Oppo Reno 11: భారతలోకి ఒప్పో నుంచి మరో కొత్త ఫోన్.. ఫీచర్స్‌ అదుర్స్‌.
కొత్తేడాది నేపథ్యంలో మార్కెట్లో కొత్త స్మార్ట్ ఫోన్స్‌ సందడి నెలకొంది. దిగ్గజ స్మార్ట్ ఫోన్ కంపెనీలన్నీ వరుసగా ఫోన్‌లను లాంచ్‌ చేస్తూ వస్తున్నాయి. ఈ క్రమంలోనే ఇప్పటికే చైనాకు చెందిన పలు ప్రముఖ బ్రాండ్స్‌ నుంచి కొత్త ఫోన్స్‌ లాంచ్‌ అయ్యాయి. ఇక తాజాగా చైనాకు చెందిన ప్రముఖ స్మార్ట్ ఫోన్ దిగ్గజం ఒప్పో కొత్త ఫోన్‌ను లాంచ్‌ చేస్తోంది. ఒప్పో రెనో 11 పేరుతో వచ్చే నెలలో కొత్త ఫోన్‌ను తీసుకొస్తున్నారు..
చైనాకు చెందిన స్మార్ట్ ఫోన్ దిగ్గజం ఒప్పో భారత మార్కెట్లోకి కొత్త ఫోన్‌ను లాంచ్‌ చేస్తోంది. ఒప్పో రెనో 11 సిరీస్‌ పేరుతో కొత్త ఫోన్‌ను తీసుకురానుంది. ఇప్పటికే చైనాలో లాంచ్‌ చేసిన ఈ ఫోన్‌ను జనవరి 11వ తేదీన భారత మార్కెట్లోకి తీసుకొచ్చేందుకు సన్నాహాలు చేస్తోంది.
ఈ సిరీస్‌లో భాగంగా ఒప్పో రెనో 11, ఒప్పో రెనో 11 ప్రో అనే రెండు ఫోన్‌లను తీసుకొస్తున్నారు. ఈ రెండు స్మార్ట్ ఫోన్స్‌ కూడా కలర్‌ ఓఎస్ 14పై పనిచేస్తాయి. ఒప్పో రెనో 11 ఫోన్‌లో 67 వాట్స్‌ ఫాస్ట్ చార్జింగ్‌కు సపోర్ట్ చేసే 4800 ఎంఏహెచ్ బ్యాటరీని అందించారు.
ఇక కెమెరా విషయానికొస్తే ఈ రెండు స్మార్ట్ ఫోన్స్‌లోనూ 50 మగాపిక్సెల్స్‌తో కూడిన రెయిర్‌ కెమెరాను అందించారు. ట్రిపుల్ కెమెరా సెటప్ ఈ ఫోన్ సొంతం. ఇక సెల్ఫీల విషయానికొస్తే ఇందులో 32 మెగా పిక్సెల్స్‌తో కూడిన ఫ్రంట్ కెమెరాను ఇచ్చారు.
ఒప్పో రెనో 11లో 6.7 ఇంచెస్‌తో కూడిన ఓ ఎల్‌ఈడీ డిస్‌ప్లేను అందించారు. 120 హెర్ట్జ్ రీఫ్రెష్ రేట్‌ ఈ ఫోన్ సొంతం. ఇక రెనో 11 ప్రో విషయానికొస్తే ఇందులో.. 120 హెర్ట్జ్ రీఫ్రెష్ రేట్‌తోపాటు 6.74 అంగుళాల డిస్ ప్లేను అందించారు.
ఇక ఈ రెండు స్మార్ట్ ఫోన్స్‌ కూడా స్నాప్ డ్రాగన్ 8+ జెన్ 1 ఎస్వోసీ చిప్ సెట్‌తో పని చేస్తాయి. రెనో11 ప్రో ఫోన్ 80వాట్ల ఫాస్ట్ చార్జింగ్‌కు సపోర్ట్ చేసే 4700 ఎంఏహెచ్ కెపాసిటీ బ్యాటరీని అందించారు.