Pista Benefits: ప్రతి రోజూ గుప్పెడు పిస్తా తినడం అలవాటు చేసుకోండి..! ప్రయోజనాలు తెలిస్తే అస్సలు వదలరు..
పిస్తా.. ఇది కూడా ఒక డ్రై ఫ్రూట్. ఇది శరీరాన్ని ఇన్ఫెక్షన్ నుంచి రక్షించడంతో పాటు మన గుండెను ఆరోగ్యంగా ఉంచడంలో సహాయపడుతుంది. ఇందులో ఫైబర్, కార్బోహైడ్రేట్స్, అమైనో ఆమ్లాలు, విటమిన్లు A, K, C, B-6, D, E, ప్రోటీన్, కాల్షియం, మాంగనీస్, ఫోలేట్, ఇతర డ్రై ఫ్రూట్స్ కంటే తక్కువ కొవ్వు, కేలరీలు ఉంటాయి. మన రోజువారి ఆహారంలో పిస్తాను చేర్చుకోవడం వల్ల శరీరం అనేక ప్రయోజనాలను పొందే అవకాశం ఉంటుంది.
ప్రతిరోజూ గుప్పెడు పిస్తా పప్పు తినడం వల్ల కంటి ఆరోగ్యం మెరుగుపడుతుంది. కంటి ఆరోగ్యం కళ్ళు మన శరీరంలో అత్యంత ముఖ్యమైన భాగం. వీటి ద్వారానే మనం ప్రపంచాన్ని చూస్తాం కాబట్టి వాటిని ఆరోగ్యంగా ఉంచడం చాలా ముఖ్యం. కంటికి మేలు చేసే A, E విటమిన్లు పిస్తాపప్పులో పుష్కలంగా లభిస్తాయి.
ప్రతి గుప్పెడు పిస్తా పప్పు తినడం వల్ల క్యాన్సర్ ప్రమాదాన్ని నివారిస్తుంది పిస్తా తినడం క్యాన్సర్ ప్రమాదాన్ని తగ్గిస్తుంది. క్యాన్సర్ నిరోధకంలో సహాయకారిగా పరిగణించే పిస్తాపప్పులో యాంటీ కార్సినోజెనిక్ మూలకాలు కనిపిస్తాయి. ఇవి క్యాన్సర్‌ని నివారించేందుకు తోడ్పడుతాయి.
పిస్తాలో ఫైబర్ సమృద్ధిగా ఉన్నందున, పిస్తా రక్తంలో చక్కెర స్థాయిలను నియంత్రించడంలో సహాయపడుతుంది. పిస్తా ప్రోటీన్ కి మంచి వనరు, శరీరానికి శక్తినిస్తుంది. విటమిన్ బి6 ఉన్న పిస్తా రోగనిరోధక శక్తిని పెంచుతుంది. ఫైబర్ ఉన్న పిస్తా జీర్ణక్రియకు, పేగుల ఆరోగ్యానికి మంచిది.
యాంటీఆక్సిడెంట్లు, విటమిన్ ఇ ఉన్న పిస్తా చర్మానికి మంచిది. జ్ఞాపకశక్తిని పెంచుతుంది ఈ రోజుల్లో మతిమరుపు చాలా సాధారణం అయిపోయింది. పిస్తా పప్పుతో కొంతవరకు దీనిని అదుపులో ఉంచవచ్చు. ఇందులో చాలా ఖనిజాలు ఉంటాయి. ఇవి మెదడు పనితీరును మెరుగుపరుస్తాయి. మరింత చురుకుగా చేస్తాయి. పిస్తా తినడం వల్ల జ్ఞాపకశక్తి మెరుగుపడుతుంది.
రోజూ పిస్తా తినడం వల్ల రక్తపోటు, కొలెస్ట్రాల్ తగ్గుతాయి, గుండె ఆరోగ్యంగా ఉంటుంది. గుండె ఆరోగ్యానికి మంచిది పిస్తా తినడం గుండె ఆరోగ్యానికి చాలా మంచిది. ప్రతిరోజూ కొన్ని పిస్తాపప్పులను తీసుకోవడం వల్ల చెడు కొలెస్ట్రాల్ తొలగిపోతుంది. గుండెను అన్ని ప్రమాదాల నుంచి కాపాడుతుంది.
ఎముకలను బలపరుస్తుంది బలమైన ఎముకలకు విటమిన్ డి, కాల్షియం అవసరం. ఈ రెండు పిస్తాపప్పులో ఉంటాయి. అటువంటి పరిస్థితిలో దీని రోజువారీ వినియోగం ఎముకలకు బలాన్నిస్తుంది. ఎముకలకు సంబంధించిన అన్ని వ్యాధుల నుంచి ఉపశమనాన్ని అందిస్తుంది.