Samsung Galaxy f54 5g: సామ్సంగ్ నుంచి మరో కొత్త 5జీ ఫోన్.. 108 ఎంపీ కెమెరాతో పాటు.
స్మార్ట్ ఫోన్ దిగ్గజం సామ్సంగ్ తాజాగా భారత మార్కెట్లోకి మిడ్ రేంజ్ వేరియంట్ను లాంచ్ చేస్తోంది. సామ్సంగ్ గ్యాలక్సీ ఎఫ్54 పేరుతో తీసుకొస్తున్న ఈ 5జీ స్మార్ట్ ఫోన్లో ఎలాంటి ఫీచర్లు ఉండనున్నాయి.? ధర ఎంత లాంటి పూర్తి వివరాలు మీకోసం...
దేశీయంగా 5జీ స్మార్ట్ ఫోన్ల హవా నడుస్తోన్న నేపథ్యంలో పెద్ద పెద్ద కంపెనీలు సైతం 5జీ ఫోన్లను తీసుకొస్తున్నాయి. అందులోనూ మార్కెట్లో ఉన్న పోటీ నేపథ్యంలో చాలా కంపెనీలు తక్కువ ధరకే 5జీ ఫోన్లను తీసుకొస్తున్నాయి.
ఈ నేపథ్యంలో తాజాగా సామ్సంగ్ మార్కెట్లోకి మరో కొత్త బడ్జెట్ 5జీ స్మార్ట్ ఫోన్ను తీసుకొస్తోంది. గ్యాలక్సీ ఎఫ్54 5జీ పేరుతో లాంచ్ చేయనున్న ఈ స్మార్ట్ ఫోన్లో సూపర్ ఫీచర్స్ను అందించనున్నారు.
ఈ స్మార్ట్ ఫోన్ 8 జీబీ ర్యామ్, 256 జీబీ స్టోరేజ్ వేరియంట్ ధర రూ. 35,999గా ఉండనున్నట్లు అంచనా వేస్తున్నారు. త్వరలోనే దీనిపై అధికారిక ప్రకటన రానుంది. ఇక ఫీచర్ల విషయానికొస్తే ఇందులో 6.7 ఇంచెస్ ఫుల్ హెచ్డీ+ అమోఎల్ఈడీ డిస్ప్లేను అందించారు.
ఆండ్రాయిడ్ 13 ఆపరేటింగ్ సిస్టమ్తో పనిచేసే ఈ స్మార్ట్ ఫోన్లో Exynos 1380 SoC ప్రాసెసర్ను ఇచ్చారు. ఈ స్మార్ట్ ఫోన్ 5జీ నెట్ వర్క్కు సపోర్ట్ చేస్తుంది.
ఇక కెమెరాకు అధిక ప్రాధాన్యత ఇచ్చిన ఈ స్మార్ట్ ఫోన్లో 108 మెగా పిక్సెల్ రెయిర్ కెమెరాతో పాటు సెల్ఫీల కోసం 32 మెగా పిక్సెల్ ఫ్రంట్ కెమెరాను ఇచ్చారు. అలాగే 25 వాట్స్ ఛార్జింగ్కు సపోర్ట్ చేసే 6000 ఎమ్ఏహెచ్ బ్యాటరీ ఈ ఫోన్ సొంతం.