Nothing Phone 2: జులైలో మార్కెట్లోకి వస్తోన్న నథింగ్ ఫోన్ 2.. ఫీచర్లు ఎలా ఉండనున్నాయంటే.
నథింగ్ ఫోన్ 1తో యూజర్లను అట్రాక్ట్ చేసిన నథింగ్ కంపెనీ తాజాగా నథింగ్ ఫోన్ 2ని తీసుకొచ్చేందుకు కసరత్తులు చేస్తోంది. నథింగ్ ఫోన్ 2 పేరుతో జులైలో ఈ ఫోన్ను తీసుకురానున్నట్లు సమాచారం. ఈ నేపథ్యంలో ఈ ఫోన్లో ఎలాంటి ఫీచర్లు ఉండనున్నాయి.? ధర ఎంత లాంటి పూర్తి వివరాలు మీకోసం..
ప్రముఖ స్మార్ట్ ఫోన్ దిగ్గజం నథింగ్ ఫోన్ 2ని విడుదల చేసేందుకు సన్నాహాలు చేస్తోంది. జులై నెలలో ఈ ఫోన్ను లాంచ్ చేయనున్నట్లు కంపెనీ సీఈవో కార్ల్ పీ అధికారికంగా ప్రకటించారు.
ఈ స్మార్ట్ ఫోన్లో నెక్ట్స్ జనరేషన్ నథింగ్ ఫోన్ 2 క్వాల్కాం స్నాప్డ్రాగన్ 8+ జెన్ 1 ఎస్ఓసీ ప్రాసెసర్ను ఇవ్వనున్నారు. ఈ ఫోన్లో 4700ఎంఏహెచ్ బ్యాటరీని అందించనున్నారు. ఐఫోన్ 14 ప్రో బ్యాటరీ సామమర్థ్యం కంటే అధికం కావడం విశేషం.
ఇక నథింగ్ ఫోన్ 2లో 6.67 ఇంచెస్ స్క్రీన్ను ఇవ్వనున్నారు. 120 హెచ్జెడ్ రిఫ్రెష్ రేట్ ఈ స్క్రీన్ సొంతం.
కెమెరా విషయానికొస్తే ఈ స్మార్ట్ఫోన్లో 50 మెగా పిక్సెల్ రెయిర్ కెమెరాతో పాటు సెల్ఫీల కోసం 32 మెగా పిక్సెల్స్ ఫ్రంట్ కెమెరాను అందించారు.
ధర విషయానికొస్తే నథింగ్ ఫోన్ 2 భారత్లో రూ. 39,900గా ఉండొచ్చని అంచనా వేస్తున్నారు. జులై 19వ తేదీన భారత్లో లాంచ్ కానున్నట్లు సమాచారం. 8 జీబీ ర్యామ్, 128 జీబీ స్టోరేజ్తో ఈ ఫోన్ను లాంచ్ చేయనున్నారు.