Vastu Tips: ఇంట్లో తులసి మొక్కను పెంచుకోవడానికి వాస్తు నియమాలున్నాయని తెలుసా..! ఏ దిశలో ఏ రోజున నాటాలంటే..!
హిందూ ధర్మంలో తులసి మొక్కకు విశిష్ట స్థానం ఉంది. తులసి మొక్కను లక్ష్మీదేవి స్వరూపంగా శ్రీ మహా విష్ణువుకి అత్యంత ఇష్టమైన మొక్కగా పరిగణిస్తారు. అందుకనే తులసి మొక్కను ప్రతి హిందువు ఇంట్లో పెంచుకుంటారు. రోజూ భక్తీ శ్రద్దలతో పుజిస్తారు. ఇంట్లో తులసి మొక్క ఇంట్లో ఉంటే అదృష్టం కలిసి వస్తుందని ... ఆర్థిక సమస్యలు తొలగిపోతాయని ఒక నమ్మకం. పురాణ ప్రకారం మాత్రమే కాదు వాస్తు శాస్త్రం ప్రకారం తులసి మొక్కను ఇంట్లో ఉంచుకోవడానికి కొన్ని నియమాలు ఉన్నాయి. వాటిని పాటిస్తూ తులసి మొక్కను ఇంట్లో పెంచుకోవాల్సి ఉంటుంది. లేకపోతే ఫలితాలు తారుమారయ్యే అవకాశం ఉంది. అయితే వాస్తు ప్రకారం తులసి మొక్కను సరైన స్థలంలో పెంచుకోవడం మంచిది. ఈ రోజు తులసిని ఇంట్లో ఎక్కడ ఎలా పెంచుకోవాలో తెలుసుకుందాం..
హిందువులు ప్రతి ఇంట్లో తులసి మొక్కను పెంచుకుంటారు. ఇంకా చెప్పాలంటే ఇంట్లో ఏ మొక్కలు ఉన్నా లేకపోయినా తప్పని సరిగా ఇంటి ఆవరణలో తులసి మొక్క ఉంటుంది. ఇప్పుడు అపార్మేంట్ సంస్కృతి పెరిగిపోతున్న నేపధ్యంలో ఇంటి ఆవరణలో ఉండే తులసి మొక్క ఇంటి బాల్కనీలోకి వచ్చింది.
తులసి మొక్కను ఉదయం, సాయంత్రం భక్తి శ్రద్దలతో పూజిస్తారు. దీపారాధారణ చేస్తారు. వాస్తు శాస్త్రం ప్రకారం తులసి మొక్కను ఇంట్లో ఉంచడం చాలా శుభప్రదం. తులసి దళాలు దాదాపు అన్ని పూజల్లో వినియోగిస్తారు. తులసి మొక్కను ఆధ్యాత్మిక పరంగానే కాదు ఔషధ పరంగా కూడా ప్రత్యెక స్థానం ఉంది. ఈ మొక్క అనేక మూలికలు, ఆరోగ్య ప్రయోజనాలను కలిగి ఉంది.
అయితే ఈ తులసి చెట్టుని ఇంట్లో ఎక్కడ బడితే అక్కడ పెట్టుకుంటే సరిపోదు. వాస్తు శాస్త్రం ప్రకారం తులసి మొక్కను ఇంట్లో ఉంచుకోవడానికి కొన్ని నియమాలు ఉన్నాయి.
తులసి మొక్కను నాటడానికి అత్యంత అనువైన ప్రదేశం ఉత్తర దిశ. ఇల్లు లేదా ఫ్లాట్ లో ఉత్తరం వైపు తెరిచి ఉంటే.. తులసి మొక్కను అక్కడ ఉంచాలి. అయితే ఉత్తరాన తులసి మొక్కను పెంచుకోవడానికి వీలు కాకపోతే ఈశాన్యం లేదా తూర్పున దిశలో తులసి మొక్కను పెంచుకోవచ్చు.
తులసి మొక్కను పెచుకోవడానికి దిశ మాత్రమే కాదు కార్తీక మాసంలో తులసి మొక్కను నాటడం అత్యంత పవిత్రమైనదిగా పరిగణించబడుతుంది. కార్తీకమాసంతో పాటు చైత్రమాసంలో నవరాత్రులలో తులసి మొక్కను ఇంట్లో నాటవచ్చు.
పురాణాల నమ్మకం ప్రకారం ఇంట్లో తులసి మొక్క ఉంటే సుఖ శాంతులు ఉంటాయి. ఆర్థిక కష్టాలు తొలగిపోతాయి. లక్ష్మీదేవి అనుగ్రహం సొంతం అవుతుంది. గురువారం రోజున తులసి చెట్లను నాటడానికి పవిత్రమైనదిగా భావిస్తారు. ఎవరైనా ఆర్థిక ఇబ్బందుల్లో ఉంటే శనివారం ఇంట్లో తులసి చెట్టును నాటవచ్చు.
అయితే తులసి మొక్కను పొరపాటున కూడా ఏకాదశి, ఆదివారం, సూర్యగ్రహణం, చంద్రగ్రహణం రోజుల్లో నాటవద్దు. ఈ రోజుల్లో తులసి చెట్లను నాటడం అశుభంగా భావిస్తారు. అంతేకాదు తులసి దళాలను కోయడం కూడా ఆశుభంగా పరిగణిస్తారు.