తీసుకోవటం వలన మంచి పెరుగుదల ఉంటుంది.
ఆహారంతోపాటు తేలికపాటి ఎక్సర్‌సైజులు కూడా చేస్తుండాలి. బార్‌ హ్యాంగింగ్స్‌, హ్యాంగింగ్‌ రాడ్‌, పులప్స్‌, చిన్‌-అప్స్‌.. వంటి ఎక్సర్‌సైజెస్‌ వెన్నెముకను సులభంగా సాగేలా చేస్తాయి. తద్వారా వయసు పెరిగే కొద్దీ ఎత్తు పెరగచ్చు. అలాగే ఈ వ్యాయామాలు వెన్ను, భుజాల కండరాలకు దృఢత్వాన్ని అందించి ఫిట్‌గా మార్చుతాయని నిపుణులు సూచిస్తున్నారు.
స్కిప్పింగ్‌ కూడా చక్కని పిల్లలకు చక్కని వ్యాయామం. స్కిప్పింగ్‌ చేయడం వల్ల వెన్నెముక, భుజాలు, కాళ్లలోని కండరాలు ఫ్లెక్సిబుల్‌గా మారతాయి. సులభంగా సాగేలా తయారవుతాయి. ఫలితంగా వయసు పెరిగే కొద్దీ ఎత్తు కూడా ఈజీగా పెరుగుతుంది.
మన శరీరంలో హ్యూమన్‌ గ్రోత్‌ హార్మోన్‌ అనే పెరుగుదలను ప్రేరేపించే హార్మోన్‌ ఉంటుంది. ఇది పిల్లల్లో నిద్రపోయినప్పుడు మాత్రమే విడుదలవుతుందని ఆరోగ్య నిపుణులు అంటున్నారు. అందుకే చిన్నారుల ఎంత నిద్రపోతే అంతగా పెరుగుతారని చెబుతున్నారు.