Vivo Y200: లాంచింగ్కు సిద్ధమైన వివో నయా ఫోన్.. కళ్లు చెదిరే ఫీచర్స్..
చైనాకు చెందిన స్మార్ట్ ఫోన్ దిగ్గజం వివో భారత మార్కెట్లోకి సరికొత్త ఫోన్ను తీసుకొస్తోంది. మిడ్ రేంజ్ బడ్జెట్ను టార్గెట్ చేసుకొని ఈ ఫోన్ను తెస్తున్నారు. వివో వై200 పేరుతో తీసుకొస్తున్న ఈ కొత్త స్మార్ట్ ఫోన్ను మే21వ తేదీన (ఈరోజు) లాంచ్ చేయనున్నారు. ఇంతకీ ఫోన్లో ఎలాంటి ఫీచర్లు ఉన్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
వివో వై200 పేరుతో సరికొత్త ఫోన్ను లాంచ్ చేస్తోంది. 5జీ నెట్వర్క్కి సపోర్ట్ చేసే ఈ స్మార్ట్ ఫోన్కు సంబంధించిన ఫీచర్ల గురించి కంపెనీ ఇప్పటి వరకు ఎలాంటి అధికారిక ప్రకటన చేయకపోయినప్పకిటీ నెట్టింట్లో కొన్ని ఫీచర్లు వైరల్ అవుతున్నాయి.
ఈ స్మార్ట్ ఫోన్ ఫీచర్ల విషయానికొస్తే ఇందులో 3డీ కర్వ్డ్ డిస్ప్లేను అందించనున్నారని సమచారం. స్మూత్, వాటర్పాల్ లైక్ స్క్రీన్ను ఇవ్వనున్నట్లు తెలుస్తోంది. అమోఎల్ఈడీ డిస్ప్లేతో పాటు 120 హెచ్జెడ్ రిఫ్రెష్ రేట్ స్క్రీన్ ఈ ఫోన్ సొంతం.
ఇక ఈ స్మార్ట్ ఫోన్ క్వాల్కమ్ స్నాప్డ్రాగన్ 695 ఎస్ఓసీ ప్రాసెసర్తో పనిచేస్తుంది. ఇందులో 8 జీబీ ర్యామ్, 128 జీబీ స్టోరేజ్ కెపాసిటీని అందించనున్నారు. ఆండ్రాయిడ్ 14 ఆపరేటింగ్ సిస్టమ్తో ఈ ఫోన్ పనిచేయనుంది.
ధర విషయానికొస్తే ఈ స్మార్ట్ ఫోన్ ధర రూ. 25,000లోపు ఉండొచ్చని అంచనా వేస్తున్నారు. ఇందులో 6.78 ఇంచెస్తో కూడిన డిస్ప్లేను ఇవ్వనున్నారని తెలుస్తోంది.
కెమెరా విషయానికొస్తే ఈ స్మార్ట్ ఫోన్లో 64 మెగాపిక్సెల్స్, 2 మెగాపిక్సెల్స్తో కూడిన డ్యూయల్ రెయిర్ కెమెరా సెటప్ను ఇవ్వనున్నారు. అలాగే సెల్ఫీలు, వీడియో కాల్స్ కోసం ఇందులో 16 మెగా పిక్సెల్స్తో కూడిన ఫ్రంట్ కెమెరాను అందించనున్నారని సమాచారం