Health Tips: మీరు రోజంతా యాక్టీవ్గా ఉండాలంటే.. రాత్రి ఈ తప్పులు అస్సలు చేయకండి
రోజంతా యాక్టీవ్గా ఉండాలని ప్రతి ఒక్కరూ అనుకుంటారు. కానీ వారికి ఉండే కొన్ని అలవాట్లు, పని ఒత్తిడి కారణంగా నైట్ సరిగ్గా నిద్రలేక ఉదయం నీరసంగా ఉంటారు. ఇది నిద్ర లేకపోవడం, జీవనశైలి సరిగా లేకపోవడం, పోషకాహార లోపం లేదా ఒత్తిడి వల్ల వీరు రోజంతా యాక్టీవ్గా ఉండలేకపోతారు. కాబట్టి ఉదయం బద్ధకం నుండి బయటపడి రోజంతా యాక్టీవ్గా ఉండాలంలే మీరు రాత్రి చేసే కొన్ని అలవాట్లను మార్చుకోవాల్సి ఉంటుంది. అవేంటో ఇక్కడ తెలుసుకుందాం.
సరైన టైంలో భోజనం చేయడం: ఉదయం నీరసంగా అనిపించకుండా ఉండటానికి, సరైన సమయంలో రాత్రి భోజనం చేయడం ముఖ్యం. కాబట్టి పడుకోవడానికి రెండు నుంచి మూడు గంటల ముందే మీరు మీ భోజనాన్ని పూర్తి చేసుకోండి. దీనివల్ల మీరు పడుకునే సమయానికి మీ ఆహారం సరిగ్గా జీర్ణమవుతుంది. జీర్ణక్రియ సజావుగా జరిగితే, నిద్ర ప్రశాంతంగా ఉంటుంది. దీని వల్ల మీరు మరుసటి రోజూ యాక్టీవ్గా ఉంటారు.
సరైన భోజనం: నైట్ కారంగా, లేదా జిడ్డుగా ఉండే ఆహారాన్ని తీసుకోకండి. ఇది జీర్ణం కావడానికి చాలా సమయం తీసుకుంటుంది. ఇది కడుపులో బరువు పెరగడానికి దారితీస్తుంది. మీ నిద్రకు కూడా భంగం కలిగిస్తుంది. కాబట్టి, రాత్రి భోజనంలో పోషకమైన, తక్కువ నూనె కలిగిన ఆహారం తీసుకోండి.
టైంకి నిద్రపోవడం: చాలా మంది లేట్గా పడుకుంటారు. ఇది మీ నిద్రను డ్యామేజ్ చేస్తుంది. కాబట్టి మీ దినచర్యలో ఒక నిర్దిష్టమైన నిద్రవేళను సెట్ చేసుకోండి. రోజూ కనీసం 8 గంటలు నిద్రపోవాడానికి ట్రై చేయండి. ఇలా చేస్తే మీరు రోజంతా యాక్టీవ్గా ఉంటారు.
తిన్న వెంటనే పడుకోవడం: చాలా మంది తిన్న వెంటనే పడుకుంటారు. ఇలా చేస్తే భోజనం సరిగ్గా అరగదు. దీని వల్ల నిద్రకు భంగం కలుగుతుంది. కాబట్టి భోజనం చేసిన తర్వాత కనీసం 10 నుండి 15 నిమిషాలు నడవండి. ఇలా చేయడం ద్వారా జీర్ణక్రియ మెరుగుపడుతుంది. దీంతో మీరు సరిగ్గా నిద్రపోయి.. మార్నింగ్ ఫ్రెష్గా నిద్రలేస్తారు.
నైట్ స్క్రీన్ చూడడం: చాలా మంది నైట్ ఎక్కువ సేపు ఫోన్ చూస్తూ రీల్స్ చూస్తుంటారు. కానీ ఇలా చేయడం మంచిది కాదు. మంచి నిద్ర కోసం, పడుకునే ముందు మీ స్క్రీన్ సమయాన్ని తగ్గించడం ముఖ్యం. రాత్రిపూట స్క్రీన్లను చూడటం వల్ల ఒత్తిడి పెరుగుతుంది, నిద్రకు అంతరాయం కలుగుతుంది. కాబట్టి నైట్ స్క్రీన్ టైం తగ్గిస్తే మంచిది.