Tech Tips: మీ ఫోన్‌లో డేటా త్వరగా అయిపోతుందా? ఈ సెట్టింగ్స్‌ మార్చండి!
ప్రస్తుతం చాలా మంది స్మార్ట్‌ఫోన్‌లు వాడుతున్నారు. కానీ ఇంటర్నెట్ లేకుండా ఎవ్వరు కూడా ఉండలేని పరిస్థితి ఉంది. ఫోన్‌లో ఇంటర్నెట్ లేకుంటే కేవలం కాల్స్‌ మాట్లాడేందుకు మాత్రమే ఉపయోగపడుతుంది. ఫోన్‌లో వీడియోలను చూడలేరు. అయితే కొందరి ఫోన్‌లలో డేటా త్వరగా అయిపోతుంటుంది. అందు కోసం ఫోన్‌లో కొన్ని..
ప్రస్తుతం చాలా మంది స్మార్ట్‌ఫోన్‌లు వాడుతున్నారు. కానీ ఇంటర్నెట్ లేకుండా ఎవ్వరు కూడా ఉండలేని పరిస్థితి ఉంది. ఫోన్‌లో ఇంటర్నెట్ లేకుంటే కేవలం కాల్స్‌ మాట్లాడేందుకు మాత్రమే ఉపయోగపడుతుంది. ఫోన్‌లో వీడియోలను చూడలేరు. అయితే కొందరి ఫోన్‌లలో డేటా త్వరగా అయిపోతుంటుంది. అందు కోసం ఫోన్‌లో కొన్ని సెట్టింగ్స్‌ మార్చుకుంటే డేటా త్వరగా అయిపోకుండా ఉంటుందని టెక్‌ నిపుణులు చెబుతున్నారు. వారు తెలిపిన వివరాల ప్రకారం..
అయితే కొన్ని చిట్కాలతో స్మార్ట్‌ఫోన్‌లో లభించే డేటాను నియంత్రించడం ద్వారా ఈ సమస్యను నివారించవచ్చు. ఇంటర్నెట్ త్వరగా అయిపోతుందని భావిస్తే ఈ సెట్టింగ్ చేయండి. ఇంటర్నెట్ మీ ఫోన్‌లో త్వరగా అయిపోకుండా ఎక్కువసేపు ఉంటుంది.
డేటా సేవర్: ఫోన్‌లోని డేటాను నియంత్రించడానికి, ఫోన్ బ్రౌజర్ సెట్టింగ్‌లకు వెళ్లాలి. దీని తర్వాత డేటా సేవర్ లేదా సేవ్ డేటా మోడ్‌ను ఆన్ చేయండి.
పిక్చర్ సెట్టింగ్ ఆఫ్: దీని తర్వాత బ్రౌజర్ సెట్టింగ్‌లలో పిక్చర్ ఇన్ పిక్చర్ ఎంపికను ఆఫ్ చేయండి. ఇలా చేయడం వల్ల వెబ్ పేజీ ఫోటోను డౌన్‌లోడ్ చేయడానికి సమయం పడుతుంది. కానీ డేటా వినియోగం తగ్గుతుంది. బ్రౌజర్ సెట్టింగ్‌లకు వెళ్లి బ్యాక్‌గ్రౌండ్ డేటా ఆప్షన్‌ను ఆఫ్ చేయండి.
డేటా కంట్రోల్: స్మార్ట్‌ఫోన్‌లో డేటా వినియోగాన్ని నియంత్రించడానికి మీరు ఫోన్ సెట్టింగ్‌లకు వెళ్లాలి. దీని తర్వాత నెట్‌వర్క్, ఇంటర్నెట్ ఎంపికకు వెళ్లండి. మొబైల్ నెట్‌వర్క్‌కి వెళ్లి తక్కువ డేటా వినియోగ ఎంపికను ఎంచుకోండి. ఇది డేటా వినియోగాన్ని తగ్గిస్తుంది. ఫోన్‌లోని డేటాను నియంత్రించడానికి మరో సెట్టింగ్‌ను చేయాల్సి ఉంటుంది. దీని కోసం మీరు ఫోన్ సెట్టింగ్‌లకు వెళ్లాలి. దీని తర్వాత మీరు సెర్చ్‌లో యాప్ కోసం సెర్చ్ చేసి, ఆపై యాప్ ఆప్షన్‌లకు వెళ్లి బ్యాక్‌గ్రౌండ్ యాప్‌లకు వెళ్లి యాప్‌ను క్లోజ్ చేయాలి.
ఆటో ప్లే వీడియోను ఆఫ్ చేయండి: ముందుగా మీరు ఫోన్ సెట్టింగ్‌లకు వెళ్లి, ఆపై డేటా సేవర్ మోడ్‌ను సెర్చ్ చేయాలి. దీని తర్వాత ఆటో ప్లే వీడియో ఎంపికను ఆఫ్ చేయండి. ఇలా చేయడం వల్ల ఫోన్‌లో వీడియోను స్క్రోల్ చేస్తున్నప్పుడు వీడియో ప్లే కాదు. చాలా ఫోన్‌లలో యాప్ అప్‌డేట్ ఆటో మోడ్‌లో పనిచేస్తుంది. ఈ ఎంపికను కూడా ఆఫ్ చేయవచ్చు. దీని కోసం గూగుల్ ప్లే స్టోర్ లేదా యాపిల్ ప్లే స్టోర్‌కి వెళ్లి యాప్ అప్‌డేట్ ఆప్షన్‌కు వెళ్లి ఆటో అప్‌డేట్‌ను ఆఫ్ చేయండి.