MoongDal:పెసరపప్పుతో ఇన్ని లాభాలున్నాయా? తెలిస్తే ఇకపై తినకుండా ఉండలేరు..!
మన రోజు వారి ఆహారంలో పెసర పప్పును తీసుకోవడం వల్ల శరీరానికి బోలెడు లాభాలు కలుగుతాయి. ఇందులో శరీరానికి కావాల్సిన అద్భుతమైన పోషకాలు లభిస్తాయి. దీంతో పాటు ఈ పెసర పప్పులో ఫైబర్, ఖనిజాలు ఉంటాయి. ఇవి దీర్ఘకాలిక వ్యాధుల నుంచి కూడా ఉపశమనం కలిగిస్తాయి. ఇందులో లభించే పోషకాలు శరీర బరువును కూడా నియంత్రిస్తాయి. అంతేకాకుండా కొలెస్ట్రాల్‌ను కూడా కరిగించే శక్తి ఈ పెసరపప్పులో ఉందని పోషకాహార నిపుణులు చెబుతున్నారు. ఇవే కాకుండా శరీరానికి ఎలాంటి లాభాలు కలుగుతాయో ఇప్పుడు తెలుసుకుందాం.
పెసర పప్పులో ప్రోటీన్స్‌, ఫైబర్ అధికంగా ఉండటం వల్ల ఎక్కువ సమయం పాటు కడుపు నిండిన భావాన్ని కలిగిస్తుంది. అంతేకాకుండా ఆకలి కూడా నియంత్రణలో ఉంటుంది. దీని కారణంగా సులభంగా బరువు తగ్గుతారని ఆరోగ్య నిపుణులు తెలుపుతున్నారు. జీర్ణవ్యవస్థ పనితీరును మెరుగుపరుస్తుంది. అంతేకాకుండా ఇందులో లభించే ఫైబర్ పొట్టను ఆరోగ్యంగా చేస్తుంది. పెసర పప్పులో అధికంగా ఉండే ఫైబర్ జీర్ణక్రియను మెరుగుపరచడానికి, మలబద్ధకాన్ని నివారించడానికి సహాయపడుతుందని ఆరోగ్య నిపుణులు తెలుపుతున్నారు.
పెసరపప్పు గుండె ఆరోగ్యానికి బాగా పని చేస్తుంది. పెసర పప్పులో ఫైబర్, పొటాషియం అధికంగా ఉంటుంది. ఇవి రక్తపోటును నియంత్రించడానికి, చెడు కొలెస్ట్రాల్ స్థాయిలను తగ్గించడానికి ఎంతగానో సహాయపడతాయని ఆరోగ్య నిపుణులు చెబుతున్నారు.. ఇవి రెండూ గుండె జబ్బుల ప్రమాదాన్ని తగ్గించేందుకు కూడా కీలక పాత్ర పోషిస్తుంది.
పెసరపప్పులో క్యాన్సర్‌ను ఎదుర్కొనే గుణాలు ఉన్నాయని నిపుణులు చెబుతున్నారు. పెసరపప్పును క్రమం తప్పకుండా తీసుకోవటం వల్ల చర్మం నిగారించేలా చేస్తుంది. రోగనిరోధక శక్తిని పెంచడానికి ఉపమోగపడుతుంది. ఇన్‌ఫెక్షన్స్ ద‌రి చేరకుండా చేయడమే కాకుండా అనేక వ్యాధుల నుంచి రక్షిస్తుంది. పర్యావరణ కాలుష్యం వల్ల వచ్చే సమస్యలను కూడా దూరం చేస్తుంది.
పెసర పప్పులో గ్లైసెమిక్ ఇండెక్స్ తక్కువగా ఉంటుంది. కాబట్టి మధుమేహంతో బాధపడేవారు ప్రతి రోజు పెసరపప్పును తినడం వల్ల రక్తంలోని చక్కెర పరిమాణాలు నియంత్రణలో ఉంటాయి. ఇది రక్తంలో చక్కెర స్థాయిలను నియంత్రణలో ఉంచడంలో సహాయపడుతుంది. ఈ పప్పును క్రమం తప్పకుండా తినడం వల్ల రోగనిరోధక శక్తి కూడా పెరుగుతుంది. దీంతో పాటు ఇతర దీర్ఘకాలిక వ్యాధులు కూడా సులభంగా దూరమవుతాయి.
పెసర పప్పులో యాంటీఆక్సిడెంట్లు పుష్కలంగా ఉంటాయని నిపుణులు చెబుతున్నారు.. ఇవి చర్మ కణాలను దెబ్బతీసే ఫ్రీ రాడికల్స్ నుంచి మన శరీరాన్ని, చర్మాన్ని రక్షిస్తుంది. దీని కారణంగా ముడతలతో పాటు ఆయిల్‌ స్కిన్‌ సమస్యలు కూడా దూరమవుతాయి. అలాగే ఇందులో లభించే విటమిన్ B చర్మాన్ని ఆరోగ్యంగా చేసి మృదువుగా ఉండేలా చేస్తుంది. ఇది ప్రేగులలో మంచి బ్యాక్టీరియా పెరుగుదలకు సహాయపడుతుంది. దీని కారణంగా అన్ని రకాల జీర్ణక్రియ సమస్యల నుంచి విముక్తి కలుగుతుంది.